സംസ്ഥാന ചലച്ചിത്ര അവാര്ഡുകള് ഇന്നു പ്രഖ്യാപിക്കും
2015 ലെ സംസ്ഥാന ചലച്ചിത്ര അവാര്ഡുകള് ഇന്നു പ്രഖ്യാപിക്കും. പത്തേമാരി, എന്നു നിന്റെ മൊയ്തീന്, ചാര്ലി, വലിയ ചിറകുള്ള പക്ഷികള്, മിലി എന്നിങ്ങനെ നിരവധി മികച്ച ചിത്രങ്ങള് അവാര്ഡുകള്ക്കായി മത്സരരംഗത്തുണ്ട്. പൃഥ്വിരാജും മമ്മൂട്ടിയും ദുല്ഖര് സല്മാനും മികച്ച നടനുള്ള അവാര്ഡിനായി മത്സരിക്കുമ്പോള് പാര്വതിയും, മഞ്ജു വാര്യരും, അമലാ പോളും നല്ല നടിക്കുള്ള അവാര്ഡിനായി മുന്നിലുള്ളതായും സൂചനയുണ്ട്. ഇന്നു മന്ത്രി തിരുവഞ്ചുര് രാധാകൃഷ്ണന് അവാര്ഡുകള് പ്രഖ്യാപിക്കും. വ്യത്യസ്തമായ വേഷങ്ങളിലൂടെ കഴിഞ്ഞവര്ഷം ശ്രദ്ധേയനായ സുധീര് കരമനയെ സഹനടനുള്ള പുരസ്കാരത്തിനായി പരിഗണിക്കുമെന്നാണു സൂചന. നെടുമുടി വേണു (വലിയ ചിറകുള്ള പക്ഷികള്), സിദ്ദിഖ് (പത്തേമാരി) ചെമ്പന് വിനോദ് ജോസ് (ഉറുമ്പുകള് ഉറങ്ങാറില്ല) എന്നിവരുടെ പ്രകടനവും ജൂറിയുടെ പരിഗണനയിലുണ്ട്. ചാര്ലിയിലെ അവിസ്മരണീയമായ പ്രകടനത്തിന് കല്പ്പനയെ സഹനടിയായി പരിഗണിക്കും. കല്പ്പനയ്ക്കും സംവിധായകന് രാജേഷ് പിള്ളയ്ക്കും പ്രത്യേകജൂറി അവാര്ഡു നല്കാനും സാധ്യതയുണ്ട്.
മികച്ച ചിത്രം, മികച്ച സംവിധായകന് എന്നീ അവാര്ഡുകള്ക്കായി മിലി (രാജേഷ് പിള്ള), എന്നു നിന്റെ മൊയ്തീന് (ആര്.എസ്. വിമല്), പത്തേമാരി (സലിം അഹമ്മദ്), വലിയ ചിറകുള്ള പക്ഷികള് (ഡോ. ബിജു), അനാര്ക്കലി എന്നീ ചിത്രങ്ങള് മത്സരത്തിനുണ്ട്. ഛായാഗ്രാഹകനുള്ള പുരസ്കാരത്തിന് ജോമോന് ടി. ജോണ് (എന്നു നിന്റെ മൊയ്തീന്), മധു നീലകണ്ഠന് (റാണി പത്മിനി) എന്നിവരും മുന്നിലുണ്ട്. മികച്ച സംഗീത സംവിധായകനുള്ള അവാര്ഡിന്റെ പരിഗണനയില് എം. ജയചന്ദ്രനും (എന്നു നിന്റെ മൊയ്തീന്) രാജേഷ് മുരുകേശനുമാണ് (പ്രേമം).സംവിധായകന് മോഹന് അധ്യക്ഷനായ സിനിമാ വിഭാഗം ജൂറിയില് ജോര്ജ് കിത്തു, സുലക്ഷണ, ശരത്, ബി.ആര്. പ്രസാദ്, വേണുഗോപാല്, പ്രേംചന്ദ്, സോമന് എന്നിവരാണ് അംഗങ്ങള്. എസ്. ജയചന്ദ്രന് നായര് ചെയര്മാനായ രചനാ വിഭാഗം ജൂറിയില് രാജീവ് ഗോപാലകൃഷ്ണന്, പവിത്രന് എന്നിവരാണ് അംഗങ്ങള്. ചലച്ചിത്ര അക്കാദമി സെക്രട്ടറി സി.ആര്. രാജ്മോഹന് രണ്ടു കമ്മിറ്റിയിലും അംഗമാണ്.
കേരളം കാത്തിരിക്കുന്നു: ആരാകും ജേതാവെന്നറിയാനല്ല തിരുവഞ്ചൂര് എങ്ങനെ പ്രഖ്യാപിക്കുമെന്നതും കാത്ത്..തോല്പ്പിക്കാനാവില്ല... നോക്കണ്ട മക്കളേ ഞാന് ഇത്തവണ പഠിച്ച് പാസായിട്ടാ വരവ്... സംസ്ഥാന ചലച്ചിത്ര അവാര്ഡുകള് പ്രഖ്യാപിക്കാനിരിക്കെ ഏവരും ഉറ്റുനോക്കുന്നത് ആരെയാണ്? അവാര്ഡ് പ്രതീക്ഷിക്കുന്ന മമ്മൂട്ടിയെയോ പ്രഥ്വിരാജിനെയോ പാര്വതിയെയോ ഒന്നുമല്ല അത്. സിനിമാമന്ത്രി തിരുവഞ്ചൂര് രാധാകൃഷ്ണന് എങ്ങനെ അവാര്ഡ് പ്രഖ്യാപിക്കുമെന്നാണ് ഏവരും പ്രതീക്ഷയോടെ കാത്തിരിക്കുന്നത്, പ്രത്യേകിച്ച് ട്രോളന്മാര്. കഴിഞ്ഞ വര്ഷത്തെ വിഖ്യാതമായ അവാര്ഡ് പ്രഖ്യാപനം തന്നെയാണ് ആ പ്രതീക്ഷയ്ക്ക് പിന്നില്. എന്തെങ്കിലും കിട്ടും കിട്ടാതിരിക്കില്ല..എന്നാണ് ട്രോളര്മാരുടെ പ്രതീക്ഷ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
