അതിജീവിനത്തിന്റെ കഥയാണ് പ്രേക്ഷകര്‍ക്കിഷ്ടം, അതും ഒരു സ്ത്രീയുടെ അതിജീവിതത്തിന്റെ കഥ ആണെങ്കില്‍ കുടുംബ പ്രേക്ഷകര്‍ക്ക് പ്രത്യേക ഇഷ്ടം തന്നെ. അതാണ് ഇന്ന് കടുംബ വിളക്ക് എന്ന പരമ്പരയുടെ വിജയം. സുമിത്ര പണ്ടത്തെ പോലെയല്ല.

തനിയ്ക്ക് നേരെ വരുന്ന ഏത് പ്രശ്‌നത്തെയും അതിജീവിയ്ക്കാന്‍ കെല്‍പ്പുള്ളവളായി വളര്‍ന്നു കഴിഞ്ഞു. പണ്ടത്തെ പോലെ മിണ്ടാതെയിരുന്ന് ഒറ്റയ്ക്ക് വേദന സഹിയ്ക്കുന്ന പരിപാടിയില്ല. വേദികയുടെ പണികള്‍ ഒന്നും സുമിത്രയ്ക്ക് നേരെ നടക്കുന്നുമില്ല. സമിത്ര ഫാന്‍സിന് കൈയ്യടിയ്ക്ക് വക നല്കാൻ സാധ്യതയുണ്ട് അടുത്ത ആഴ്ചയിലെ എപ്പിസോഡുകൾക്ക്. ജനറൽ പ്രോമോയും കൂടെ കണ്ടാൽ അക്കാര്യം വ്യക്തമല്ലേ...

സുമിത്രയുടെ പേരിലുള്ള വീടിന്റെ ആധാരം സരസ്വതി അമ്മയിലൂടെ തട്ടിയെടുത്ത വേദിക അത് പണയം വച്ച് കാര്‍ വാങ്ങാനുള്ള പുറപ്പാടാണ്. പണം തിരികെ നല്‍കാതിരുന്നാല്‍ വീട് സുമിത്രയ്ക്ക് നഷ്ടപ്പെടും പിന്നെ. അതിൽ കൂടി തനിക്ക് ഇരട്ടി വിജയം കൈ വരിക്കും എന്നാണ് വേദികയുടെ ചിന്ത.

അതേ സമയം മറ്റൊരു വശത്ത് ശീതളിന് അഡ്മിഷന്‍ എടുക്കാന്‍ സുമിത്രയ്‌ക്കൊപ്പം സിദ്ധാര്‍ത്ഥും വേണം എന്ന ആവശ്യം വേദികയെ ചെറുതായിട്ടൊന്നുമല്ല അസ്വാസ്ഥ ആയിരിക്കുന്നത്. അഡ്മിഷന് പോകേണ്ട, തനിയ്‌ക്കൊപ്പം കാര്‍ വാങ്ങാന്‍ വരണം എന്ന വേദികയുടെ ആവശ്യം സിദ്ധാര്‍ത്ഥ് തള്ളിക്കളയുകയും ചെയ്യുന്നുണ്ട്. ഇത് വേദികയ്ക്ക് കിട്ടുന്ന നല്ലൊരു പണിയാണെന്ന് വേണം പറയാൻ.

അവസാനം ഗത്യന്തരമില്ലാതെ വേദിക സുമിത്രയെ വിളിച്ച് നീ സിദ്ധാര്‍ത്ഥിനെ കൂട്ടി കൊണ്ടു പോകരുത്. മറ്റൊരുത്തിയുടെ ഭര്‍ത്താവിനെ കൂട്ടിക്കൊണ്ടുപോകുന്നത് മാനാഭിമാനം ഉള്ളവര്‍ക്ക് ചേര്‍ന്നതല്ല എന്നൊക്കെ പറഞ്ഞ് പ്രകോപിപ്പിയ്ക്കുന്നത്. എന്നാല്‍ സുമിത്രയ്ക്ക് ആ പ്രകോപനം ഒന്നും ഏല്‍ക്കുന്നതേയില്ല. വടി കൊടുത്ത് അടി വാങ്ങിയ അവസ്ഥയിലാണ് വേദിക. ഇതി, സുമിത്ര നൽകുന്ന മറുപടിയാണ് കിടിലൻ..

പണ്ട് സിദ്ധാര്‍ത്ഥ് മറ്റൊരുത്തിയായ തന്റെ ഭര്‍ത്താവ് ആയിരുന്ന സമയത്ത് നീ അഴിഞ്ഞാടിയത് എന്ത് മാനാഭിമാനം ഉണ്ടായിട്ടാണ് എന്ന സുമിത്രയുടെ ചോദ്യത്തിന് മുന്നില്‍ വേദിക ഉത്തരം മുട്ടുന്നു. സുമിത്രയുടെ മാസ് ഡയലോഗിന് കൈയ്യടിയ്ക്കുകയാണ് ഫാന്‍സ്. കൊടുത്ത് വാങ്ങുന്ന വേദികയുടെ ശീലം നിര്‍ത്താനായില്ലേ എന്നാണ് ആരാധകരുടെ ചോദ്യം.

പക്ഷെ, സുമിത്രയെ കുടുക്കാന്‍ ശ്രമിച്ച വേദിക ജയിലിൽ ആവുകയാണ്, പക്ഷെ.. അത് എപ്പോൾ എങ്ങനെയാണെന്നൊന്നും നമുക്ക് പറയാൻ കഴിയില്ല. മിക്കവാറും രണ്ടാഴ്ച കഴിഞ്ഞിട്ടാകും ഇതൊക്കെ കാണിക്കുന്നത്. ജയിലഴിയ്ക്കുള്ളളില്‍ വേദിക മറ്റ് ജയില്‍പുള്ളികള്‍ക്കൊപ്പം ഇരിയ്ക്കുന്നതാണ് കാണുന്നത്. തെളിവ് സഹിതം പൊലീസ് വേദികയെ പിടികൂടുന്നുണ്ട്. സഹായിച്ച സരസ്വതി അമ്മയെ ശിവദാസ് മേനോന്‍ വീട്ടില്‍ നിന്ന് പുറത്താക്കുകയും ചെയ്യുമോ ഇല്ലയോ കാര്യത്തിലാണ് സംശയം.

ഏതൊക്കെ, ആയാലും നമ്മുടെ പൊലീസ് മാമൻ വീണ്ടും തിരിച്ചെത്തിയിരിക്കുന്നത് വേദികയ്ക്ക് പണികൾ നല്കാൻ വേണ്ടി തന്നെയാകും. വേദികയുടെ സകലമാന കളികളും തീർന്നാൽ നന്നായിരിക്കും. അല്ലാതെ, ഇനി വീണ്ടും പൊലീസ് കള്ളൻ കളി കാണിച്ചാൽ ബോറായിരിക്കും. പിന്നെ, വേദിക ജയിലിൽ ആയതിന് ആരധകരെല്ലാവരും സന്തോഷത്തിലാണ്.