മലയാളത്തിന്റെ പ്രിയ നടന്‍ കലാഭവന്‍ മണിയുടെ മരണം സിനിമാ ലോകത്തെ ഏറെ ഞെട്ടിച്ചു. സിനിമാ ലോകത്തിന് തീരാനഷ്ടം തന്നെയാണ് കലാഭവന്‍ മണി. കലാഭവന്‍ മണിയോടൊപ്പം അഭിനയിച്ചതിന്റെ ആ സുവര്‍ണ്ണ നിമിഷം പങ്കുവയ്ക്കാന്‍ നടി മഞ്ജു വാര്യര്‍ മറന്നില്ല.
അന്ന് മണിച്ചേട്ടന്‍ എന്റെ മുഖത്ത് നോക്കി അങ്ങനെ പാടി, തങ്കഭസ്മക്കുറിയിട്ട തമ്പുരാട്ടി...എന്ന് എന്റെ മുഖത്ത് നോക്കി മണിച്ചേട്ടന്‍ പാടി. സല്ലാപം എന്ന ചിത്രത്തിലൂടെയാണ് മണിച്ചേട്ടന്റെയും എന്റെയും കൂടിക്കാഴ്ച്ച. ആ ഗാനം എന്നെ ഏറെ ചിരിപ്പിച്ചു. മണിച്ചേട്ടനൊപ്പം അഭിനയിക്കാന്‍ കഴിഞ്ഞതില്‍ വളരെയധികം സന്തോഷമുണ്ടെന്നും മഞ്ജു പറഞ്ഞു. മണിച്ചേട്ടന്‍ എന്നെ ഒരുപാട് സന്തോഷിപ്പിച്ചു, ചിരിപ്പിച്ചുവെന്നും മഞ്ജു പറഞ്ഞു.

ഒട്ടുമിക്ക സിനിമകളിലും മണിച്ചേട്ടന്‍ ഒപ്പമുണ്ടായിരുന്നു. മണിച്ചേട്ടനൊടൊപ്പം ഉണ്ടായിരുന്ന ആ ദിവസങ്ങള്‍ മറക്കാന്‍ കഴിയില്ലെന്നും മഞ്ജു പറഞ്ഞു. നാടന്‍ പാട്ട് പാടിയും അനുകരിച്ചും ചിരിപ്പിക്കാന്‍ വേണ്ടി ജനിച്ചയാളാണ് മണിചേട്ടനെന്നും മഞ്ജു പറഞ്ഞു. നന്മ നിറഞ്ഞ ആ മനസ് എല്ലാവരെയും ചിരിപ്പിക്കുകയും സഹായിക്കുകയും ചിന്തിപ്പിക്കുകയും ചെയ്തു. എല്ലാ സങ്കടത്തിനും മണിച്ചേട്ടന്‍ കൂടെയുണ്ടായിരുന്നുവെന്നും മഞ്ജു പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha