ഒരുകാലത്ത് മലയാള സിനിമയിൽ ചുരുക്കം ചില വേഷങ്ങൾ ചെയ്ത് മലയാളികളുടെ പ്രിയങ്കരിയായ നടിയാണ് മോഹിനി. വിവാഹിതയായ ശേഷം താരം സിനിമയില്‍ നിന്നും വിട്ട് നിന്നിരുന്നു. സിനിമയില്‍ സജീവമല്ലെങ്കിലും താരത്തിന്റെ വിശേഷങ്ങള്‍ ആരാധകര്‍ കേൾക്കാറുണ്ട്. താരം ക്രിസ്തുമതം സ്വീകരിച്ച്‌ പേരു മാറ്റിയതൊക്കെ ഏറെ ചര്‍ച്ചയായി മാറിരുന്നു.

ഇപ്പോഴിതാ താരത്തിന്റെ പുതിയ വിശേഷങ്ങളാണ് വീണ്ടും ശ്രദ്ധ നേടുന്നത്. പേര് മാറ്റിയതും ക്രിസ്ത്യന്‍ മതം സ്വീകരിച്ചതും എന്തുകൊണ്ടാണെന്ന് മോഹിനി കുറച്ച്‌ വര്‍ഷങ്ങള്‍ക്ക് മുന്‍പ് ഒരു അഭിമുഖത്തില്‍ വ്യക്തമാക്കിയിരുന്നു. അത് വീണ്ടും വൈറലായി മാറിയിരിക്കുകയാണ്.

ബ്രാഹ്‌മണ കുടുംബത്തിലായിരുന്നു മോഹിനി ജനിച്ച് വളർന്നത്. മഹാലക്ഷ്മി എന്ന പേര് സിനിമയില്‍ എത്തിയപ്പോഴാണ് മോഹിനി എന്നാക്കി മാറ്റിയത്. പിന്നെ വര്‍ഷങ്ങള്‍ക്കു ശേഷം ക്രിസ്റ്റിന എന്ന് വീണ്ടും മാറ്റുകയായിരുന്നു. എന്നാൽ ജീവിതത്തില്‍ ഒരുപാട് പ്രശ്‌നങ്ങളും വെല്ലുവിളികളുമുണ്ടായിരുന്നു. രോഗവും വന്നു. താന്‍ ഇനിയുണ്ടാകില്ലെന്ന് വരെ പറയുന്ന വിധത്തിൽ ജീവിതമാകെ മാറി. ഈ പ്രശ്‌നങ്ങളൊന്നും പ്രാര്‍ത്ഥിച്ചിച്ചിട്ടും പൂജകള്‍ ചെയ്തിട്ടും മാറിയില്ല. അങ്ങനെയിരിക്കുമ്പോഴാണ് ജീസസ് തന്റെ ജീവിതത്തിലേക്ക് വന്നതെന്ന് നടി അഭിമുഖത്തിൽ പറയുന്നു.

'എന്റെ പ്രശ്നങ്ങള്‍ പരിഹരിക്കാന്‍ പല വഴികളും നോക്കി. പൂജാരിമാരെ കണ്ടു. രക്ഷപ്പെടാന്‍ പറ്റില്ലെന്നായിരുന്നു എല്ലാവരും പറഞ്ഞത്. ഒന്നിനും ഉത്തരം കിട്ടാതെ ഇരുന്നപ്പോഴാണ് ജീസസ് വരുന്നത്. ജീവിതമാകെ മാറി. ആര്‍ത്തറൈറ്റൈസ് മാറി, സ്‌പോണ്ടുലോസസ് മാറി, അടുത്ത ദിവസം രാവിലെ പത്ത് മണിക്ക് വിവാഹ മോചനമാണ്.

എന്നാല്‍ ഇന്ന് രാത്രി ഭര്‍ത്താവ് വിളിച്ചിട്ട് നമ്മള്‍ ചെയ്യുന്നത് തെറ്റാണ്. നമുക്ക് നല്ലൊരു മകളുണ്ട്. നമ്മള്‍ പിരിയാന്‍ പാടില്ലെന്ന് പറഞ്ഞു, രണ്ടാമത് കുട്ടിയുണ്ടായി, പള്ളിയില്‍ വച്ച്‌ വീണ്ടും വിവാഹം കഴിച്ചു, ഇങ്ങനെ ജീവിതം മുഴുവന്‍ മാറി. എല്ലാത്തിനും കാരണം ജീസസ് ആണ്', എന്നും താരം പറയുന്നു.