ഏവരും ആകാംഷയോടെ കാത്തിരിക്കുന്ന ദുല്‍ഖര്‍ സല്‍മാന്‍ ചിത്രമായ ചാര്‍ലിയുടെ റിലീസ് വൈകിയേക്കുമെന്ന് സൂചന. ഈ മാസം 17നാണ് ചിത്രത്തിന്റെ റിലീസിംഗ് തീരുമാനിച്ചിരുന്നത് എന്നാല്‍ 24ലേക്കോ 25ലേക്കോ ചിത്രത്തിന്റെ റിലീസ് മാറ്റി വച്ചേക്കുമെന്നാണ് വിവരം. സിനിമയുടെ ഔദ്യോഗിക റിലീസ് തീയതി ഇതുവരെ പ്രഖ്യാപിച്ചിട്ടില്ല. തിയേറ്റര്‍ ഉടമകളുടെ സമരത്തെ തുടര്‍ന്നാണ് റിലീസ് മാറ്റിവച്ചതെന്നും വിവരങ്ങളുണ്ട്.
ദുല്‍ഖറിനെ നായകനാക്കി മാര്‍ട്ടിന്‍ പ്രക്കാട്ടാണ് ചാര്‍ലി സംവിധാനം ചെയ്തിരിക്കുന്നത്. പാര്‍വതിയാണ് ചിത്രത്തില്‍ ദുലഖറിന്റെ നായിക. ഇവരെ കൂടാതെ ചെമ്പന്‍ വിനോദ്, നീരജ് മാധവ്, രമേഷ് പിഷാരടി, ജോയ് മാത്യു, രെഞ്ജി പണിക്കര്‍, നെടുമുടി വേണു, അപര്‍ണ ഗോപിനാഥ് എന്നിവരും പ്രധാന വേഷങ്ങള്‍ കൈകാര്യം ചെയ്യുന്നു.
ഗോപി സുന്ദറാണ് ചിത്രത്തിലെ ഗാനങ്ങള്‍ ഒരുക്കിയിരിക്കുന്നത്. കഴിഞ്ഞ ദിവസം എത്തിയ ചാര്‍ലിയുടെ ട്രെയിലര്‍ വമ്പന്‍ ഹിറ്റായി കഴിഞ്ഞു. യൂട്യൂബിലെത്തി ഒരു ദിവസത്തിനുള്ളില്‍ 4 ലക്ഷത്തിന് മുകളില്‍ ആളുകള്‍ കാണുന്ന മലയാള സിനിമ ട്രെയിലര്‍ എന്ന റെക്കോര്‍ഡും ചാര്‍ലിയുടെ ട്രെയിലര്‍ സ്വന്തമാക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha