എല്ലാവരുടെയും പ്രതീക്ഷകൾ വെള്ളത്തിലാക്കികൊണ്ട് റൈറ്റർ മാമൻ വീണ്ടും മുന്നേറുകയാണെന്ന് അക്ഷരാർത്ഥത്തിൽ പറയാം. രൂപ സി എസ് ഒത്തുചേരലാണിപ്പോൾ, സീരിയലിൽ എല്ലാവരും കാണാൻ ആഗ്രഹിക്കുന്ന സീൻ.. അതുകൊണ്ട് തന്നെ, പുതിയ പ്ലാനുമായാണ് റൈറ്റർ മാമൻ മുന്നോട്ട് പോകുന്നത്.

ഇന്നലത്തെ എപ്പിസോഡിൽ എല്ലാവരും പ്രതീക്ഷിച്ചിരുന്നു, അമ്പലത്തിൽ വെച്ച് സി എസും രൂപയും കണ്ടുമുട്ടുമെന്ന്, പക്ഷെ, ദൈവ ദൂതനെന്നൊക്കെ സി എസ് പറഞ്ഞതുപോലെ, കല്യാണി അവിടെ എത്തി. അതുകൊണ്ട് തന്നെ, പാറുവിനെയും കല്യാണിയെയുമാണ് കണ്ടത്.

പാറുവിനെയും കല്യാണിയേയും കണ്ട സ്ഥിതിയ്ക്ക്.. കൂടുതൽ സംശയങ്ങൾക്ക് വഴിയൊരുക്കാതെ, സി എസ് പാറുമോളെ, കല്യാണിയുടെ കൂടെ വീട്ടിലേക്കും പറഞ്ഞയച്ചിരിക്കുകയാണ്. ഇനി എന്തയാലും കുറേ ദിവസം, പാറുവും കടുവയും മൂങ്ങ മുത്തശ്ശിയും തമ്മിലുള്ള വഴക്കും, പ്രശ്നങ്ങളുമായിരിക്കും കാണിക്കുന്നത്.

ഇതുകൂടാതെ, മറ്റൊരു പ്രശ്നത്തെക്കൂടി ഇതിനിടയിലേക്ക് കൊണ്ട് വന്ന് വലുതാക്കി കാണിക്കാനുള്ള എല്ലാ വഴികളും തുറന്നുകാണിക്കുകയാണ്. അത്, ഇന്നത്തെ പ്രൊമോയിലും കാണിച്ചിരുന്നു. കല്യാണിയോടൊപ്പമാണ്.. പാറു എന്നാണ് രൂപ വിശ്വസിച്ചിരിക്കുന്നത്. ഇതിനെ തുടർന്നുള്ള വമ്പിച്ച പ്രശ്നങ്ങൾക്ക് ഇന്ന് തുടയ്ക്കും കുറിക്കുന്നുണ്ട്. കിരണിനോട് അതിയായ ദേഷ്യത്തിലാണ് രൂപ സംസാരിക്കുന്നത്.

"പാറുമോൾ എവിടേക്കാണ് പോയതെന്നും ആരോടൊപ്പമാണ് പോയതെന്നും മനസ്സിലായി.." എന്ന് നല്ല ദേഷ്യത്തിലാണ്, രൂപ പറയുന്നത്. ഇത് കേൾക്കുമ്പോൾ, തന്നെ ഒന്നും മിണ്ടാനാകാതെയാണ്, കിരൺ നിൽക്കുന്നത്.

മിക്കവാറും, അച്ഛനെ അമ്മ കണ്ടല്ലോ.. എന്ന വിഷമത്തിൽ പേടിച്ചിട്ടായിരിക്കും കിരണിന്റെ നിൽപ്പ്. അച്ഛനുമായുള്ള ബന്ധം അമ്മ തകർക്കുമോ?? എന്നൊക്കെ ചിന്തിക്കുമ്പോഴായിരിക്കും.. എല്ലാം തകർത്തുകൊണ്ട്, കല്യാണിയുടെ പേര് പറയുന്നത്. ഇത് കേൾക്കുമ്പോൾ, കിരണിന്റെ കിളി മിക്കവാറും പോകും.

പാറുമോളെ, കല്യാണി വീട്ടിൽ കൊണ്ട് വന്നത് മുതൽ.. സമാധാനമില്ലാതായിരിക്കുകയാണ് കടുവയ്ക്ക്. കൊച്ചു കുട്ടിയാണെങ്കിലും, ആളെ ഒരു കിടിലം കഥാപാത്രമായല്ലേ.. റൈറ്റർ മാമൻ കൊണ്ട് പോകുന്നത്. കല്യാണിയെ വകവരുത്താനോ.. അടിച്ചാക്ഷേപിക്കാനോ, ഇനി കുറച്ചു ദിവസത്തേക്ക് മൂങ്ങയ്ക്കും, കടുവയ്ക്കും കഴിയില്ല.. ഇത് തന്നെയായിരിക്കും പ്രധാന പ്രശ്നം.

ഈ പ്രശ്നങ്ങളൊക്കെ നടക്കുമ്പോഴും യാതൊരു ഭാവ വ്യത്യാസവുമില്ലാതെ മുന്നോട്ട് പോവുകയാണ് സരയു. ഇന്നത്തെ പ്രൊമോയിലും, നല്ല ദേഷ്യത്തിൽ കിരണിനോട് പറയുന്നുണ്ട്.

കല്യാണിയെ ഈ വീട്ടിലേക്ക് കയറ്റാൻ ഞാൻ അനുവദിക്കില്ലെന്ന്...

പക്ഷെ, കിരൺ ഇതിന് മറുപടി ഒന്നും വായ്കൊണ്ട് കൊടുത്തില്ലെങ്കിലും ഒരു ഒന്നൊന്നര നോട്ടം കൊടുക്കുന്നുണ്ട്. എല്ലാ മറുപടിക്കുമുള്ള ഒറ്റ ഉത്തരമാണ് ആ നോട്ടം... അതിലൂയോടെ കിരൺ പറയാതെ പറയുകയാണ്. നീ എന്തൊക്കെ കളികൾ നടത്തിയാലും, കല്യാണിയെ എന്റെ പെണ്ണായി ഞാൻ ഈ വീട്ടിലേക്ക് കൊണ്ടുവരുമെന്നായിരിക്കും. കിരൺ മനസ്സിൽ എന്താണ് പറയുന്നതെന്നും... സരയുവും കിരണും വീണ്ടും പൊരിഞ്ഞ യുദ്ധം തുടങ്ങാൻ പോവുകയാണോ?? എന്നൊക്കെയുള്ള കാര്യങ്ങൾ നമുക്ക് കാത്തിരുന്ന തന്നെ കാണാവുന്നതാണ്.