മലയാളികൾ ഏറെ ചർച്ച ചെയ്ത വിഷയമാണ് ബിഗ്ഗ്‌ബോസ് വിജയ് മണികുട്ടനും മണികുട്ടന്റെ ഫ്ലാറ്റുമൊക്കെ.ബിഗ്ഗ്‌ബോസ് മത്സരാർത്ഥികളുടെ വിശേഷങ്ങൾ അറിയാൻ ആരാധകർക്ക് വലിയ താല്പര്യവുമാണ്.ബിഗ് ബോസ് വിജയി ആയ തനിക്ക് ഇതുവരെ ഫ്ലാറ്റ് തരുന്നതുമായി ബന്ധപ്പെട്ട് ആരുമിതുവരെ വിളിച്ചില്ലായെന്ന് മണിക്കുട്ടൻ പറഞ്ഞ വാക്കുകളും ഏറെ ചർച്ചയായി മാറിയിരുന്നു. ഇൻസ്റ്റാഗ്രാം ലൈവിൽ എത്തിയപ്പോഴായിരുന്നു മണിക്കുട്ടൻ വെളിപ്പെടുത്തൽ നടത്തിയത്.

എന്നാൽഒന്നാം സമ്മാനമായ ഫ്ലാറ്റ് സ്പോൺസർ ചെയ്തിരിക്കുന്ന കോൺഫിഡൻ്റ് ഗ്രൂപ്പിൻ്റെ പക്കൽ നിന്നും തൻ്റെ സമ്മാനമായ ഫ്ലാറ്റ് സംബന്ധിച്ച അറിയിപ്പ് ലഭിച്ചതായി മണിക്കുട്ടൻ അറിയിച്ചിരിക്കുകയാണ്.താരം തൻ്റെ ഇൻസ്റ്റാഗ്രാമിലൂടെയാണ് ഇക്കാര്യം പറഞ്ഞത്. കുറിപ്പിൻ്റെ പൂർണ്ണ രൂപം ഇങ്ങനെയാണ്.

'എന്റെ ഏറ്റവും വലിയ സ്വപ്നമായിരുന്നു സ്വന്തമായിട്ടൊരു വീട്. ഏഷ്യാനെറ്റിന്റെ ബിഗ് ബോസ്സ് മത്സരത്തിൽ എന്റെ പെർഫോമൻസ് ഇഷ്ടപ്പെട്ട് വിജയത്തിലേക്കുള്ള വോട്ടുകൾ നൽകിയ എന്റെ പ്രിയ പ്രേക്ഷകരോട്, Confident Group എന്നെ വിളിച്ച സന്തോഷം അറിയിക്കുന്നു.'

'ഉടനെ തന്നെ എനിക്കു വീട് കൈ മാറുമെന്ന വിവരം അറിയിച്ചു. നിങ്ങൾ തന്ന 'സ്നേഹസമ്മാനമാണ്' ഈ വീട്, അതിനാൽ അതിന്റെ പേരും അങ്ങനെ തന്നെ ആയിരിക്കും. വിജയിച്ച എന്നെ വിളിച്ചു ആശംസകൾ അറിയിച്ച കോൺഫിഡൻ്റ് ഗ്രൂപ്പ്, ലാനാ ടെക്നോളജീസ്, ഏഷ്യാനെറ്റ്, ബിഗ്ബോസ് ഷോ എന്നെ എന്നും സ്നേഹിക്കുന്ന, പ്രോത്സാഹിപ്പിക്കുന്ന എന്റെ സ്വപ്നമായ വീടിനും, സിനിമയ്ക്കും ഒപ്പം നിൽക്കുന്ന പ്രിയപ്പെട്ട പ്രേക്ഷകർ, എല്ലാർക്കും ഹൃദയം നിറഞ്ഞ നന്ദി അറിയിക്കുന്നു.'