പെൺകുട്ടിയായതിന്റെ പേരിൽ സമൂഹത്തിന് മുന്നിൽ ചോദ്യ ചിഹ്നമായവരും, നിരവധി ഇടങ്ങളിൽ ഇരയാകേണ്ടി വന്നവരും... ജനിച്ചത് പെണ്കുട്ടിയായതിനാൽ കൊന്നു കളയാൻ പറയുന്ന മതപണ്ഡിതന്മാരും ഉണ്ടായിരുന്ന സമൂഹത്തിലാണ് നമ്മളൊക്കെയും ഇപ്പോൾ ജീവിക്കുന്നത്.

മറു സൈഡിലൂടെ ചിന്തിച്ചാൽ, പെൺകുട്ടിയായതിന്റെ പേരിൽ വേദന അനുഭവിക്കുന്ന ആരെങ്കിലുമൊക്കെ ലോകത്തിന്റെ ഏതെങ്കിലുമൊക്കെ കോണിൽ ഇന്നും കാണും. അത്തരത്തിൽ ചിന്തിക്കുന്നവർക്കും ജീവിക്കുന്നവർക്കും വേണ്ടിയുള്ള സീരിയലാണ് മൗനരാഗം.

വർഷങ്ങളായി ഭർത്താവായ പ്രകാശന്റെ ക്രൂരത മനസിലും ശരീരത്തിലും ദീപ ഒരുപോലെ അനുഭവിക്കുന്നുണ്ട്. ദീപയെ പോലെയുള്ള അമ്മമാർ ചിലപ്പോൾ ഇന്നും ഉണ്ടാകും.. അവരൊക്കെ ഏത് രീതിയിൽ പ്രതികരിക്കണമെന്നാണ്, സീരിയലിലൂടെ കാണിച്ചു തരുന്നതെന്ന് നിസംശയം പറയാവുന്നതാണ്.

എന്നിരുന്നാലും, പ്രേക്ഷകരുടെ മനസ്സറിഞ്ഞ് സീരിയലുകൾ ചെയ്യണം എങ്കിലല്ലേ... വിജയം കൈവരിക്കാൻ കഴിയൂ... നല്ലൊരു കഥയുമായി എത്തിയിട്ട്, ഒന്നുമില്ലാതാകുന്ന അവസ്ഥയാണിപ്പോൾ മൗനരാഗത്തിൽ സംഭവിക്കുന്നത്. സമൂഹത്തിൽ സംഭവിക്കുന്ന സാമൂഹിക പ്രതിബന്ധതയുള്ള കഥയുമായി എത്തിയിട്ട് കഥയിൽ നിന്നും വ്യതിചലിക്കുകയാണ്. കഴിഞ്ഞ സീരിയൽ ആരംഭിച്ചതുമുതൽ കേൾക്കുന്നതാണല്ലോ.. കിരണിന്റെയും കല്യാണിയുടെയും, കല്യാണം.

കഴിഞ്ഞ വർഷം മുതൽ തുടങ്ങിയതാണല്ലോ... കല്യാണി സംസാരിക്കുന്നു എന്ന് പറയാൻ തുടങ്ങിയിട്ട്. എന്നിട്ടിപ്പോൾ.. ആ ശബ്ദത്തിന്റെ കഥ മറന്നു പോയിരിക്കുകയാണ്. ഒടുവിൽ, എല്ലാം ശെരിയാക്കാൻ പോകുന്നു എന്ന തരത്തിലായിരുന്നു അച്ഛന്റെ എൻട്രി അവസാനം ഇപ്പോൾ സംഭവിക്കുന്നത് എന്താണെന്ന് റൈറ്റർ മാമനെങ്കിലും ഓർമയുണ്ടെങ്കിൽ ഭാഗ്യം അല്ലാതെന്ത് പറയാനാണ്.

ഇപ്പോഴിതാ... കല്യാണിയുടെ വിവാഹം നടക്കാൻ പോകുന്നു എന്ന സന്തോഷത്തിലാണ് രൂപയും, രാഹുലും, പ്രാകാശനും ശാരിയുമെല്ലാം. പക്ഷെ, സംഭവിക്കാൻ പോകുന്നത് മറ്റൊന്നാണ് എന്നാണ് പ്രൊമോയിൽ പറയുന്നത്. സി എസിന്റെ മകനെ കൊണ്ടാണ് കല്യാണിയുടെ വിവാഹം എന്ന സന്തോഷത്തിൽ തന്നെയാണ് എല്ലാവരും.

പക്ഷെ, ആ മകൻ കിരൺ ആണെന്ന്.. എല്ലാവരും എപ്പോഴാണ് അറിയുന്നത് അടുത്ത ആഴ്ച അറിയാനുള്ള സാധ്യത വളരെക്കുറവാണ്. ഇനി കല്യാണത്തിന് അറിയിക്കാനാണോ.. പ്ലാൻ. അങ്ങനെ ആണെങ്കിൽ, സംഭവിക്കാൻ പോകുന്നത് വിവാഹത്തിന് സമയമാകുമ്പോഴായിരിക്കും അറിയിക്കാൻ പോകുന്നത്.

അങ്ങനെ അറിയിക്കാനും സാധ്യത കുറവാണ്... കാരണം രൂപയുടെ സമ്മതമില്ലാതെ, കിരൺ കല്യാണിയെ വിവാഹം കഴിക്കുമോ?? അവിടെയൊക്കെ കുറച്ചെങ്കിലും ലോജിക്കോടെ റൈറ്റർ സാർ, കഥ അവതരിപ്പിച്ചാൽ കൊള്ളാമായിരുന്നു.

പിന്നെ, ഇതിന്റെയൊക്കെ ഇടയിലൂടെ സമാധാനം തകർക്കാനുള്ള പരിപാടിയിലാണ് ദീപ. പ്രാകാശന് ദീപയുടെ ഇപ്പോഴത്തെ മാറ്റം ഒട്ടും സഹിക്കുന്നില്ല, ഇന്നലെ തന്നെ.. കല്യാണിയും ദീപയും ആരുടെ അടുത്തേക്കാണ് പോകുന്നതെന്നറിയാനുള്ള ഓട്ടമായിരുന്നു.

ഇതെല്ലം തനിക്കും അമ്മയ്ക്കുമുള്ള പണി ആണെന്നറിയുമ്പോൾ, പ്രാകാശനും മുത്തശ്ശിയുമുക്കെ ഏത് രീതിയിലായിരിക്കും പ്രതികരിക്കുന്നത് എന്നുള്ള കാര്യം നമുക്കൊക്കെ കണ്ടു തന്നെ അറിയാം.. ഏതൊക്കെ ആയാലും, കല്യാണവും തുടർന്നുള്ള സംഭവങ്ങളും ഉടനെ തന്നെ കാണുമെന്ന് നമുക്ക് പ്രതീക്ഷിക്കാം.