ശ്രീനാഥിനെ കല്യാണം കഴിക്കാൻ വേണ്ടി സിനിമയില് എത്ര പേരെ തേച്ചു! പക്ഷെ, ശ്രീ യാതൊരുവിധ കുലുക്കവുമില്ലാതെ വേറെ കല്യാണം കഴിക്കാൻ പോകുന്നു എന്ന്; സ്വാസികയ്ക്ക് കിട്ടിയ പണി കണ്ടോ??
മലയാള സിനിമയിലൂടെ തേപ്പുകാരി എന്ന പേര് കിട്ടിയ താരമാണ് സ്വാസിക. സിനിമയിലെ തേപ്പുകാരിയാണെങ്കിലും, യഥാർത്ഥ ജീവിതത്തിലും ചിലരൊക്കെ അത്തരത്തിൽ താരത്തെ കളിയാക്കാറുണ്ട്. അതൊന്നും, അങ്ങനെ സീരിയസായി എടുക്കാത്ത ആളായതുകൊണ്ട് തന്നെ... ഇപ്പോൾ സ്വന്തമായും പുള്ളിക്കാരി ട്രോളി തുടങ്ങിയിട്ടുണ്ട്. അത്തരത്തിൽ ഒരു റിയാലിറ്റി ഷോയിൽ നടന്ന രസകരമായൊരു സംഭവമാണ് പറയുന്നത്.
ഐഡിയ സ്റ്റാര് സിംഗറിലൂടെ പ്രേക്ഷകര്ക്ക് പരിചിതനായ ശ്രീനാഥ് വിവാഹിതനാകാന് പോകുന്നു. സ്വാസിക അവതരാകിയായി എത്തുന്ന അമൃത ടിവിയിലെ റെഡ് കാര്പെറ്റ് എന്ന ഷോയില് എത്തിയപ്പോഴാണ് ആ രഹസ്യം ശ്രീ പരസ്യമാക്കിയത്. കല്യാണക്കാര്യം പറഞ്ഞപ്പോഴുള്ള സ്വാസികയുടെ പ്രതികരണമാണ് ഏറ്റവും രസകരം.
കല്യാണം പെട്ടന്ന് ഉണ്ടാവും എന്ന് ശ്രീനാഥ് പറഞ്ഞപ്പോള് എന്നോട് ഒരു വാക്ക് പറഞ്ഞില്ലല്ലോ എന്ന് സ്വാസിക കളിയായി ചോദിക്കുകയായിരുന്നു. ശ്രീനാഥുമായുള്ള വിവാഹത്തിന് വേണ്ടി ഞാന് സിനിമയില് എത്ര പേരെ തേച്ചു. എന്നിട്ട് യാതൊരു കുലുക്കവും ഇല്ലാതെ, കല്യാണം കഴിക്കാന് പോകുന്നു എന്ന് പറയുന്നോ മനുഷ്യാ എന്നായിരുന്നു സ്വാസികയുടെ പ്രതികരണം.
മലയാള സിനിമയിലെ അസ്ഥാന തേപ്പുകാരിളില് ഒരാളാണെന്നാണ് സ്വാസിക അറിയപ്പെടുന്നത്. കട്ടപ്പനയിലെ ഹൃത്വിക് റോഷന് എന്ന ചിത്രത്തിലെ തേപ്പുകാരിയുടെ റോള് കാരണം യഥാര്ത്ഥ ജീവിതത്തിലും സ്വാസിക ഒരുപാട് കളിയാക്കലുകള് കേട്ടിട്ടുണ്ട്. റെഡ് കാര്പെറ്റിന്റെ ഫ്ളോറില് ശ്രീനാഥിന്റെ കല്യാണക്കാര്യം പറഞ്ഞപ്പോള് അതൊരു സ്വയം ട്രോള് ആയി ഏറ്റെടുക്കുകയായിരുന്നു നടി
എന്നാല് പിന്നീട് സ്വാസിക കളി തമാശകള് മാറ്റി വച്ചു, കാര്യത്തിലേക്ക് കടന്നു. ശ്രീനാഥിന്റെ വിവാഹം ഈ വര്ഷം തന്നെ ഉണ്ടാവും. വീട്ടുകാര് എല്ലാം പറഞ്ഞ് ഉറപ്പിച്ചതാണ്. വിവാഹം ചെയ്യാന് പോകുന്ന പെണ്കുട്ടിയെ കുറിച്ച് ചോദിച്ചപ്പോള്, അത് സസ്പെന്സ് ആണ് എന്നാണ് ശ്രീനാഥ് പറഞ്ഞത്.
ഐഡിയ സ്റ്റാര് സിംഗര് എന്ന ഷോയിലൂടെയാണ് ശ്രീനാഥ് ശ്രദ്ധിക്കപ്പെട്ടത്. ഐഡിയ സ്റ്റാര് സിംഗറിലെ വിജയ് ഫാന് എന്ന് പറഞ്ഞാല് പെട്ടന്ന് ആളുകള്ക്ക് മനസ്സിലാവും. പിന്നീട് പിന്നണി ഗാന ലോകത്തേക്ക് കടന്ന ശ്രീനാഥ് ഇപ്പോള് സംഗീത സംവിധായകന് കൂടെയാണ്.
https://www.facebook.com/Malayalivartha
