പണത്തിന് വേണ്ടി സ്വന്തം പെൺകുട്ടികളെ എന്തും ചെയ്യാൻ മടിക്കാത്തവരും, വൈകല്യങ്ങളെ വെറുക്കുന്നവരുമാണ് മൗനരാഗത്തിൽ ശത്രു പക്ഷത്തിൽ നിൽക്കുന്ന ഒട്ടുമിക്കപേരും. ഇന്നത്തെ സമൂഹത്തിൽ കേട്ട് പരിചയം മാത്രമുള്ള കഥയെ, ക്രിയാത്മകമായ രീതിയിൽ യാഥാർഥ്യമാക്കിയ ടീമാണ് മൗനരാഗം.

കഥ സംഭവബഹുലമായി മുന്നോട്ടു പോകുമ്പോഴായിരിക്കും ഇടയ്ക്കിടയ്ക്ക് ലാഗ് അനുഭവപ്പെടുന്നത്. എല്ലാ സീരിയലുകളിലും ലാഗ് അനുഭവപ്പെടാറുണ്ട് എന്നാൽ മൗനരാഗത്തിൽ മിക്കപ്പോഴും, കൂടുതലായിരിക്കും. ഇതിനെ ചുറ്റിപറ്റി കമെന്റുകളുമായി പ്രേക്ഷകരും എത്താറുണ്ട്.

ഇപ്പോൾ, പരമ്പര എത്തിനിൽക്കുന്നത് കല്യാണിയുടെയും കിരണിന്റെയും വിവാഹമാണ്, അതൊന്നു ഒത്തുകിട്ടാൻ പല കളികളും കളിച്ചിട്ടുണ്ട്, എന്നാൽ അതെല്ലാം അക്ഷരാർത്ഥത്തിൽ പാഴായി പോയിട്ടേയുള്ളു. അവസാനം അച്ഛനും മക്കളും ഒരുമിച്ചതോടുകൂടിയാണ് ഒരു പുതിയ കളി തുടങ്ങിയത്.

രൂപയും ശാരിയുമൊക്കെ അത് വിശ്വസിച്ചിരിക്കുകയാണ്. സി എസിന്റെ മകനെ കൊണ്ട്, കല്യാണിയെ കല്യാണം കഴിപ്പിക്കാൻ പോകുന്നു എന്നാണ് അവരുടെ ചിന്ത.. എന്നാൽ, സി എസ് ഇപ്പോഴും മകനുവേണ്ടി കല്യാണിയെ ചോദിക്കുന്നു എന്ന കാര്യം ഉള്ളതാ, പക്ഷെ സി എസിന്റെ മനസ്സിലെ മകൻ കിരൺ ആണെന്ന് ഇവർക്കാർക്കും അറിയില്ലലോ...

ഇന്ന് മൂന്നു കോടി കിട്ടുമെന്ന ആർത്തിയിൽ പ്രാകാശൻ കുറെ കാര്യങ്ങൾ ഒപ്പിച്ചുവെക്കുന്നുണ്ട്. അതെല്ലാം കണ്ടുംകേട്ടും കല്യാണിയും കിരണും അവിടെയുണ്ട്. കൂടാതെ, കല്യാണിയെ അയാൾ പറയുന്ന ആൾക്ക് തന്നെ വിവാഹം കഴിപ്പിച്ച് കൊടുക്കണമെന്ന് വാശിയിൽ തന്നെയാണ് പ്രാകാശൻ. ഇതിനെ ചൊല്ലി ദീപയുമായി ചില വാക്ക് തർക്കങ്ങളൊക്കെയുണ്ട് പക്ഷെ, അതെല്ലാം എവിടെ ചെന്നായിരിക്കും അവസാനിക്കുക എന്ന കാര്യത്തിൽ മാത്രം ഇതുവരെയും ഒരു ഉറപ്പുമില്ല.

പ്രകാശൻ പണം കണ്ടപ്പോൾ തന്നെ വലിയൊരു ചീട്ടുകൊട്ടാരം മനസ്സിൽ മെനഞ്ഞു വെച്ചിട്ടുണ്ട് ഈ പോക്കാണെങ്കിൽ ആ ചീട്ടുകൊട്ടാരം ഒരുമിച്ചു തകരുന്നതിനുള്ള എല്ലാ സാധ്യതകളുമുണ്ട്. ഇന്നത്തെ എപ്പിസോഡിൽ അതിനുള്ള ചില സൂചനകളൊക്കെ കാണിക്കുന്നുമുണ്ട്. സി എസിന്റെ അടുക്കലേക്ക് പോയ വിക്രം നല്ലതുപോലെ, പണമൊക്കെ കിട്ടുമെന്ന് അറിഞ്ഞ് ആർത്തുല്ലസിച്ചാണ് അച്ഛനും മുത്തശ്ശിയ്ക്കും അരികിലെത്തിയത്.

കല്യാണിയുടെ അവസ്ഥ ജീവിതത്തിൽ വന്നതും സൗണ്ട് പോയതുമെല്ലാം വിക്രം മറന്നു. പണം കണ്ടതും ആ പഴയ സ്വഭാവം വീണ്ടും അതുപോലെ തന്നെ പ്രകടിപ്പിക്കാനും തുടങ്ങിയിട്ടുണ്ട്. എന്തയാലും കഥയറിയാതെ ഒരു കുരങ്ങാനെപ്പോലെ പ്രകാശൻ ആട്ടമാടുകയാണ്, അവസാനം സത്യം അറിയുമ്പോൾ എന്തായിരിക്കും സംഭവിക്കുന്നതെന്ന്, നമുക്ക് കാത്തിരുന്ന തന്നെ കാണാം.