മോഹന്ലാല് ചിത്രം ആറാട്ടിനെതിരെ കളിച്ചവര്ക്കെതിരെ കേസ്...
മോഹന്ലാല് ചിത്രം ആറാട്ടിനെതിരെ വ്യാജ പ്രചാരണം നടത്തിയവര്ക്കെതിരെ കേസെടുത്തു. വ്യാജപ്രചാരണം നടത്തിയ അഞ്ച് പേര്ക്കെതിരെയാണ് പോലീസ് കേസെടുത്തിരിക്കുന്നത്. മലപ്പുറം കോട്ടക്കലിലെ തീയേറ്റര് ഉടമയാണ് പോലീസില് പരാതി നല്കിയത്. സമൂഹമാദ്ധ്യമങ്ങളിലൂടെ സിനിമയ്ക്കെതിരെ വ്യാജപ്രചാരണം നടത്തിയെന്ന് തീയേറ്റര് ഉടമ പരാതിയില് പറയുന്നു. കഴിഞ്ഞ ദിവസമാണ് ആറാട്ട് റിലീസിനെത്തിയത്.
സിനിമയെ തകര്ക്കാന് മനഃപ്പൂര്വ്വം സോഷ്യല് മീഡിയയിലൂടെ വ്യാജപ്രചാരണങ്ങള് നടക്കുന്നുവെന്ന് പരാതിയില് തീയേറ്റര് ഉടമ ആരോപിക്കുന്നു. 18നാണ് ചിത്രം റിലീസ് ചെയ്തത്. മികച്ച പ്രതികരണം നേടിയ ചിത്രത്തെ പ്രശംസിച്ച് നിരവധി പേരാണ് എത്തിയത്. ഇതിനിടെയാണ് സിനിമയ്ക്കെതിരെ വ്യാജ പ്രചാരണങ്ങളും പുറത്തുവന്നത്. ഇത് ശ്രദ്ധയില്പ്പെട്ട തീയേറ്റര് ഉടമ പോലീസില് പരാതി നല്കുകയായിരുന്നു.
വില്ലന് എന്ന ചിത്രത്തിന് ശേഷം ബി ഉണ്ണികൃഷ്ണന് മോഹന്ലാലിനെ നായകനാക്കി ഒരുക്കിയ ചിത്രമാണ് ആറാട്ട്. ഉദയകൃഷ്ണയാണ് തിരക്കഥ ഒരുക്കിയിരിക്കുന്നത്. നെയ്യാറ്റിന്കര ഗോപന് എന്ന കഥാപാത്രമായാണ് മോഹന്ലാല് ചിത്രത്തില് എത്തുന്നത്. ശ്രദ്ധ ശ്രീനാഥ് ആണ് മോഹന്ലാലിന്റെ നായികയായി എത്തുന്നത്. സിനിമയെ ഇരുകൈയ്യും നീട്ടി സ്വീകരിച്ച പ്രേക്ഷകര്ക്ക് നന്ദി അറിയിച്ച് മോഹന്ലാലും എത്തിയിരുന്നു.
https://www.facebook.com/Malayalivartha
