മലയാള കുടുംബ പ്രേക്ഷകർ നെഞ്ചോട് ചേർത്ത ത്രില്ലെർ സ്റ്റോറി അമ്മയറിയാതെ വീണ്ടും ട്രാക്കിലേക്ക് തിരിച്ചെത്തിയിരിക്കുകയാണ്. പ്രതീക്ഷിച്ചപോലെ തന്നെ അപർണ്ണയും വിനീതും ഒന്നാകുകയാണ്. ഏതായാലും ഈ സീരിയൽ പ്രൊമോട്ട് ചെയ്യുന്ന കണ്ടന്റുകൾ വളരെ മോശമാണ്. അത് പറയാതിരിക്കാൻ ആവില്ല.

ആകെ എടുത്തു പറയാൻ പറ്റുന്നത് അമ്പാടിയുടെയും അലീനയുടേയുമൊക്കെ പ്രതികാരത്തിന്റെ ശബ്ദത്തെ കുറിച്ചാണ്. സച്ചിയുടെയും മൂർത്തിയുടെയും പ്രവൃത്തിക്കുള്ള തക്ക മറുപടി തന്നെ നൽകണം. വിനയനത്‌ കിട്ടി കഴിഞ്ഞു. ഇനി സച്ചിയും മൂർത്തിയും അമ്പാടിയും അലീനയും തമ്മിലുള്ള യുദ്ധമാണ് നടക്കാൻ പോകുന്നത്.

പക്ഷെ, അമ്മയറിയാതെ സീരിയലിന്റെ കഥ ഇപ്പോൾ നടക്കുന്നത് ഒന്നുമല്ല, വിനീതിന്റെയും അപർണയുടെയും കാര്യമെടുത്താൽ, ടോക്സിക് ആണ് കാര്യങ്ങളെല്ലാം.... ആദ്യം പ്രണയം വേണ്ടെന്നു വെക്കുന്നു. പിന്നെ പെൺകുട്ടിയുടെ സമ്മതം ചോദിക്കാതെയുള്ള വിവാഹം.

പിന്നെ, അമ്മയോടുള്ള സ്നേഹത്തിന്റെ പേരിൽ ഡൈവേഴ്‌സിനുള്ള തയ്യാറെടുപ്പുക്കൾ. എല്ലാവരും കാര്യങ്ങൾ അറിഞ്ഞു അപര്ണയോടൊപ്പം നിൽക്കുമ്പോൾ, ഒറ്റ രാത്രികൊണ്ട് പൊട്ടി മുളയ്ക്കുന്ന പുതിയൊരു പ്രണയം.. സത്യം പറഞ്ഞാൽ, കോമഡിയും അതിനോടപ്പം ട്രാജഡിയുമായുള്ള ഒരു പോക്കാണ് അമ്മയറിയാതെ കാഴ്ച്ചവെക്കുന്നത്.

പിന്നെ, പങ്കുണ്ണി എന്ന കഥാപാത്രവും അതിന്റെ ആവശ്യകതയും എന്തിനാണെന്നാണ് മനസ്സിലാകാത്തത്. സ്ത്രീകൾക്കെതിരെ മാത്രം ശബ്ദിക്കുന്ന ഒരാൾ.. അതിൽ കൂടുതൽ പറഞ്ഞാൽ അലീന പറയുന്നതുപോലെ ഒരു കഥയില്ലാത്ത മനുഷ്യൻ അതാണ് പങ്കുണ്ണി. പിന്നെ, അപർണ-വിനീത് രഹസ്യ പ്രണയങ്ങളും അതിനെ ചുറ്റി പറ്റിയുള്ള ഓരോ സംഭവങ്ങളും എല്ലാരുടെയും കണ്ണുകളിലെത്തിക്കാൻ പങ്കുണ്ണിയെ ആവശ്യമാണ്.

കഥയുടെ ഇപ്പോഴത്തെ പോക്കനുസരിച്ച് മിക്കവാറും പെട്ടെന്ന് തന്നെ, അപർണ-വിനീത് പ്രണയത്തിന് തിരശീല വീഴും. അമ്പാടി നാട്ടിലെത്തുന്നതോടുകൂടി ആയിരിക്കും അത് സംഭവിക്കുന്നത്. ഇനി വരൻ പോകുന്നത് അനുപമയുമായുള്ള ഏറ്റുമുട്ടലുകളും, അതിലുപരി സച്ചിയും അമ്പടിയും അലീനയും തമ്മിലുള്ള പ്രശ്നങ്ങളും പിന്നെ, അലീനയും അമ്പാടിയും തമ്മിലുള്ള ചെറിയ റൊമാൻസുമൊക്കെ കാണാൻ വഴിയുണ്ട്.