ബിഗ് ബോസ് സീസണ്‍ 4 ലെ മത്സരാർത്ഥികളാണ് സുചിത്രയും അഖിലും. കഴിഞ്ഞ ദിവസം ഇവർക്കിടയിലുണ്ടായ ഒരു സംസാരം വളരെയധികം ശ്രദ്ധേയമാകുകയാണ്. സുചിത്രയും അഖിലും തമ്മിലുള്ള സൗഹൃദത്തെയും പ്രണയമായി കണക്കാക്കുന്ന തരത്തിലേക്ക് കാര്യങ്ങൾ നീങ്ങുകയാണ്.

അവരെ കുറിച്ച് മറ്റ് മത്സരാർത്ഥികൾ നടത്തുന്ന ചര്‍ച്ചയെ കുറിച്ച് സംസാരിക്കുകയായിരുന്നു ഇരുവരും. തങ്ങളുടെ സൗഹൃദത്തെ പ്രണയമായി കരുതുന്നത് ശരിയല്ലെന്ന് ഇരുവരും പറഞ്ഞു. ആണും പെണ്ണും മിണ്ടിയാല്‍ പ്രണയമാകുമോ എന്നും അവര്‍ പരസ്പരം ചോദിക്കുന്നുണ്ട്.

തെറ്റിദ്ധരിപ്പിക്കുന്ന രീതിയില്‍ നമ്മള്‍ പെരുമാറുന്നുണ്ടോയെന്ന സുചിത്രയുടെ ചോദ്യത്തിന് ഇല്ലെന്നായിരുന്നു അഖിലിന്റെ മറുപടി. എല്ലാവര്‍ക്കും തെറിദ്ധാരണയുണ്ടാക്കുന്നത് പോലെയല്ല നമ്മള്‍ പെരുമാറുന്നത്. ദില്‍ഷയും റോബിനും പോലെയല്ല നമ്മൾ സംസാരിക്കുന്നതെന്നും അവർ പറയുന്നു. നമ്മളും സൂരജും മൂന്നു പേരും കാണും എപ്പോഴും ഒപ്പമുണ്ടാകും. എന്തെങ്കിലും വേണ്ടേ സംസാരിക്കാന്‍ എന്നായിരുന്നു അഖിൽ പ്രതികരിച്ചത് .

ലക്ഷ്മി ചേച്ചിയും റോണ്‍സനും അങ്ങനത്തെ രീതിയിൽ സംസാരിക്കുന്നുണ്ടെന്നും സുചിത്ര പറഞ്ഞു . ലക്ഷ്മി ചേച്ചി രണ്ട് മൂന്ന് വട്ടം പറഞ്ഞുവെന്ന് അഖില്‍ പറഞ്ഞു. കുത്തിക്കുത്തി പറയുന്നുവെന്ന് സുചിത്രയും വ്യക്തമാക്കി. ഇതൊട്ടും ന്യായമല്ല. സൗഹൃദത്തെ പോലും മാനിക്കുന്നില്ല. അങ്ങനെയെങ്കില്‍ നമുക്ക് ലക്ഷ്മി ചേച്ചിയേയും നവീന്‍ ചേട്ടനേയും പറഞ്ഞു കൂടായിരുന്നില്ലേ എന്നും സുചിത്ര ചോദിക്കുന്നുണ്ട്.

വേറാരെങ്കിലും പറഞ്ഞാല്‍ കല്ലു പോലെ നില്‍ക്കുന്ന സുചിത്ര ചേച്ചിയെന്തിനാണ് അഖില്‍ പറഞ്ഞപ്പോള്‍ കരഞ്ഞതെന്ന് ജാസ്മിനുംചോദിച്ചെന്നും സുചിത്ര പറഞ്ഞു. നിമിഷയുമായി അടിയുണ്ടാക്കുമ്പോള്‍ നീ മൂഡ് ഓഫായി നടക്കാറുണ്ടായിരുന്നല്ലോ എന്ന് താൻ മറുപടി പറഞ്ഞെന്നും അദ്ദേഹം പറഞ്ഞു . ലക്ഷ്മി ചേച്ചി എല്ലാവരോടും ഇത് പറഞ്ഞു കാണില്ലേ എന്ന് അഖില്‍ സംശയിക്കുന്നുണ്ട്. എന്തായാലും ഇരുവരുടെയും ചർച്ച സോഷ്യൽ മീഡിയ ഏറ്റെടുത്തിരിക്കുകയാണ്.