ഏഷ്യാനെറ്റിൽ സംപ്രേക്ഷണം ചെയ്യുന്ന നിരവധി ആരാധകരുള്ള പരമ്പരയാണ് പാടാത്ത പൈങ്കിളി. കണ്മണി എന്ന പെൺകുട്ടിയുടെ ജീവിതമാണ് പാടാത്ത പൈങ്കിളി സീരിയലിലൂടെ അവതരിപ്പിക്കുന്നത്. ദേവയുടെയും കണ്മണിയുടെയും അപ്രതീക്ഷിത വിവാഹവും അതു കഴിഞ്ഞുള്ള ഇരുവരുടെയും ജീവിതവുമാണ് പരമ്പരയുടെ കഥാരീതി. പരമ്പരയിൽ ദേവിയുടെ അനുജത്തിയായ അവന്തിക എന്ന കഥാപാത്രത്തെ അവതരിപ്പിച്ചിരുന്നത് പ്രേക്ഷകരുടെ പ്രിയപ്പെട്ട നടി അനു ആയിരുന്നു. സ്റ്റാർ മാജിക് എന്ന പരിപാടിയിലൂടെ ആരാധകരുടെ ഹൃദയം കവർന്ന നടിയാണ് അനു.

എന്നാൽ കുറച്ചു ദിവസങ്ങൾക്ക് മുൻപ് അനുവിന്റെ സീരിയലിൽ നിന്നുള്ള അപ്രതീക്ഷിത പിന്മാറ്റം ആരാധകരെ ഏറെ ദുഃഖിപ്പിച്ചിരുന്നു. തുടർന്ന് കഥാപാത്രത്തിലേക്ക് എത്തിയത് ഐശ്വര്യ ദേവിയാണ്. കുറച്ചു ദിവസങ്ങൾ തന്നെ ആരാധകരെ കയ്യിലെടുക്കാൻ ഐശ്വര്യ ദേവിക്ക് കഴിഞ്ഞു. എപ്പോൾ സീരിയലിൽ അവന്തികയും ഭരത്തും തമ്മിലുള്ള പ്രണയ നിമിഷങ്ങളും കാണാൻ കഴിയും. ഇരുവർക്കും നിരവധി ആരാധകരാണ്. ഇപ്പോഴിതാ ഐശ്വര്യ ദേവിയുടെ വിവാഹ വാർത്തയാണ് സോഷ്യൽ മീഡിയയിൽ ഇടം പിടിക്കുന്നത്.

ശ്രീക്കുട്ടി എന്ന പേരിലാണ് ഐശ്വര്യ ദേവി അറിയപ്പെടുന്നത്. തിരുവനന്തപുരം വെഞ്ഞാറമൂട് സ്വദേശിയായ ശ്രീക്കുട്ടി തിരുവനന്തപുരം വെള്ളറട സ്വദേശിയായ സിദ്ധാർത്ഥിനെയാണ് വിവാഹം കഴിക്കുന്നത്. ഇവരുടെ വിവാഹനിശ്ചയം കഴിയുകയും ചെയ്തു. ഏപ്രിൽ 17നാണ് താരം വിവാഹിതയാകുന്നത്. സിദ്ധാർത്ഥ് ഒമാനിൽ ആണ് ജോലി ചെയ്യുന്നത്.

അതേസമയം ലവ് മാര്യേജ് ആണോ എന്നാണ് ആരാധകർ ചോദിക്കുന്നത്. എന്നാൽ ഇവരുടെ ഇത് ലവ് മാരേജ് അല്ല അറേഞ്ച് മാര്യേജ് ആണ്. തിരുവനന്തപുരത്ത് വച്ച് തന്നെ ആയിരിക്കും വിവാഹം നടക്കുന്നതും. അച്ഛനും അമ്മയും സഹോദരിയും ഭർത്താവും അവരുടെ രണ്ട് കുട്ടികളുമടങ്ങുന്നതാണ് സിഥാർത്ഥിൻ്റെ കുടുംബം.

മലയാളത്തിലും തമിഴിലും നിരവധി സീരിയലുകളിലൂടെയും സിനിമകളിലൂടെയും സുപരിചിതയായ താരമാണ് ഐശ്വര്യ ദേവി. ബാലതാരമായി അഭിനയത്തിലേക്ക് എത്തിയതായിരുന്നു താരം. ദൂരദർശനിൽ എവർഗ്രീൻ ഹിറ്റ് പരമ്പരയായ ജ്വാലയായിൽ സെലീനയുടെ മകളായി അഭിനയിച്ചത് താരമാണ്.

ആ പരമ്പരയിലെ അഭിനയത്തിന് മികച്ച ബാലതാരത്തിനുള്ള സംസ്ഥാന പുരസ്കാരം നേടാനും സാധിച്ചു. മൂന്നാം വയസ്സിൽ സീരിയൽ പ്രത്യക്ഷപ്പെട്ട് തുടങ്ങിയ താരം സൂര്യകാന്തി, അലകൾ, താലി തുടങ്ങി മുപ്പത്തിയഞ്ചോളം പരമ്പരകളിൽ ബാലതാരമായി തന്നെ അഭിനയിച്ചു.

ഗർഭശ്രീമാൻ,ഒറ്റമന്താരം,ആൾരൂപങ്ങൾ തുടങ്ങിയ മലയാള സിനിമകളിലൂടെയും താരം ആരാധകർക്കു മുന്നിൽ എത്തിയിട്ടുണ്ട്. അതേ കണ്ണുകൾ എന്ന തമിഴ് പരമ്പരയിലൂടെ തമിഴിലും താരം രംഗ പ്രവേശനം നടത്തി. എന്നാലും താരത്തെ ആരാധകർ കൂടുതൽ തിരിച്ചറിയുന്നത് പാടാത്ത പൈങ്കിളിയെ അവന്തിക എന്ന കഥാപാത്രത്തിലൂടെ തന്നെയാണ്. ഇപ്പോൾ താരത്തിന്റെ വിവാഹ വാർത്ത അറിഞ്ഞതു മുതൽ ആശംസകൾ അറിയിച്ചെത്തുകയാണ് ആരാധകർ.