ഭാര്യയോട് ഒരിക്കല് പോലും ഇത്തിരി സ്നേഹം പ്രകടമാക്കുന്നില്ല! കുടുംബവിളക്ക് സംവിധായകനോട് സരസ്വതിയമ്മയ്ക്ക് സ്നേഹം നൽകണമെന്ന് മുത്തശ്ശൻ; അതിന് കൊള്ളില്ല കുശുമ്പും കുന്നായ്മയും ഉള്ളതാണെന്ന് മറുപടി: ജീവിതത്തില് ശിവദാസ് മേനോൻ ആകാൻ കഴിയില്ലെന്ന് മുത്തശ്ശൻ
ഒരുപാട് നാളുകൾക്ക് പൂർവ്വാധികം ശക്തിയോടുകൂടി തിരിച്ചു വന്നിരിക്കുകയാണ് കുടുംബവിളക്ക് സീരിയൽ. ഒരു വീട്ടമ്മയുടെ അതിജീവനത്തിന്റെ കഥ പറയുന്ന സീരിയല് അടിച്ചു താഴ്ത്തപ്പെടുന്ന പല സ്ത്രീകള്ക്കും പ്രചോദനപരമാണെന്നാണ് പ്രേക്ഷകാഭിപ്രായം.
സീരിയലില് സുമിത്ര എന്ന നായികയായി എത്തുന്ന മീര വാസുദേവനെക്കാളും ആരാധകരുള്ളത് അച്ഛാച്ചന്റെ വേഷം ചെയ്യുന്ന ജെ എഫ് തകരനാണ്. സീരിയലിലെ തന്റെ കഥാപാത്രത്തെ കുറിച്ച് എംജി ശ്രീകുമാര് അവതരിപ്പിയ്ക്കുന്ന പറയാം നേടാം എന്ന ഷോയില് വന്നപ്പോള് തരകന് ജി സംസാരിക്കുകയുണ്ടായി.
സീരിയലിലെ അച്ഛച്ചന് ആയ ശിവദാസ മേനോനെ അവതരിപ്പിക്കുന്നത് നടന് എഫ് ജെ തരകനാണ്. 37 വര്ഷത്തോളം നീണ്ട പ്രവാസ ജീവിതത്തിന് ശേഷമാണ് തരകന് അഭിനയത്തിലേക്ക് എത്തുന്നത്.
ശിവദാസ് മേനോന് എന്നാണ് എന്റെ കഥാപാത്രത്തിന്റെ പേര്. എനിക്ക് വളരെ അധികം ഇഷ്ടമുള്ള കഥാപാത്രമാണ്. വ്യക്തമായ കാഴ്ചപ്പാടുകളും കൃത്യമായ മറുപടിയും ഉള്ള ആളാണ് ശിവദാസ് മേനോന്. നേരിനൊപ്പം നില്ക്കുന്ന സത്യസന്ധനായ മനുഷ്യന്. ശരികള് മുഖത്ത് നോക്കി പറയുന്നതിന് അയാള് മടിക്കാറില്ല.
ശിവദാസ് മേനോന് എന്ന കഥാപാത്രത്തിന്റെ എല്ലാ ഗുണങ്ങളും എനിക്ക് ഇഷ്ടമാണ്, ഒന്നൊഴികെ. വളരെ സങ്കടമുള്ള കാര്യം എന്താണെന്ന് വച്ചാല് ഇയാള് ഭാര്യയോട് ഒരിക്കല് പോലും ഇത്തിരി സ്നേഹം പ്രകടമാക്കുന്നില്ല. സരസ്വതി എന്ന കഥാപാത്രം അല്പം കുശുമ്പും കുന്നായ്മയും ഒക്കെയുള്ളതാണ്. എന്നിരുന്നാലും ഭാര്യയല്ലേ, തന്റെ കുഞ്ഞുങ്ങളുടെ അമ്മയല്ലേ, ആ സ്നേഹവും ബഹുമാനവും അവര്ക്ക് ഒരിക്കലും ശിവദാസ് മേനോന് നല്കുന്നില്ല.
ഇക്കാര്യം ഞാന് സംവിധായകനോട് പറഞ്ഞിരുന്നു, എപ്പോഴെങ്കിലും അവര്ക്കിടയിലെ സ്നേഹം കാണിക്കണം എന്ന്. അപ്പോള് അദ്ദേഹം പറഞ്ഞത്, അവരെ സ്നേഹിക്കാന് കൊള്ളില്ല സാറേ എന്നാണ്. ഇത്രയും കുന്നായ്മയുള്ള സ്ത്രീ വേറെയില്ല. നേര്വഴിയില് ചിന്തിയ്ക്കുന്ന ശിവദാസ് മേനോന് അവരെ അംഗീകരിക്കാന് കഴിയില്ല എന്നാണ്.
യഥാര്ത്ഥ ജീവിതത്തില് എനിക്കൊരിക്കലും ശിവദാസ് മേനോനെ പോലെ ആകാന് കഴിയില്ല. പച്ചയായ മനുഷ്യനാണ് ഞാന്. ആളുകള് അറിഞ്ഞു കൊണ്ടും അറിയാതെയും തെറ്റുകള് ചെയ്യാറുണ്ട്. പക്ഷെ ഇപ്പോള് ശിവദാസ് മേനോന് ആയി ആളുകള് തിരിച്ചറിയാന് തുടങ്ങിയതോടെ തെറ്റുകള് ചെയ്യുന്നതില് നിയന്ത്രണങ്ങളുണ്ട്- തരകന് ജി പറഞ്ഞു.
കുടുംബവിളക്കില് അഭിനയിച്ച് തുടങ്ങിയതിന് ശേഷം നൂറുകണക്കിന് ആളുകളുടെ മെസേജുകള് തന്നെ തേടി വരാറുണ്ട്. ഭൂരിപക്ഷവും, 'അങ്കിളേ കുടുംബവിളക്ക് എന്റെ കഥയാണ്. ഞാനും ഒരു സുമിത്രയാണ്, മീരചേച്ചിയെ ചോദിച്ചതായി പറയുമോ' എന്നൊക്കെ ആയിരിക്കും. നമ്മുടെസമൂഹത്തില് വിരളമായതു ശിവദാസമേനോന്മാരാണ് എന്നാണ് താരം വ്യക്തമാക്കുന്നത്.
2014 മുതല് ടെലിവിഷന് സീരിയലുകളുടെ ഭാഗമായി പ്രവര്ത്തിക്കുന്ന താരം ആദ്യമായി അഭിനയിക്കുന്നത് സൂര്യ ടിവിയിലെ ഭാഗ്യലക്ഷ്മി എന്ന സീരിയലാണ്. പിന്നീട് ഏഷ്യാനെറ്റിലെ പരസ്പരം, ചന്ദനമഴ, എന്നീ സീരിയലുകളും ഈശ്വരന് സാക്ഷിയായി, അയലത്തെ സുന്ദരി, തോന്ന്യാക്ഷരങ്ങള്, വാനമ്പാടിഎന്നിങ്ങനെ നിരവധി സീരിയലുകളില് അഭിനയിച്ചു.
https://www.facebook.com/Malayalivartha
