മോഹൻലാൽ ആദ്യമായി സംവിധാനം ചെയ്യുന്ന ചിത്രത്തിൽ നിന്ന് നടൻ പൃഥ്വിരാജ് പിന്മാറിയത് ചർച്ചയാക്കി സോഷ്യൽ മീഡിയ. മോഹൻലാൽ ചിത്രമായ 'ബറോസ്" വാർത്തകളിലിടം പിടിച്ചിരുന്നു. വലിയൊരു താര നിര തന്നെയാണ് ചിത്രത്തിൽ അണിനിരക്കുന്നത്. ഈ ചിത്രത്തിൽ നിന്നാണ് പൃഥ്വിയുടെ പിന്മാറ്റം.ഡേറ്റ് ക്ലാഷിനെ തുടർന്നാണ് താരം പിന്മാറിയതെന്നാണ് വിവരം. ബറോസിന്റെ ആദ്യ ഷെഡ്യൂളിൽ പൃഥ്വിയുടെ സീനുകൾ ഷൂട്ട് ചെയ്‌തിരുന്നു.

പിന്നീട് കൊവിഡിനെ തുടർന്ന് ഷൂട്ട് നിറുത്തി വയ്‌ക്കുകയായിരുന്നു. ചിത്രത്തിലെ പ്രധാന കഥാപാത്രമായ പെൺകുട്ടിയുടെ ലുക്ക് മാറിയതോടെ ചിത്രം വീണ്ടും ഷൂട്ട് ചെയ്യാൻ തീരുമാനിച്ചിരുന്നു.ഷൂട്ടിംഗ് പുനരാംരഭിച്ചപ്പോൾ ഇതുവരെ ഷൂട്ട് ചെയ്‌തതെല്ലാം റീ ഷൂട്ട് ചെയ്യേണ്ടി വരുമെന്ന് മോഹൻലാൽ അറിയിച്ചിരുന്നു.

എന്നാൽ നിലവിൽ പൃഥ്വിരാജ് ഷാജി കൈലാസിന്റെ കടുവയുടെ ഷൂട്ടിംഗ് തിരക്കുകളിലാണ്.അതിനുശേഷം ആടുജീവിതത്തിന്റെ അടുത്ത ഷെഡ്യൂളിലേക്ക് പ്രവേശിക്കും. കൊവിഡ് രണ്ടാം തരംഗത്തെ തുടര്‍ന്നാണ് ചിത്രത്തിന്റെ ഷൂട്ടിങ്ങ് നിര്‍ത്തിവെച്ചിരുന്നു. കടുവയുടെ ഷൂട്ടിംഗ് പുനരാരംഭിച്ചിരിക്കുകയാണ്. പൃഥ്വിരാജും ലിസ്റ്റിന്‍ സ്റ്റീഫനും ചേര്‍ന്നാണ് ചിത്രം നിര്‍മ്മിക്കുന്നത്.

ഷാജി കൈലാസ് സംവിധാനം ചെയ്യുന്ന മാസ് ആക്ഷന്‍ എന്റര്‍ടെയിനറിന്റെ തിരക്കഥ ജിനു എബ്രഹാമാണ്. മാസ്റ്റേഴ്‌സ്', 'ലണ്ടന്‍ ബ്രിഡ്ജ്'' എന്നീ സിനിമകളുടെ രചയിതാവും ആദം എന്ന സിനിമയുടെ സംവിധായകനുമാണ് സിനിമയുടെ തിരക്കഥാകൃത്തായ ജിനു എബ്രഹാം. ഷാജി കൈലാസ് എട്ട് വര്‍ഷത്തിന് ശേഷം സംവിധാന രംഗത്തേയ്ക്ക് മടങ്ങിയെത്തിന്ന ചിത്രം കൂടിയായാണ് കടുവ.

അഭിനന്ദന്‍ രാമാനുജനാണ് ക്യാമറ. മാജിക് ഫ്രെയിംസും പൃഥ്വിരാജ് പ്രൊഡക്ഷന്‍സും ചേര്‍ന്നാണ് നിര്‍മ്മാണം. കടുവാക്കുന്നേല്‍ കുറുവച്ചന്‍ എന്ന യുവ പ്ലാന്ററുടെ റോളിലാണ് പൃഥ്വിരാജ് ചിത്രത്തിലെത്തുന്നത്. കടുവയുടെ ആദ്യ ഷെഡ്യൂളിന് ശേഷം മോഹന്‍ലാലിനെ നായകനാക്കി ഷാജി കൈലാസ് എലോണ്‍ എന്ന ചിത്രമാണ് സംവിധാനം ചെയ്തത്. 12 വര്‍ഷത്തിന് ശേഷം ഷാജി കൈലാസും മോഹന്‍ലാലും ഒരുമിച്ച ചിത്രത്തിന്റെ ഷൂട്ടിങ്ങ് പൂര്‍ത്തിയായി.