ബി പി മൊയ്തീന്‍ കാഞ്ചനമാല പ്രണയം തുറന്നു കാണിച്ച ആര്‍ എസ് വിമല്‍ ചിത്രം എന്ന് നിന്റെ മൊയ്തീനിന്റെ രണ്ടാം ഭാഗം ഇറങ്ങുന്നു. ആദ്യ ചിത്രത്തില്‍ ബി പി മൊയ്തീന്‍ എന്ന വ്യക്തിയെ പൂര്ണ്ണമായും ചിത്രീകരിക്കാന്‍ കഴിഞ്ഞില്ല. മൊയ്തീന്‍ കാഞ്ചനമാല പ്രണയത്തിനുപരിയായി സാമൂഹ്യപ്രവര്‍ത്തകനും സിനിമാ നിര്‍മ്മാതാവും കായികപ്രേമിയും നാട്ടുകാരുടെ പ്രിയങ്കരനുമായ മൊയ്തീനെ ചിത്രീകരിക്കുന്നതിനു വേണ്ടിയാണ് രണ്ടാം ഭാഗം നിര്‍മ്മിക്കുന്നത്.
എന്ന് നിന്റെ മൊയ്തീന്‍ രണ്ടാം ഭാഗത്തില്‍ ആദ്യ ചിത്രത്തിലെ താരനിരയെ തന്നെ അണിനിരത്താനാണ് ഉദ്ദേശിക്കുന്നത്. കഥാനായകനായ ബി പി മൊയ്തീനായി പൃഥ്വിരാജ് തന്നെ വേഷമിടും. രണ്ടാം ഭാഗത്തിന്റെ കഥയെഴുതുന്നത് മൊയ്തീന്റെ സഹോദരനായ ബി പി റഷീദ് ആണ്. 7 കോടി രൂപ ബജറ്റില്‍ എടുക്കാന്‍ ഉദ്ദേശിക്കുന്ന ചിത്രം നിര്‍മ്മിക്കുന്നതും ബി പി റഷീദ് തന്നെ.
ബി പി മൊയ്തീന്‍ എന്ന വ്യക്തിയെ ഏറെ സ്‌നേഹിക്കുന്ന മുക്കത്തെ ജനതയുടെയും കുടുംബത്തിന്റെയും ആഗ്രഹത്തിനൊപ്പം പൃഥ്വിരാജിന്റെ പ്രത്യേക താല്‍പര്യവും മുന്‍നിര്‍ത്തിയാണ് ചിത്രത്തിന്റെ രണ്ടാംഭാഗം എടുക്കുന്നത്. താരനിരയെ അതേ പോലെ നിലനിര്‍ത്തുന്ന ചിത്രത്തില്‍ പക്ഷേ സംവിധായകന്റെ വേഷത്തില്‍ ആര്‍ എസ് വിമല്‍ ഉണ്ടാകില്ലെന്ന് ബി പി റഷീദ് പറഞ്ഞു. ആരാണ് ചിത്രം സംവിധാനം ചെയ്യുന്നത് എന്ന കാര്യത്തില്‍ തീരുമാനമാകുന്നതെയുള്ളൂ.
2017 മാര്‍ച്ച് മാസത്തോടെ മൊയ്തീനും കാഞ്ചനമാലയും മുക്കത്തെ മണ്ണും ഇരുവഴിഞ്ഞിപ്പുഴയും വീണ്ടും പ്രേക്ഷരെത്തേടി തീയറ്ററുകളില്‍ എത്തുമെന്നാണ് പ്രതീക്ഷിക്കുന്നത്

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha