സാന്ത്വനം പ്രേക്ഷകരൊക്കെ ആഗ്രഹിച്ച് രീതിയിൽ കഥ മുന്നോട്ട് പോയി കൊണ്ടിരിക്കുമ്പോഴാണ്, ദാ.. പുതിയ ട്രാക്കുമായി ജഗന്നാഥന്റെ എൻട്രി. എന്തയാലും കുറെ ദിവസത്തിന് ശേഷം, കലിപ്പൻ ലുക്കിൽ ശിവേട്ടനെ ഇന്ന് കാണാൻ കഴിയും. ആ തമ്പിയുടെ വക്കും കേട്ട് ജഗന്നാഥന് അവിടേക്കു വരേണ്ട വല്ല ആവശ്യവുമുണ്ടായിരുന്നോ??

അവസാനമായി ശിവന്റെ കൈയ്യിൽ നിന്നും കിടിലനൊരു അടികിട്ടിയതും തമ്പിയ്ക്കാണ്.. അതെ പോലെ, ജഗന്നാഥനും വാങ്ങിച്ചു കൊടുത്തിട്ടുണ്ട്. ഈ അടി, ചോദിച്ചു വാങ്ങിച്ചത് എന്ന് പറയുന്നതാകും നല്ലത്, സമാധാനമായി ശിവൻ ഒന്ന് രണ്ടു തവണ പറഞ്ഞതായിരുന്നു.. അമ്മാമ ഇവിടെ ഇല്ല, പിന്നീട വരൂ.. എന്ന്, പക്ഷെ, ജഗനാഥന് തന്റെ തീരുമാനത്തിന് മാറ്റം വരുത്താൻ ഒരുമടി, അതിനെന്താ.. നന്നായിട്ട് കിട്ടിയല്ലോ..

ഈ സമയത്ത്, അഞ്ജുവും അമ്മായിയുമൊക്കെ പേടിക്കുന്നുണ്ടെങ്കിലും, കോമഡി ആയിട്ടുള്ളത് ജയന്തി തന്നെയാ.. വായും, പൊളിച്ചുള്ള ആ നിൽപ്പുണ്ടല്ലോ, ഒന്ന് കാണേണ്ടതാണ്... നന്നായിട്ടൊന്നു പേടിച്ചു പോയിക്കാണും.

പിന്നെ, ഇന്നലത്തെ എപ്പിസോഡ് അടിപൊളി ആയിരുന്നു.. ശിവനും അഞ്ജുവിയും തമ്മിലുള്ള ആ സംസാരവും മസാജിങ്ങുമൊക്കെ വേറെ ലെവലായിരുന്നു. ശിവാജ്ഞലി സീൻ ആഗ്രഹിച്ചിരുന്ന പ്രേക്ഷകർക്കുള്ളതായിരുന്നു അതെല്ലാം.

ഇതിനൊക്കെ ശേഷം, ജയന്തി വരുമ്പോൾ കുറച്ചും കൂടി റൊമാൻസ് ആയിട്ട് സംസാരിച്ചിരുന്നേൽ.. ജയന്തിയ്ക്ക് അസൂയ കൂടുമായിരുന്നു അതും കൂടി വേണമായിരുന്നു, എങ്കിൽ ജയന്തിയുടെ കിടിലൻ അഭിനയവും കാണാമായിരുന്നു.

പിന്നെ, ശിവേട്ടൻ മുണ്ടിൽ നിന്നും പാന്റിലേക്ക് കയറിയപ്പോൾ കാണാനൊരു ഭംഗിയൊക്കെ ഉണ്ട് കേട്ടോ.. പിന്നെ അമ്മായിയമ്മയെ ഇപ്പോൾ, നല്ലതുപോലെ നോക്കുന്നത് ജയന്തിയ്ക്ക് അത്രയ്ക്കങ്ങ് പിടിയ്ക്കുന്നില്ല. എന്തെങ്കിലും പറയാൻ വന്നാൽ, അഞ്ചു എന്തെങ്കിലും പറയുമോ?? എന്നുള്ള പേടികാണും. അഞ്ജുവും, ഇടയ്ക്കിടയ്ക്ക് ജയന്തിയോട് വില്ലത്തരമൊക്കെ കാണിക്കുന്നതിൽ മിടുക്കിയാണല്ലോ..

ജഗൻ നാഥനൊക്കെ വന്ന സ്ഥിയ്ക്ക് കഥ പുതിയ രീതിയിൽ പോകാൻ വഴിയുണ്ട് റൈറ്റർ സാർ ഇനി മുതൽ ശിവാജ്ഞലി സീൻ കാണിക്കാനുള്ള സാധ്യത വളരെ കുറവാണ് ട്രാക്കനുസരിച്ച്, ഇനി ജഗൻനാഥൻ ശിവൻ പ്രശ്നങ്ങൾ ആയിരിക്കും. അപ്പോൾ ഇനി ശിവാജ്ഞലി സീനൊക്കെ കാണാൻ കുറച്ചു കാത്തിരിക്കണമെന്നുതന്നെ പറയാവുന്നതാണ്.