"5 ലക്ഷം രൂപയുടെ ക്ളാസ് ആണ് ഇത് ഒക്കെ.. നിനക്ക് ഫ്രീ ആയി തരുകയാണ്.. ഓര്മ്മ വേണം." ഞാന് പരീക്ഷക്ക് തോറ്റു എന്ന് പറഞ്ഞു പറ്റിച്ചു.. ഞാന് അത് വിശ്വാസിക്കുകയും ചെയ്തു.. അങ്ങനെ പല പല ഓര്മകള്.. നന്ദി.. ഞങ്ങള്ക്ക് ഒരു മാര്ഗദീപമായി നിന്നതിന്.. വിട...' നിറകണ്ണുകളോടെ നടി മിയ ജോര്ജ്
ആടിത്തിമിര്ത്ത വേഷങ്ങള് പ്രേക്ഷകന്റെ ഓർമകളിൽ സമ്മാനിച്ച് മലയാളക്കരയുടെ മഹാനടന് യാത്രയായി. നടന് നെടുമുടി വേണുവിന് കേരളത്തിന്റെ യാത്രമൊഴി. ഏവർക്കും പ്രിയപ്പെട്ട നെടുമുടി വേണുവിന്റെ വിയോഗം തെല്ലൊന്നുമല്ല മലയാള സിനിമാ ലോകത്തെ പിടിച്ചു കുലുക്കിയത്. സൂപ്പര് താരങ്ങളും യുവ താരങ്ങളും എന്ന വ്യത്യാസമില്ലാതെ ഏവരുടെയും മനസ്സിലൂടെ കടന്നു പോയ ചിന്തകള് എണ്ണിത്തീർക്കാനാകാത്തതാണ്. ആദ്യമായി സ്ക്രീനിലെ അച്ഛനായി അഭിനയിച്ച നെടുമുടി വേണുവിനെയും, ഒപ്പം തന്നെ അദ്ദേഹം പകര്ന്നു നല്കിയ പാഠവും ഓര്ക്കുകയാണ് നടി മിയ ജോര്ജ്.
മിയയുടെ വാക്കുകള് ഇങ്ങനെ:
എന്റെ അഭിനയ ജീവിതത്തിലെ ആദ്യ അച്ഛന് കഥാപാത്രം ആയി വന്നത് ഈ മഹാനായ കലാകാരന് ആണ്. ഞാന് ഒരുപാട് അഭിമാനത്തോടെ എല്ലാവരോടും പറയുമായിരുന്നു ഞാന് ആണ് മകളായി അഭിനയിക്കുന്നത് എന്ന്. ഒരിക്കല് ഒപ്പം അഭിനയിക്കുന്ന ഒരു സീനില് എനിക്ക് ദേഷ്യം അഭിനയിക്കാന് സാധിച്ചില്ല. ഞാന് എങ്ങനെ അദ്ദേഹത്തെ വഴക്ക് പറയും എന്ന് ആയിരുന്നു എന്റെ ചിന്ത. അത് മനസിലാക്കി അദ്ദേഹം എനിക്ക് ധൈര്യം തന്നു ദേഷ്യം അഭിനയിപ്പിച്ചു.
മറ്റൊരു സീനില് എന്നോട് ചോദിച്ചു. "നീ എന്താ ഡയലോഗ് പറയുന്ന സമയം കൈകള് ഉപയോഗിക്കാത്തത്.." എന്നിട്ട് എന്റെ ഡയലോഗ് വേണു സാര് അഭിനയിച്ചു കാണിച്ചു. എന്നിട്ട് തമാശ ആയി പറഞ്ഞു."5 ലക്ഷം രൂപയുടെ ക്ളാസ് ആണ് ഇത് ഒക്കെ.. നിനക്ക് ഫ്രീ ആയി തരുകയാണ്.. ഓര്മ്മ വേണം." ഒരിക്കലും മറക്കാന് കഴിയാത്ത മറ്റ് ചില ഓര്മ്മകള് ഉണ്ടായത് പാവാട സിനിമ ഷൂട്ടിംഗില് ആണ്. ഞാന് പരീക്ഷക്ക് തോറ്റു എന്ന് പറഞ്ഞു പറ്റിച്ചു.. ഞാന് അത് വിശ്വാസിക്കുകയും ചെയ്തു.. അങ്ങനെ പല പല ഓര്മകള്.. നന്ദി.. ഞങ്ങള്ക്ക് ഒരു മാര്ഗദീപമായി നിന്നതിന്.. വിട..
https://www.facebook.com/Malayalivartha
