ഓരോ ദിവസം കഴിയുമ്പോഴും വേദികയുടെ കള്ളത്തരത്തിന്റെയും മുഖംമൂടി അഴിഞ്ഞു വീഴുകയാണ്. സരസ്വതിയമ്മയെ മുൻനിർത്തി കളിച്ച ആധാരം പണയംവെക്കൽ പരിപാടി, സരസു കൈയ്യോടെ ഇന്നലെ പൊക്കി. പക്ഷെ, വേദിക അതൊന്നും പെട്ടെന്നങ്ങു സമ്മതിച്ചു കൊടുക്കില്ലലോ.. സരസുവിനെ പെട്ടെന്ന് കൈയ്യിലാക്കാമെന്ന് കരുതി, പക്ഷെ.. സുമിത്രയെയും അച്ഛച്ഛനെയുമൊക്കെ ആലോചിച്ചപ്പോൾ, പേടിച്ചു പോയെന്നാണ് തോന്നുന്നത്, എന്നാൽ.. അവിടെ നിന്നും തന്റെ ഭാഗം ക്ലിയറാക്കി വേദിക പെട്ടെന്ന് തന്നെ എസ്‌കേപ്പ് ആയിട്ടുണ്ട്.

പക്ഷെ, കഥ ഇങ്ങനെ മുന്നോട്ട് പോകുമ്പോഴും ഒരു കാര്യം എടുത്തു പറയാതിരിക്കാൻ കഴിയില്ല... ശരണ്യ ആനന്ദിന്റേയും ദേവി മേനോന്റെയും അഭിനയം. വില്ലത്തി കഥാപാത്രങ്ങളെ ഒരു കോട്ടവും വരുത്താതെ നല്ല രീതിയിൽ മുന്നോട്ടിട്ട് കൊണ്ട് പോകുന്നതിൽ വിജയം കൈവരിച്ചിട്ടുണ്ട് എന്ന് തന്നെ പറയാം. ഇന്നലത്തെ എപ്പിസോഡിലായാലും, വേദികയുടെ യഥാർത്ഥ മുഖം കാണുന്നതോടുകൂടി സരസ്വതിയമ്മയുടെ മുഖഭാങ്ങളൊക്കെ മാറുന്നത് റിയലിസ്റ്റിക് ആയിരുന്നു.

ആധാരം പണയം വെച്ചാണ് വേദിക കാർ വാങ്ങാൻ പോകുന്നതെന്ന സത്യം തിരിച്ചറിയാൻ ഇനിയും കുറച്ചു ദിവസം കൂടി എടുക്കും. എന്നാൽ, അതിന് മുൻപ് സഞ്ജനയുടെ അഡ്മിഷനും തുടർന്ന് നടക്കുന്ന ചില സംഭവ വികാസങ്ങളുമാണ് കാണാൻ പോകുന്നത്.

സഞ്ജനയ്ക്ക് അഡ്മിഷൻ എടുത്തുകൊടുക്കുവാനോ.. മറ്റുള്ള കാര്യങ്ങൾക്കും ഇദ്‌ദ്ധുവിന്റെ കൈയ്യിൽ പണമില്ല. അവിടെ വിഷമിച്ചിരിക്കുമ്പോഴാണ്.. ഇന്നത്തെ എപ്പിസോഡിൽ സിദ്ധുവിനെയും കൂട്ടി അഡ്മിഷൻ എടുക്കാൻ പോകാനൊരുങ്ങുന്ന സുമിത്രയെ കാണിക്കുന്നത്.

ചിലപ്പോൾ, തന്നെ നിന്ദിച്ചിട്ടുള്ള സിദ്ദുവിന്റെ മുന്നിൽ തനിക്ക് തന്റെ മകളെ പഠിപ്പിക്കാനുള്ള പണമുണ്ടെന്നും സാമർഥ്യം ഉണ്ടെന്നും അറിയിച്ചു കൊടുക്കാൻ വേണ്ടി ആയിരിക്കും സഞ്ജനയോട് പറഞ്ഞ്.. സിഡ്‌ദ്ധുവിനെയും കൂട്ടാനൊരുങ്ങുന്നത്.

അതെന്തായാലും വേദികയ്ക്ക് ഒട്ടും തന്നെ ഇഷ്ടപ്പെടില്ല.. അതിനുള്ള കാരണവും അറിയാമല്ലോ.. തന്റെയൊപ്പം കാറെടുക്കാൻ സിദ്ധു വരാത്തത് തന്നെയാണ്. സിദ്ധു സഞ്ജനായകൾക്കും സുമിത്രയ്ക്കും ഒപ്പം പോകാനിറങ്ങുമ്പോൾ, എന്തെങ്കിലും അടവുമായി വേദിക ഇറങ്ങും എന്നുള്ള കാര്യത്തിൽ ഒരു സംശയവും വേണ്ട. പക്ഷെ, സുമിത്രയുടെയും സഞ്ജനയുടെയും ആഗ്രഹങ്ങൾക്കൊപ്പമല്ലേ.. ഇപ്പോൾ സിദ്ധു സഞ്ചരിക്കുന്നത്. വീണ്ടും, വേദിക നാണം കെടാനാണ് സാധ്യത.