പ്രേകഷകരുടെ ഹൃദയം കീഴടക്കി 'ഹൃദയം' സിനിമ തീയേറ്ററുകളിൽ നിറഞ്ഞോടുകയാണ്. മലയാള സിനിമയിലെ പ്രിയതാരങ്ങളായ പ്രണവ് മോഹൻലാലും കല്യാണി പ്രിയദർശനും ഒരുമിച്ചെത്തിയത് പ്രീക്ഷകരെ ആവേശത്തിലാഴ്ത്തി. ഇതിനോടകം തന്നെ ഇരുവരും മികച്ച താരജോഡികളാണെന്ന് തെളിയിച്ചു കഴിഞ്ഞു. എന്നാൽ ഈ അവസരത്തിൽ താരങ്ങളുടെ കുട്ടിക്കാലത്തെയും ഇപ്പോഴത്തെയും ചിത്രങ്ങളാണ് സമൂഹമാധ്യമങ്ങളിൽ വൈറലാകുന്നത്.

ഹൃദയത്തിന്റെ റിലീസിന് പിന്നാലെയാണ് പ്രണവിന്റെയും കല്യാണിയുടെയും ചിത്രങ്ങൾ ഇപ്പോള് വൈറലാകുന്നത്. ഹൃദയത്തിലെ സ്റ്റില്ലുകളും ഇതോടൊപ്പം ശ്രദ്ധപിടിച്ചു പറ്റുകയാണ്. ഏതാനും ദിവസങ്ങൾക്ക് മുമ്പ് പുറത്തിറങ്ങിയ ചിത്രത്തിന് മികച്ച പ്രതികരണമാണ് വിവിധ ഭാ​ഗങ്ങളിൽ നിന്നും ലഭിച്ചുകൊണ്ടിരിക്കുന്നത്.

അതേസമയം തെലുങ്ക്‌ സിനിമയിലൂടെയായിരുന്നു കല്യാണി പ്രിയദർശന്റെ സിനിമാ അരങ്ങേറ്റമെങ്കിലും ഇപ്പോൾ മലയാളത്തിൽ സജീവമാകുകയാണ് താരം. മരക്കാർ, ഹൃദയം, ബ്രോ ഡാഡി എന്നിങ്ങനെ മൂന്നു ചിത്രങ്ങളാണ് നിലവിൽ കല്യാണിയുടേതായി പുറത്തിറങ്ങിയത്. പ്രണവ് മരക്കാറിലും അഭിനയിച്ചിരുന്നു. മോഹൻലാലിന്റെ ചെറുപ്പകാലം അവതരിപ്പിച്ചത് പ്രണവായിരുന്നു. ഇങ്ങനെ മലയാള സിനിമയിലെ തരംഗമാകുകയാണ് ഇരുവരും.