ഒരുകാലത്ത് സീരിയലുകളിൽ നിറഞ്ഞുനിന്ന താരമാണ് ഇന്ദു തമ്പി. മോഡലിംഗിലൂടെയാണ് അഭിനയലോകത്തേക്ക് ഇന്ദു തമ്പി കടന്നുവന്നത്. അഭിനയിച്ച സീരിയലുകൾ എല്ലാം വമ്പൻ ഹിറ്റായിരുന്നു. അങ്ങനെ മുന്നേറുന്നതിനിടയിലാണ് താരം സീരിയലുകളിൽ നിന്നും അപ്രത്യക്ഷയായത്. ഇപ്പോൾ വീണ്ടും ഒരു തിരിച്ചുവരവിന് ഒരുങ്ങുകയാണ് താരം. എന്നാൽ ഇതിനിടയിൽ വളരെ ശ്രദ്ധേയമായ ഒരു വെളിപ്പെടുത്തൽ കൂടി ഇന്ദു തമ്പി നടത്തിയിരിക്കുകയാണ്.

ഏഴാം വയസ്സുമുതൽ തന്നെ കീഴടക്കാൻ ശ്രമിച്ച രോഗത്തെക്കുറിച്ച് ആണ് ആ വെളിപ്പെടുത്തൽ. വര്‍ഷങ്ങള്‍ക്ക് മുന്‍പ് തനിക്കൊപ്പം ആ അസുഖമുണ്ട്. തന്റെ ഏഴാം വയസ്സ് മുതല്‍ താരം ഈ രോഗവസ്ഥയിലൂടെയാണ് കടന്നു വന്നത്. ഇപ്പോഴും അത് പിന്തുടരുന്നു. മിസ് കേരള പ്ലാറ്റ്ഫോമില്‍ നില്‍ക്കുമ്പോഴായിരുന്നു ഈ രോഗത്തെക്കുറിച്ച് പറയണമെന്നു തോന്നിയത്. സാധാരണക്കാര്‍ക്ക് ഒരു പ്രചോദനമാകുമെന്ന് കരുതിയിട്ടായിരുന്നു അങ്ങനെ ചെയ്തത്.

അസുഖത്തിന്റെ ചികിത്സയ്ക്കായി കൃത്യമായി ഡോക്ടറെ കാണുന്ന ശീലമില്ലായിരുന്നു, ബിരുദ പഠനം കഴിഞ്ഞപ്പോൾ ഡോക്ടറെ കാണാന്‍ പോയി . ഡോക്ടറില്‍ നിന്നുമായിരുന്നു ടൈപ്പ് വണ്‍ രോഗത്തെക്കുറിച്ച് കൂടുതലറിഞ്ഞത് . പിന്നീട് ചികിത്സ ആരംഭിച്ചു. ഇപ്പോള്‍ മൂന്ന് മാസം കൂടുമ്പോള്‍ ഡോക്ടറെ കാണും. ടൈപ്പ് വണ്‍ പ്രമേഹം ഉണ്ടെങ്കില്‍ ജീവിത ശൈലി സ്വയം രൂപപ്പെടുത്തണമെന്നാണ് താരം പറയുന്നത്.

തന്റെ ചുറുചുറുക്കിന്റെ രഹസ്യം എന്നത് എപ്പോഴും ആക്ടീവായി ഇരിക്കുന്നതാണെന്നും ഇന്ദു പറയുന്നു. തന്റെ രോഗാവസ്ഥ ഉള്ളവര്‍ വളരെയധികം കരുതല്‍ കാണിക്കണം. ഓരോ നിമിഷവും കരുതലോടെ ഇരിക്കണം. ചിലപ്പോള്‍ നടക്കുമ്പോൾ ഷുഗര്‍ താഴ്ന്നു പോകും. ഉറക്കം ചെറുതായൊന്ന് തടസ്സപ്പെട്ടാല്‍ ശരീരത്തിലും ബ്ലഡ്ഷുഗറിലുമൊക്കെ വ്യത്യാസം വരുകയും ചെയ്യും.

ഞങ്ങളെപ്പോലുള്ള രോഗികള്‍ക്ക് സഹകരണം നല്‍കണം. അതിന് നല്ലൊരു സപ്പോര്‍ട്ട് സിസ്റ്റം വേണം. തന്റെ ഭര്‍ത്താവും കുടുംബവും അത് തനിക്ക് നല്‍കുന്നുണ്ട് . മോഡലിംഗ് രംഗത്തിലൂടയായിരുന്നു നടി ഇന്ദു തമ്പിയുടെ അഭിനയ രംഗത്തിലേക്കുള്ള കടന്നു വരവ്. ഇപ്പോള്‍ അഭിനയ രംഗത്ത് അത്ര സജീമല്ല. എങ്കിലും താരം സോഷ്യല്‍ മീഡിയ പ്ലാറ്റ്‌ഫോമുകളില്‍ സാന്നിധ്യമറിയിക്കുന്നുണ്ട് .