ഫ്ലവേഴ്സ് ടിവിയിലെ സ്റ്റാ‍ർ മാജിക് ഷോയിലൂടേയും നിരവധി സീരിയലുകളിലൂടേയും വെബ് സീരീസുകളിലൂടേയുമൊക്കെ മലയാളി മിനി സ്ക്രീൻ പ്രേക്ഷകർ‍ക്ക് പ്രിയപ്പെട്ട താരമാണ് അനുമോൾ. പ്രേക്ഷകരുടെ ഇഷ്ട പരിപാടിയായ സ്റ്റാ‍ർ മാജികിലെ സ്ഥിരസാന്നിധ്യമാണ് താരം.

അനുമോളുടെ സംസാര ശൈലിയാണ് ആരെയും ആദ്യം ആകർഷിക്കുന്നത്. വളരെ ചുരുങ്ങിയ നാളുകള്‍ കൊണ്ടാണ് അനുമോൾ ആരാധകരെ സ്വന്തമാക്കിയത്. സീരിയൽ കഥാപാത്രങ്ങൾ ചെയ്തിട്ടുണ്ടെങ്കിൽ പോലും അനുമോളെ പ്രേക്ഷകർക്ക് തിരിച്ചറിയാൻ കഥാപാത്രങ്ങളുടെ ആവശ്യമില്ല എന്നതാണ് മറ്റൊരു പ്രത്യേകത.

കഴിഞ്ഞ ദിവസം ആറ്റുകാൽ പൊങ്കാല ദിവസം അനുമോളും അമ്മയും പൊങ്കാലയിടുന്നതും അന്നദാനം നടത്തുന്നതുമായ വീഡിയോയും ചിത്രങ്ങളും സോഷ്യൽമീഡിയയിൽ താരം തന്നെ പങ്കുവെച്ചിരുന്നു.

"ഇന്ന് എനിക്കും അമ്മയ്ക്കും ആറ്റുകാൽ പൊങ്കാല" എന്ന് കുറിച്ചുകൊണ്ട് കഴിഞ്ഞ ദിവസം ചിത്രങ്ങളും വീഡിയോയുമൊക്കെ ഫേസ്ബുക്കിലും ഇൻസ്റ്റഗ്രാമിലും യൂട്യൂബിലുമൊക്കെ അനുമോൾ പങ്കുവെച്ചിരുന്നു. നിരവധി കമൻറുകളും അനു പങ്കുവെച്ച പോസ്റ്റുകൾക്ക് ലഭിച്ചിരുന്നു. വിമർശനങ്ങളായിരുന്നു ഏറെയും.

അതിനിടയിലാണ് ആർട് ഡയറക്ടറായ പ്രശാന്ത് അമരവിള അനുവും കുടുംബവും അന്നദാനം നടത്തുന്ന വീഡിയോ ഫേസ്ബുക്കിൽ പങ്കുവെച്ചത്. ആ വീഡിയോയ്ക്ക് താഴെയാണ് സ്റ്റാർമാജിക് മുൻ താരവും സീരിയൽ നടനുമായ നവീൻ അറക്കൽ കമൻറുമായി എത്തിയത്.

"ഭക്ഷണം കൊടുക്കുമ്പോൾ എങ്കിലും മാസ്ക് ഉപയോഗിക്കാൻ ശ്രദ്ധിക്കുക, ഇവിടെ പബ്ലിസിറ്റി അല്ല വേണ്ടത്, ഇത് ശരിയായ രീതിയിൽ എടുക്കണേ ബ്രോ, എന്ന് കമൻറ് ചെയ്തത്.|" അനുമോൾ ഫോട്ടോയിൽ മാസ്കില്ലാതെ ചിരിച്ചുകൊണ്ടാണ് നില്കുന്നത്. അന്നദാനം വരെ പബ്ലിസിറ്റിയ്ക്ക് ചെയ്യുന്ന തരത്തിലായിപ്പോയി എന്ന് ആരാധകർ പോലും പറയുന്നുണ്ട്. ഇതിനിടയിലാണ് തൊഴുതുകൊണ്ടുള്ള സ്മൈലി ചേർത്ത് നവീൻ അറക്കൽ വിമർശിച്ചത്.

നവീൻ അറക്കലിന്റെ കമന്റ് കണ്ടതോടെ കൂടുതൽ പ്രേക്ഷകർ ഏറ്റെടുത്തു.
"മാസ്കില്ലാതെ സമൂഹത്തിന് നല്ല സന്ദേശം നൽകേണ്ടവർ കഷ്ടം, അന്നദാനം മഹാദാനം പബ്ലിസിറ്റി പിന്നെയും നമുക്ക് നോക്കാം,

ഇതാണോ പൊങ്കാല അനുക്കുട്ടി ഉള്ള വില കളയരുത്, ഇത്രയും ജനങ്ങൾ തടിച്ചുകൂടുമ്പോൾ ഒരു മാസ്ക് വെച്ച് കൂടെ കുഞ്ഞേ..തുടങ്ങി നിരവധി കമൻറുകളാണ് നവീൻ ഇട്ട കമൻറിന് താഴെ വന്നുകൊണ്ടിരിക്കുന്നത്.

"ഓ...എന്നാണ് നവീൻ നൽകിയ കമൻറിന് പ്രശാന്ത് അമരവിള നൽകിയ മറുപടി. "

"ഇത് ആരാ ഈ പറയുന്നേ...എന്നാണ് നവീന് അനു നൽകിയിരിക്കുന്ന മറുപടി. "

അനുവിന്റെ തമാശരൂപത്തിലുള്ള കമെന്റിനും വിമർശനങ്ങൾ ഏറെയാണ്. ആര് പറഞ്ഞാലും പറഞ്ഞതിൽ കാര്യമില്ലേ, ഭക്ഷണം കഴിക്കുന്നവർ മാസ്ക് വെക്കേണ്ട കൊടുക്കുന്നവർ മറ്റുള്ളവരുടെ സേഫ്റ്റിക്ക് എങ്കിലും മാസ്ക് വെച്ച് കൂടെ, അവിടെ പലരീതിയിലുള്ള ശാരീരിക അസ്വസ്ഥ ഉള്ളവരും കുട്ടികളുമൊക്കെ അല്ലെ വരുന്നത്, എന്നും ചിലർ കമൻറുകളിട്ടിട്ടുണ്ട്.

സ്റ്റാർ മാജിക് വേദിയല്ല , ഇതൊരു പബ്ലിക് പ്ലസ് ആണെന്നും ഷോയിൽ കാണിക്കുന്നപോലെ പുറത്തു വരുമ്പോൾ പെരുമാറരുതെന്നും പ്രക്ഷകർ പറയുന്നുണ്ട്.