അമ്മയറിയാതെ പരമ്പര ആരാധകരെ വിഷമത്തിലാക്കാൻ തുടങ്ങിയിട്ട് ഒരുപാട് നാളായി. വീക്കെൻഡ് പ്രോമോ കണ്ടപ്പോൾ ചെറുതായിട്ടെങ്കിലും എല്ലാവരും പ്രതീക്ഷിച്ചുകാണും, വീണ്ടും ആ പഴയ പ്രതാപത്തിലേക്ക് 'അമ്മയറിയാതെ' തിരികെ വരികയാണെന്ന്.

പക്ഷെ, അതൊന്നും നടക്കുന്ന മട്ടില്ല. ഈ ആഴ്ചയിൽ പരമ്പര തുടങ്ങുന്നത് തന്നെ വിനീതിന്റേയും അപർണയുടെയും റൊമാൻസുമായിട്ടാണ്. ഒരു ഒന്ന് രണ്ടു സീനെങ്കിലും നമ്മളെല്ലാവരും ആഗ്രഹിച്ച എന്തെങ്കിലും ത്രില്ലിംഗ് കൊണ്ട് വന്നിരുന്നെങ്കിൽ കുറച്ചുകൂടി മെച്ചപ്പെടുമായിരുന്നു. ഇതിപ്പോൾ, റൈറ്റർ മാമന് മറവി എന്തെങ്കിലും പിടിപെട്ടോ എന്ന് പോലും സംശയിക്കുന്നുണ്ട്. വേറൊന്നുമല്ല കേട്ടോ കാര്യം പരമ്പരയിലെ കഥ എന്താണെന്ന് മറന്നു പോയിട്ടുണ്ട്.

പിന്നെ ഇടയ്ക്ക് ഓർമ വരുമ്പോഴാകും, അമ്പാടിയെയും അലീനയെയും സച്ചിയേയും ചുറ്റിപറ്റി എന്തെങ്കിലും കൊടുക്കുന്നത്. ഈ ആഴ്ചയിലും അതുപോലെ തന്നെയാണ്, ഈ പുട്ടിന് പീരപോലെ ഇടയ്ക്കിടയ്ക്ക് അമ്പാടിയെയും അലീനയെയും കൂട്ടിച്ചേർക്കും, മെയിൻ റോളിൽ വിനീതും അപർണ്ണയും മാത്രം.

പിന്നെ, ഇന്നത്തെ എപ്പിസോഡിൽ അമ്പാടിയെയുംഅലീനയെയും പോലെ പ്രണയിക്കാനൊക്കെ രണ്ടുപേരും നല്ലതുപോലെ ശ്രമിക്കുന്നുണ്ട്. ശ്രമിച്ചോ.. അത് നല്ലതാണ്, പ്രണയവും റോമൻസുമൊക്കെ പെട്ടെന്നെങ്ങനെ അഭിനയിക്കാൻ പറ്റുന്നതല്ല, അതിനിടയിൽ ചെറുതായിട്ടെങ്കിലും ഒരു കെമിസ്ട്രി വേണം. അതൊക്കെ നന്നായിട്ട് വരുന്നത് അമ്പാടിക്കും അലീനയ്ക്കുമാണ്.. ആ നോട്ടവും സംസാരവുമൊക്കെ കാണുമ്പോൾ തന്നെ എന്ത് രസമാണ്.

വിനീതും അപർണ്ണയും മാക്സിമം ശ്രമിക്കുന്നുണ്ട്, പക്ഷെ.. എന്താണെന്നറിയില്ല, അതുവരെയങ്ങു എത്തുന്നില്ല. എത്തിക്കണമല്ലോ.. എന്നാലല്ലേ, അതിനൊരു ത്രില്ലൊക്കെ കാണൂ. ഭാര്യയും ഭർത്താവും എന്ന് പറഞ്ഞിട്ടെന്താ.. കാര്യം ഇപ്പോൾ, ആരും കാണാതെ പാത്തും പതുങ്ങിയും പ്രണയിക്കുവാനുള്ള പരിപാടിയിലാണ് രണ്ടുപേരും.

അതൊക്കെ, നമ്മൾ പ്രൊമോയിൽ കണ്ടതാണല്ലോ... കാന്റീനിൽ ആരുമില്ലാതെ ഇരുവരും ഇരുന്ന് ഭക്ഷണം കഴിക്കുന്നതും, പിന്നെ വിനീത് അലീന കാണാതെ ഓടി മറയുന്നതുമൊക്കെ, സത്യം പറയാമല്ലോ.. അതൊക്കെ സീരിയസായിട്ടാണ് ചെയ്യുന്നതെങ്കിൽ കോമഡിയായിട്ടുണ്ട്.

ഈ ആഴ്ചയിൽ തന്നെ, രണ്ടു പേരും മനസ്സിലുള്ളതങ്ങു തുറന്നു പറഞ്ഞാൽ തീരുന്ന പ്രശ്നമേയുള്ളൂ.. അതിനെ ഇങ്ങനെയിട്ടു വലിച്ചു നീട്ടണമോ എന്നാണ് റൈറ്റർ മാമനോട് ചോദിക്കാനുള്ളത്. ഇതിന്റെയൊന്നും ഒരു ആവശ്യവുമില്ല... മെയിൻ സ്റ്റോറി എന്താണെന്നു വെച്ചാൽ അതിനെ പിന്തുടർന്ന് കഥ പോകൂ.

അതിനിടയ്ക്ക് അപർണയുടെയും വിനീതിന്റേയും പ്രണയവും, പിന്നെ അവരുടെ ജീവിതത്തിൽ സംഭവിക്കുന്ന മാറ്റങ്ങളുമൊക്കെ ഇടയ്ക്ക് മാത്രം കാണിച്ചാൽ കൊള്ളാമായിരുന്നു.. അങ്ങനെ തന്നെ സംഭവിക്കട്ടെ, എന്നാൽ പരമ്പരയിലെ ആരാധകരും കൂടും എന്ന കാര്യത്തിൽ യാതൊരുവിധ സംശയവും വേണ്ട.