തന്റെ അഭിനയജീവിതത്തിന്റെ 30ാം വാര്‍ഷികമായതിന്റെ സന്തോഷത്തിലാണ് നടി ശ്വേതാ മേനോന്‍. .അഭിനയത്തിലേക്ക് വന്നിട്ട് മുപ്പത് വർഷങ്ങൾ കഴിഞ്ഞെങ്കിലും ഇന്നലെ കഴിഞ്ഞത് പോലെ തോന്നുകയാണെന്നാണ്. ഒരിക്കലും ജീവിതം ഇങ്ങനെ ആയിക്കണം എന്ന് കരുതിയിട്ടില്ല. സിനിമ കുടുംബത്തിലുള്ള വ്യക്തിയല്ല താൻ . നാളെ എന്തായി തീരുമെന്ന് പറയാൻ പറ്റില്ല. ഭാഗ്യം ഉള്ളതായി തോന്നിയിട്ടുണ്ട്.

ഒട്ടുമിക്ക വേഷങ്ങളും ചെയ്യാൻ കഴിഞ്ഞിട്ടുണ്ട്. പ്രേക്ഷകരും ഒരുപാട് പിന്തുണച്ചിട്ടുണ്ടെന്നും ശ്വേതാ പറയുന്നു. എന്തുക്കൊണ്ട് താൻ കോണ്ടത്തിന്റെ പരസ്യത്തിൽ അഭിനയിച്ചുവെന്നും താരം വെളിപ്പെടുത്തുന്നു. കോണ്ടത്തിന്റെ പരസ്യത്തിൽ ഒരു മോഡലും അഭിനയത്രിയും എന്ന നിലയിൽ അഭിനയിച്ചെന്നെ ഉള്ളുവെന്നാണ് താരം പറഞ്ഞിരിക്കുന്നത്.

പ്രസവകാലം ചിത്രീകരിച്ചതാണോ കോണ്ടത്തിന്റെ പരസ്യത്തിൽ അഭിനയിച്ചതാണോ പ്രയാസമെന്ന് തോന്നിയത് എന്നതിനും വ്യക്തമായ മറുപടി താരം നൽകുന്നുണ്ട്. മറ്റുള്ളവർ എന്താണ് ചിന്തിക്കുന്നത് എന്ന് ആലോചിച്ചിട്ടില്ല. അഭിനയ ജീവിതത്തിൽ എല്ലാം ജോലിയായിട്ടാണ് കരുതിയിട്ടുള്ളത്. എന്നെ മനസിൽ കണ്ട് ഒരു ഒരു കഥ എഴുതിയതെന്ന് അറിയുമ്പോൾ സന്തോഷം ഉണ്ട്.

ഇതിലും വലിയ ഒരു ഭാഗ്യം കിട്ടാൻ ഇല്ലെന്നും ശ്വേത മേനോന്‍ വ്യക്തമാക്കിയിരിക്കുകയാണ്. കളിമണ്ണ് എന്ന ചിത്രം മറ്റുള്ളവർ റിജെക്ട് ചെയ്തോണ്ട് തന്നെ തേടി വന്നതല്ല മറിച്ച് ആ കഥ ആദ്യം വന്നത് എന്റെ അടുത്ത് തന്നെയാണെന്നും താരം വെളിപ്പെടുത്തി.

അനശ്വരം എന്ന സിനിമയിലൂടെ മമ്മൂട്ടിയുടെ നായികയായി എത്തിയ താരമാണ് ശ്വേത മേനോന്‍. മലയാളത്തിന് പിന്നാലെ തമിഴിലും തെലുങ്കിലും ഹിന്ദിയിലുമൊക്കെ തിളങ്ങിയ താരമാണ് ശ്വേത. റിയാലിറ്റി ഷോകളില്‍ ജഡ്ജിയായും മത്സരാര്‍ത്ഥിയായും ബിഗ്‌സ്‌ക്രീനിലും മിനിസ്‌ക്രീനിലും ശ്വേത ഇപ്പോൾ സജീവമാണ്.