വേദികയ്ക്ക് ഇനി സമാധാനമില്ലാത്ത നാളുകൾ!! സരസ്വതിയമ്മയുടെ കള്ളത്തരങ്ങൾ കൈയ്യോടെ പൊക്കി മുത്തശ്ശൻ; സരസു ഇനി വീടിന് പുറത്ത്, കുടുംബവിളക്ക് പുതിയ വഴിത്തിരിവിലേക്ക്
വാഗമൺ യാത്രയൊക്കെ കഴിഞ്ഞ് തിരികെ വന്ന ശ്രീനിലയത്തിൽ പ്രശ്നങ്ങൾ തുടങ്ങുകയാണ്. യാത്രയ്ക്കിടയിൽ സിദ്ധു സുമിത്രയോടുകാണിച്ച അതിരുവിട്ട സ്നേഹവും, പിന്നെ സുമിത്രയെ കാണാതാകുന്നു.. കണ്ടുമുട്ടുന്നു. അഛ്ചന്റെ ആശുപത്രി കേസ് ഇതെല്ലം കണ്ടതാണല്ലോ.. ഇനി ഇതിനെ തുടർന്നുള്ള പ്രശ്നങ്ങളുടെ തുടക്കമാണ്. വീക്കെൻഡ് പ്രൊമോയിൽ അതിനുള്ള എല്ലാ സൂചനകളാലും നൽകുന്നുണ്ട്.
സുമിത്രയോട് വേദിക പ്രശ്നങ്ങൾ തുടങ്ങുന്നതു തന്നെ സിദ്ധുവിന്റെ കാര്യം പറഞ്ഞായിരുന്നു. മറ്റൊരാളുടെ ഭർത്താവിനെ തട്ടി എടുക്കാൻ നോക്കുന്നത് നല്ല സ്വഭാവമാണോ എന്നാണ് വേദിക ചോദിക്കുന്നത്. പക്ഷെ, വേദിക ഒരു കാര്യം മറന്നു പോയി സുമിത്രയോട് ഈ ചോദ്യം ചോദിയ്ക്കാൻ എന്ത് അർഹതയാണ് വേദികയ്ക്കുള്ളതെന്ന്...
അതിനുള്ള തക്ക മറുപടിയും സുമിത്ര കൊടുത്തിട്ടുണ്ട്. അത് പിന്നെ ഇപ്പോൾ എല്ലാവർക്കും അറിയാമല്ലോ... ആർക്കാണ് സുമിത്രയോടിപ്പോൾ താത്പര്യമെന്ന്. സുമിത്ര, ഈ പറഞ്ഞ വാക്കുകൾ ആ ശ്രീയോടും, മക്കളോടും കൂടി പറഞ്ഞ് മനസ്സിലാക്കണം. അവർക്കാണല്ലോ.. സുമിത്രയെയും സിദ്ധുവിനെയും ഒരുമിപ്പിക്കാൻ താല്പര്യം.
സുമിത്രയുടെ വാക്കുകൾ കേൾക്കുമ്പോൾ, വേദികയ്ക്ക് സഹിക്കാൻ കഴിയാത്ത ദേഷ്യമാണുള്ളത്. ഇന്ദ്രജയുമായി ചേർന്ന് സുമിത്രയെ തകർക്കാനുള്ള പദ്ധതി ഇട്ടെങ്കിലും... ഡോക്ടർക്ക് കാര്യം മനസ്സിലായതുകൊണ്ട്, വേദികയെ ഒഴിവാക്കുകയായിരുന്നു.
ആ പരിപാടി പൊട്ടിയതുകൊണ്ട്, സരസ്വതിയമ്മയെയും കൂട്ടുപിടിച്ചുകൊണ്ട് പുതിയ പദ്ധതിയ്ക്ക് വഴിയൊരുക്കുകയാണ്. അതിനുവേണ്ടി കണ്ടെത്തിയ വഴിയാണ് വീടിന്റെ പ്രമാണം കൈയ്യിലാക്കുക എന്നത്. സുമിത്രയ്ക്ക് പണികൊടുക്കാൻ പോകുന്ന സരസുവിനാണ് കിടിലൻ പണികിട്ടുന്നത്. എന്തായാലും സരസു ഒരു എട്ടിന്റെ പണിയും കൊടുത്ത് സുമിത്രയെ വീട്ടിന് പുറത്താക്കിയിട്ട് വേദികയെ അകത്തുകയറ്റാൻ ശ്രമിച്ചതാണ്, ഒടുവിൽ അച്ചാച്ചൻ സരസുവിനെയാണ് വീട്ടിന് പുറത്താക്കുന്നത്. എന്തായാലും സരസുവിന് പണികിട്ടും എന്ന കാര്യം ഉറപ്പാണ്, പക്ഷെ.. അത് എപ്പോഴാണെന്നുള്ള കാര്യത്തിൽ യാതൊരുവിധ ഉറപ്പുമില്ല.
ഈ ഒരു മുട്ടൻ പണിയോടുകൂടി വേദികയുടെ യഥാർത്ഥ സ്വഭാവത്തെ മനസ്സിലാക്കി, സരസു ഒന്ന് നന്നായാൽ മതിയായിരുന്നു. ഇനിയും സരസു നന്നായില്ലെങ്കിൽ വേദികയോടൊപ്പം കൂടി പണികൾ വാങ്ങാൻ മാത്രമായിരിക്കും ജീവിതം ബാക്കി.
https://www.facebook.com/Malayalivartha