ഏഷ്യാനെറ്റ് അപ്ലോഡ്മാമൻ ഒരു കാര്യം മറന്നു പോയി. അടുത്ത ആഴ്ചയിലെ മൗനരാഗത്തിന്റെ ജനറൽ പ്രൊമോ ഇന്നലെ അപ്ലോഡ് ചെയ്യാൻ. അവസാനം ഉച്ചയ്ക്കാണ് അക്കാര്യം ഓർത്തത്. കുറെ നാളുകൾക്ക് ശേഷം കല്യാണി കൊതിച്ചിരുന്ന ദിവസങ്ങളിലേക്ക് കടക്കുവാൻ പോകുകയാണ്. കിരണുമായിട്ടുള്ള കല്യാണം, അതിനു മുന്നോടിയായിട്ടുള്ള ഓരോ കാര്യങ്ങളും പതുകെ നടക്കുന്നുണ്ട്. പ്രാകാശനെ പണമെറിഞ്ഞ് പൂർണമായും കൈക്കിലുള്ളികാക്കിയിട്ടുണ്ട്. വിദ്യാഭ്യാസവും അതുപോലെ തന്നെ അറിവുകളും കുറവുള്ള കല്യാണിയെ എല്ലാം പഠിപ്പിച്ച് നല്ല കാര്യപ്രാപ്തിയുള്ള ഒരു കുട്ടിയായി മാറ്റണം അതിനുവേണ്ടി ഏതറ്റം വരെയും പോകാൻ ഒരുക്കമുള്ള തരത്തിലാണ് സി എസിന്റെ പെരുമാറ്റം.

ആദ്യം, കല്യാണിയെ സ്കൂട്ടർ ഓടിക്കാൻ പഠിപ്പിച്ചു. അവിടെ കല്യാണി അറിയാതെ കൂടെ നിന്ന് എല്ലാ രീതിയിലും സഹായിച്ചത് കിരണായിരുന്നു. ഇവിടെയിപ്പോൾ, അച്ഛനായ സി എസാണ് കല്യാണിയെ കാർ പഠിക്കാൻ വേണ്ടി പ്രയത്നിക്കുന്നത്. പ്രാകാശനെ കൊണ്ട് തന്നെ കാർ പഠിപ്പിക്കണം. ഇന്നലത്തെ എപ്പിസോഡിൽ അതിനുവേണ്ടിയുള്ള എല്ലാ കാര്യങ്ങളും സി എസ് ഒരിക്കിയിട്ടുണ്ട്.

വേറെ വഴികളൊന്നുമല്ല, എപ്പോഴത്തെയും പോലെ പണം തന്നെയാണ്. പക്ഷെ, ആ സീൻ കണ്ടപ്പോൾ ഒരു സംശയമാണ് എനിക്കുണ്ടായത്. കുറച്ചു നൂറിന്റെ നോട്ടുകൾ കൊടുത്താൽ എങ്ങനെയാണ് അൻപതിനായിരം ആകുന്നത്. അതുമാത്രവുമല്ല, കാർ മാത്രം പഠിപ്പിക്കുന്നതിന് അൻപതിനായിരം രൂപയാണ് നൽകിയത്, അറിയാതെ എങ്കിലും ചിന്തിച്ചു പോകുകയാണ്... ഇതൊക്കെ കുറച്ച് ഓവറല്ലേ..

ഇനി ജനറൽ പ്രൊമോയിലേക്ക് വരാം. കല്യാണിയെ പ്രാകാശൻ കാർ ഓടിക്കാൻ പഠിപ്പിക്കുന്നുണ്ട്. കുറെ, കാശൊക്കെ വാങ്ങുന്നതല്ലേ.. അപ്പോൾ പഠിപ്പിക്കന്നതാണ് നല്ലത്. ഈ പോക്കണെങ്കിൽ കല്യാണി കിരണുമായുള്ള വിവാഹത്തിന് മുൻപ് കാറും വാങ്ങും. അങ്ങനെ ആണെങ്കിൽ വളരെ നല്ലതാകും പിന്നെ പ്രാകാശനും അതുപോലെ തന്നെ രാഹുലിനും പരിവാരങ്ങൾക്കൊക്കെ കുറച്ച് ദേഷ്യം കൂടും. എങ്കിലും നമ്മുടെ നായിക നന്നായിട്ട് മുന്നേറുമല്ലോ.

പിന്നെ, കാറൊക്കെ പഠിച്ചു കഴിഞ്ഞാൽ കാറുമായിട്ടുള്ള ഒരു കറക്കമൊക്കെയുണ്ട്. കുറെ ദിവസം കൊണ്ട് നമ്മളെല്ലാവരും മിസ് ചെയ്ത കുറച്ച് റൊമാൻസുമൊക്കെ കാണാനുള്ള എല്ലാ സാധ്യതകളുമുണ്ട്. പിന്നെ, കല്യാണ നിശ്ചയത്തിനുള്ള ഒരുക്കങ്ങളാണ് ഇപ്പോൾ നടക്കുന്നത്. എല്ലാവരും ഇതിന് സമ്മതം മൂളുന്നുണ്ടെങ്കിലും ഡബിൾ പ്ലേ നടത്തിക്കൊണ്ടിരിക്കുകയാണ് ദീപ. എല്ലാവരും കാത്തിരുന്ന ആ വിവാഹം നടക്കുന്നത് വരെയും ദീപ ഇങ്ങനെ മുന്നോട്ട് സീരിയലിന് നല്ലതാണ്.

ഇതൊക്കെയും നല്ലതുപോലെ നടക്കുന്നുണ്ടെങ്കിലും, കല്യാണത്തിന് വേണ്ടി രൂപ ചിലതൊക്കെ നടത്തുന്നുണ്ട്. തന്റെ മകനിൽ നിന്നും കല്യാണി പൂർണമായും അകലുകയാണല്ലോ... അങ്ങനെയാണെങ്കിൽ... നല്ലൊരു സഹായം തന്നെ ചെയ്യും. കല്യാണിയുടെ കല്യാണത്തിന് വേണ്ടി കുറെ സ്വാർണാഭരണങ്ങളൊക്കെ രൂപ വാങ്ങിക്കുന്നുണ്ട്.

ഇതെല്ലം കണ്ട്, ശാരിയുടെയും സരയുവിന്റെയും കണ്ണ് മഞ്ഞളിക്കും എന്നുള്ള കാര്യം ഉറപ്പല്ലേ.. അപ്പോൾ, പിന്നെ തനി സ്വഭാവം പുറത്ത് കാണിക്കും. സരയു ആ സ്വർണവും രൂപ വാങ്ങി വെച്ചിരിക്കുന്ന എല്ലാ സാധനങ്ങളും കൈയ്യോടെ പൊക്കുന്നുണ്ട്. ഇനി അതെങ്ങനെ ഒളിപ്പിക്കും, തുടർന്ന് എന്തൊക്കെ സംഭവിക്കുമെന്നൊക്കെ നമുക്കെല്ലാവർക്കും കാത്തിരുന്ന് കാണാം.