ടെലിവിഷന്‍ പ്രേക്ഷകര്‍ക്ക് പ്രിയങ്കരിയായി മാറിയ താരമാണ് ആതിര മാധവ്. കുടുംബവിളക്കില്‍ ഡോക്ടര്‍ അനന്യ എന്ന കഥാപാത്രത്തെ അവതരിപ്പിച്ച് വരുന്നതിനിടയിലാണ് ആതിര ബ്രേക്കെടുത്തത്. കുഞ്ഞതിഥിയുടെ വരവിന് മുന്നോടിയായാണ് ബ്രേക്കെടുത്തതെന്ന് താരം പറഞ്ഞിരുന്നു. സീരിയലില്‍ നിന്നും മാറിയെങ്കിലും തന്റെ വിശേഷങ്ങളെല്ലാം ആരാധകര്‍ക്കായി ആതിര പങ്കിടുന്നുണ്ട്. ഏഴാം മാസത്തിലെ ചടങ്ങിനെക്കുറിച്ച് പറഞ്ഞുള്ള വീഡിയോയുമായെത്തിയിരിക്കുകയാണ് താരം.

6മാസം കഴിഞ്ഞേ ഇനി രാജീവിന്റെ വീട്ടിലേക്ക് വരികയുള്ളൂ. അതിന് മുന്‍പായി ഞങ്ങളെല്ലാം ഗംഭീരമായ ആഘോഷം നടത്തിയിരുന്നു. ഇനി 6 മാസം കഴിഞ്ഞല്ലേ വരുള്ളൂയെന്ന് പറഞ്ഞ് സങ്കടത്തിലാണ് പപ്പയും അമ്മയും. അവരിങ്ങനെ പറയുന്നത് കേട്ട് എനിക്കും സങ്കടമാണ്.

പപ്പയും അമ്മയും അധികം സംസാരിക്കുന്നത് കാണിച്ചിട്ടില്ല. അതൊക്കെ ഉള്‍പ്പെടുത്തി വീഡിയോ ചെയ്യുകയാണെന്നും താരം പറഞ്ഞിരുന്നു. പുറത്ത് പോയി സാധനങ്ങളൊക്കെ മേടിച്ച് ഇഷ്ടഭക്ഷണങ്ങളെല്ലാം ഉണ്ടാക്കുന്നുണ്ട്. ശനി, ഞായര്‍, തിങ്കള്‍, ദിവസങ്ങളിലെ സംഭവങ്ങളായിരുന്നു വീഡിയോയില്‍ ഉണ്ടായിരുന്നത്.

നല്ല ടേസ്റ്റിയായി ഫുഡുണ്ടാക്കുന്ന മരുമകളാണ് ആതിര എന്നായിരുന്നു അമ്മായിഅമ്മയുടെ കമന്റ്. ക്യാമറാമാനായി നില്‍ക്കുന്നതിനാല്‍ വല്ലപ്പോഴുമേ രാജീവ് എന്റെ വീഡിയോയില്‍ വരാറുള്ളൂയെന്നും ആതിര പറഞ്ഞിരുന്നു. ഭര്‍ത്താവ് സഹായങ്ങളൊന്നും ചെയ്യാറില്ലേയെന്ന് ചിലരൊക്കെ ചോദിച്ചിരുന്നു, സമയം കിട്ടുമ്പോഴൊക്കെ അദ്ദേഹം എന്നെ സഹായിക്കാറുണ്ട്.

ഇവിടുന്ന് പോവുമ്പോള്‍ എന്താണ് മിസ് ചെയ്യാന്‍ പോവുന്നതെന്ന് ചോദിച്ചപ്പോള്‍ ഇവിടത്തെ അമ്മിയാണ് എന്നായിരുന്നു ആതിര പറഞ്ഞത്. എന്റെ വീട്ടില്‍ അമ്മിയില്ല. പറയുന്നത് കേട്ടാല്‍ തോന്നും എപ്പോഴും ഈ അമ്മിയിലാണ് അരക്കുന്നതെന്നും ആതിര പറഞ്ഞിരുന്നു.

ഞായറാഴ്ച നല്ല തിരക്കിലായതിനാല്‍ വീഡിയോ ഒന്നും ചെയ്യാനായിരുന്നില്ല. രാവിലെ 10.30 മുതലാണ് 7ാം മാസത്തിലെ ചടങ്ങ് തുടങ്ങുന്നത്്. എല്ലാരും അതിന്റെ തിരക്കിലാണ്. കല്യാണത്തിന്റെ സെറ്റും മുണ്ടുമായിരുന്നു ആതിര ധരിച്ചത്. അടിപൊളിയായിരിക്കണം, അമ്മയെ അധികം ബുദ്ധിമുട്ടിക്കരുത് എന്നായിരുന്നു കുഞ്ഞിനോട് രാജീവ് പറഞ്ഞത്.

ഏഴുകൂട്ടം പലഹാരങ്ങള്‍ ഗര്‍ഭിണിക്ക് നല്‍കുന്നതായിരുന്നു ചടങ്ങ്. പെണ്‍കുഞ്ഞായിരിക്കുമെന്നായിരുന്നു രാജീവ് ഗസ് ചെയ്തത്. ആണ്‍കുഞ്ഞായിരിക്കുമെന്നായിരുന്നു രാജീവിന്റെ ആന്റി പറഞ്ഞത്. ഏതായാലും അമ്മയും കുഞ്ഞും സുഖമായിരിക്കട്ടെയെന്നായിരുന്നു ആരാധകരുടെ കമന്റുകള്‍.

നിരവധി പേരാണ് വീഡിയോയ്ക്ക് താഴെയായി കമന്റുകള്‍ പോസ്റ്റ് ചെയ്തിട്ടുള്ളത്. അമ്മയുടെ സൈഡിലുള്ളവരെല്ലാം ആണ്‍കുഞ്ഞെന്നാണ് പറയുന്നത്. സദ്യ കഴിച്ച് കഴിഞ്ഞതിന് ശേഷമായാണ് ആതിരയും കുടുംബവും പോയത്. ആതിര പോവുകയാണെന്നറിഞ്ഞപ്പോള്‍ അമ്മയ്ക്ക് സങ്കടമായിരുന്നു. വീട്ടിലെത്തിയതിന് ശേഷമുള്ള സ്വീകരണവും വീഡിയോയില്‍ കാണിച്ചിരുന്നു.