ജയില്‍ ക്ഷേമദിനാഘോഷ ചടങ്ങില്‍ പങ്കെടുക്കാനും തന്റെ പുതിയ ചിത്രമായ കമ്മട്ടിപാടത്തിന്റെ ഷൂട്ടിംഗുമായി ബന്ധപ്പെട്ട് ദുല്‍ഖര്‍ പൂജപ്പൂര സെന്‍ട്രല്‍ ജയില്‍ എത്തി.
മികച്ച നടനായി തിരഞ്ഞെടുത്തതിന് ശേഷമുള്ള ആദ്യ സ്വീകരണ ചടങ്ങായിരുന്നു തലസ്ഥാനത്ത് അധികാരികളുടെ വക നടന്നത്. രാവിലെ മുതല്‍ ജയിലിനുള്ളില്‍ ഷൂട്ടിംഗ് തിരക്കിലായിരുന്നു ദുല്‍ഖര്‍. സംസ്ഥാന പുരസ്‌കാരജേതാവിനെ കാണാന്‍ ജയില്‍ ജീവനക്കാരും പൊലീസുകാരും ഇരച്ച് എത്തി.
ദുല്‍ഖര്‍ എത്തിയതോടെ ചടങ്ങ് മന്ത്രി രമേശ് ചെന്നിത്തല ഉദ്ഘാടനം ചെയ്തു. അച്ഛനെക്കാള്‍ വലിയ നടനായി മാറാന്‍ ദുല്‍ഖറിന് കഴിയട്ടേയെന്ന് മന്ത്രി ആശംസിച്ചു. ദേശീയ പുരസ്‌കാരവും അകലയല്ലെന്നും മന്ത്രി പറഞ്ഞു.
ചടങ്ങില്‍ ദുല്‍ഖറിനെ ഉപഹാരം നല്‍കി ആദരിച്ചു.സ്വീകരണത്തിനും സ്‌നേഹത്തിനും നന്ദിപറഞ്ഞ ദുല്‍ഖര്‍, കുട്ടിക്കാലത്ത് സിനിമകളില്‍ മാത്രം കണ്ട് ശീലിച്ച പൂജപ്പുര ജയില്‍ സന്ദര്‍ശിക്കാന്‍ സാധിച്ചതില്‍ സന്തോഷം പ്രകടിപ്പിച്ചു. ജയില്‍ക്ഷേമ ദിനാഘോഷത്തിന്റെ ഭാഗമായി 215 തടവുകാരെ വിട്ടയക്കുന്ന കാര്യം പ്രഖ്യാപിക്കുന്ന ദിവസം ഇവിടെ എത്താന്‍ കഴിഞ്ഞതില്‍ ആഹ്ലാദമുണ്ട്. സിനിമയ്ക്കായി ജയില്‍ വളപ്പ് വേണമെന്ന് ആവശ്യപ്പെട്ടപ്പോള്‍ പെട്ടെന്ന് വിട്ട് തന്ന് എല്ലാ സഹായങ്ങളും നല്‍കുകയാണ് ജയില്‍ അധികാരികളെന്നും ദുല്‍ഖര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha