എമ്പുരാന് കാണാന് ജീവനക്കാര്ക്ക് അവധിയും ഒപ്പം ടിക്കറ്റും നല്കി കമ്പനി ഉടമ
2019ല് റിലീസ് ചെയ്ത ബ്ലോക് ബസ്റ്റര് ചിത്രം ലൂസിഫറിന്റെ രണ്ടാം ഭാഗം 'എമ്പുരാന്' മാര്ച്ച് 27നാണ് ആഗോള റിലീസായി തിയേറ്ററുകളിലെത്തുന്നത്. മലയാള സിനിമാ പ്രേമികള് ഏറെ ആകാംക്ഷയോടെ കാത്തിരിക്കുന്ന ദിവസമാണ് മാര്ച്ച് 27. സിനിമയുടെ റിലീസിനോടനുബന്ധിച്ച് ജീവനക്കാര്ക്ക് അവധി നല്കിയിരിക്കുകയാണ് കേരളത്തിലെ ഒരു കമ്പനി.
കൊച്ചിയില് പ്രവര്ത്തിക്കുന്ന ഒരു സ്റ്റാര്ട്ടപ്പ് കമ്പനിയാണ് ജീവനക്കാര്ക്ക് അവധി നല്കിയിരിക്കുന്നതെന്നാണ് പുറത്തുവരുന്ന റിപ്പോര്ട്ടുകള്. പത്ത് പേരാണ് ഡിജിറ്റില് മാര്ക്കറ്റിംഗ് കമ്പനിയിലുള്ളതെന്നാണ് വിവരം. കമ്പനിയുടെ ഉടമകള് കടുത്ത മോഹന്ലാല് ആരാധകരാണ്. സിനിമ കാണാന് വേണ്ടി മാര്ച്ച് ഇരുപത്തിയേഴിന് ഉച്ചയ്ക്ക് പന്ത്രണ്ട് മണിവരെ അവധി നല്കുമെന്ന് ഉടമകളിലൊരാള് ഒരു മാദ്ധ്യമത്തോട് പറഞ്ഞു. ജീവനക്കാര്ക്ക് ടിക്കറ്റും ലഭ്യമാക്കും.
മലയാളം, ഹിന്ദി, തമിഴ്, കന്നഡ, തെലുങ്ക് ഭാഷകളിലാണ് ചിത്രം റിലീസ് ചെയ്യുന്നത്. ഖുറേഷി-അബ്രാം / സ്റ്റീഫന് നെടുമ്പള്ളി എന്ന പ്രധാന കഥാപാത്രമായാണ് മോഹന്ലാല് എത്തുന്നത്. പൃഥ്വിരാജ്, മഞ്ജു വാര്യര്, ടൊവിനോ തോമസ്, ഇന്ദ്രജിത് , സുരാജ് വെഞ്ഞാറമൂട്, ജെറോം ഫ്ലിന്, ബൈജു, സായ്കുമാര്, ആന്ഡ്രിയ ടിവാടര്, അഭിമന്യു സിംഗ്, സാനിയ അയ്യപ്പന്, ഫാസില്, സച്ചിന് ഖഡ്കര്, നൈല ഉഷ, ജിജു ജോണ്, നന്ദു, മുരുകന് മാര്ട്ടിന്, ശിവജി ഗുരുവായൂര്, മണിക്കുട്ടന്, അനീഷ് ജി മേനോന്, ശിവദ, അലക്സ് ഒനീല്, എറിക് എബണി, കാര്ത്തികേയ ദേവ്, മിഹയേല് നോവിക്കോവ്, കിഷോര്, സുകാന്ത്, ബെഹ്സാദ് ഖാന്, നിഖാത് ഖാന്, സത്യജിത് ശര്മ്മ, നയന് ഭട്ട്, ശുഭാംഗി, ജൈസ് ജോസ് എന്നിവരാണ് മറ്റു താരങ്ങള്.
ചിത്രത്തിന്റെ താരനിരയ്ക്ക് ഇന്റര്നാഷണല് അപ്പീല് നല്കുന്നത് ഗെയിം ഓഫ് ത്രോണ്സിലൂടെ ലോക പ്രശസ്തനായ ജെറോം ഫ്ളിന്നിന്റെ സാന്നിധ്യം ആണ്. ആശീര്വാദ് സിനിമാസ്, ശ്രീ ഗോകുലം മൂവീസ് എന്നീ ബാനറുകളില് ആന്റണി പെരുമ്പാവൂര്, ഗോകുലം ഗോപാലന് എന്നിവര് ചേര്ന്നാണ് നിര്മ്മാണം. രചന മുരളി ഗോപി, ഛായാഗ്രഹണം സുജിത് വാസുദേവ്.
https://www.facebook.com/Malayalivartha
