നടൻ ഉണ്ണി മുകുന്ദൻ വേറിട്ട കഥാപാത്രത്തെ അവതരിപ്പിച്ച സിനിമയാണ് മേപ്പടിയാൻ. ചിത്രത്തിൽ ജയകൃഷ്‍ണൻ എന്ന മെക്കാനിക്കായിട്ടാണ് ഉണ്ണി മുകുന്ദൻ പ്രത്യക്ഷപ്പെട്ടത്. കഥാപാത്രത്തിനായി ശാരീരികമായ മേക്കോവറും നടത്തിയിരുന്നു ഉണ്ണി. ചിത്രം കഴിഞ്ഞ ദിവസം റിലീസ് ആയതിനുപിന്നാലെ നിരവധി ചർച്ചകളാണ് അരങ്ങേറുന്നത്. ഇപ്പോഴിതാ ചിത്രത്തിന്റെ ഭാഗമാകാൻ കഴിഞ്ഞതിൽ സന്തോഷം അറിയിച്ച് മാധ്യമപ്രവർത്തക ശ്രീജ ശ്യാം എത്തിയിരിക്കുകയാണ്.

ഫേസ്ബുക്ക് കുറിപ്പ് ഇങ്ങനെ;

അപ്രതീക്ഷിതമായ ട്വിസ്റ്റുകളിലൂടെ ജീവിതം കടന്നുപോവുമ്പോൾ നിസ്സഹായനായി പോകുന്ന ജയകൃഷ്ണനെ നമ്മൾ ജീവിതത്തിൽ എവിടെയെങ്കിലും ഒക്കെ വെച്ച് കണ്ടിട്ടുണ്ടാവും. പക്ഷെ ആ ജയകൃഷ്ണനിൽ എവിടെയും നമുക്ക് ഉണ്ണി മുകുന്ദൻ എന്ന നടനെ കാണാൻ കഴിയുന്നില്ല എന്നതിൽ വിഷ്ണുവിനും ഉണ്ണിക്കും ഒരുപോലെ അഭിമാനിക്കാം!

ജയകൃഷ്ണൻ മാത്രമല്ല ജയകൃഷ്ണനൊപ്പം എത്തിയ എല്ലാവരും നമുക്കെവിടെയൊക്കെയോ പരിചയമുള്ളവരാണ്! ആ കഥാപാത്രങ്ങളും കഥാപരിസരവുമായി അവസാനം വരെ ഉദ്വേഗം നിലനിർത്തി മുന്നോട്ട് പോകുന്നതിൽ വിഷ്ണു എന്ന തിരക്കഥാകൃത്തിനും വിജയിക്കാനായി എന്നതാണ് മേപ്പടിയാന്റെ മികവ്!

#Meppadiyan #UnniMukundan

NB: വെളിപ്പെടുത്തലുകളുടെ കാലത്ത് ഇരിക്കട്ടെ, എന്റെ വകയും ഒരെണ്ണം!! സത്യത്തിൽ മേപ്പടിയാൻ ജയകൃഷ്ണൻ ജഡ്ജിയെ സദ്യ കൊടുത്താണ് സ്വാധീനിച്ചതെന്ന സത്യം ഞാൻ ഇതാ പുറത്തുവിടുന്നു!!! തമാശക്ക് അപ്പുറം, Vishnu Mohan Unni Mukundan. സന്തോഷം , വളരെ ചെറിയ രീതിയിൽ ആണെങ്കിലും ഈ നല്ല ചിത്രത്തിന്റെ ഭാഗമാവാൻ കഴിഞ്ഞതിൽ.