മകന്‍ സിനിയയിലേക്കില്ലെങ്കില്‍ മകളെ അഭിനയ രംഗത്തേക്ക് താരം ഇറക്കുന്നുവെന്നാണ് സിനിമാ ലോകത്തെ വാര്‍ത്തകള്‍. എല്ലാവര്‍ക്കും താരസിഹാസനം ഉറപ്പിക്കേണ്ടേ. കാലം മാറുമ്പോള്‍ രാഷ്ട്രീയത്തിലും സിനിമയിലും മക്കള്‍ വാഴുന്നതല്ലേ ഇന്നത്തെക്കാലത്ത് കാണുന്നത്.
ഇത്തവണ മലയാളത്തിന്റെ സൂപ്പര്‍സ്റ്റാര്‍ മോഹന്‍ലാല്‍ ദുബായിലെ ഷാര്‍ജ ക്രിക്കറ്റ് സ്‌റ്റേഡിയത്തില്‍ നടത്തുന്ന സ്‌റ്റേജ് ഷോയില്‍ കഴിഞ്ഞകാലത്തെ മലയാള സിനിമയിലെ ഒരുപറ്റം നായികമാരാണ് അണിനിരക്കുന്നത്.
വിസ്മയം 2016 എന്ന പേരിലുള്ള ഷോയില്‍ 80 കളിലേയും 90 കളിലേയും താരറാണിമാര്‍ നിറഞ്ഞാടും. പൂര്‍ണിമ ഭാഗ്യരാജ്, അംബിക, രേഖ, മീന, സുകന്യ ഉള്‍പ്പെടെയുള്ള നടിമാര്‍ പരിപാടിയുടെ ഭാഗമാകും.
താരപുത്രിമാരായ മലയാളത്തിലെ കീര്‍ത്തി മേനകയും തമിഴകത്ത് ശ്രുതി ഹാസനും ബോളിവുഡില്‍ സൊനാക്ഷി സിന്‍ഹയും തങ്ങളുടേതായ ഇടം സിനിമയില്‍ കണ്ടെത്തിയവരാണ്. ഇവര്‍ക്കൊപ്പം വിസ്മയയുടെ പേരും വൈകാതെ വരുമെന്ന പ്രതീക്ഷയും സൈബര്‍ ലോകത്ത് ചിലര്‍ പങ്കുവെക്കുന്നു.
എന്നിരുന്നാലും വിസ്മയം 2016 ഏറെ പ്രതീക്ഷയോടെയാണ് യു.എ.ഇ മലയാളികള്‍ കാത്തിരിക്കുന്നത്. വിനീത്, സുരാജ് വെഞ്ഞാറമ്മൂട്, കാവ്യാ മാധവന്‍, ആശാ ശരത്, പ്രിയാ മണി, രചന നാരായണന്‍ കുട്ടി തുടങ്ങിയവരും പരിപാടിയുടെ ഭാഗമാകും.
ഏപ്രില്‍ 8 നാണ് പരിപാടി. ഗായകരായ എം.ജി ശ്രീകുമാര്‍, മധു ബാലകൃഷ്ണന്‍, സിതാര, നജീം അര്‍ഷാദ്, സയനോര തുടങ്ങിയവരും മിമിക്രി താരങ്ങളായ കോട്ടയം നസീര്‍, ജയരാജ് വാര്യര്‍, നോബി തുടങ്ങിയവരും പങ്കെടുക്കും.
എന്നാല്‍ പരിപാടിക്കായി മോഹന്‍ലാല്‍ തിരഞ്ഞെടുത്ത പേരാണ് ഇപ്പോള്‍ സോഷ്യല്‍ മീഡിയയില്‍ വലിയ ചര്‍ച്ചയായത്. വിസ്മയം 2016 എന്ന പേര് മകള്‍ വിസ്മയയെ സിനിമയിലേക്ക് കൊണ്ടുവരുന്നതിന്റെ മുന്നോടിയായാണ് എന്നാണ് സംസാരം.
ദുല്‍ഖര്‍ സല്‍മാനും പൃഥ്വിരാജും വിനീത് ശ്രീനിവാസനും ഉള്‍പ്പെടെ മലയാള സിനിമ താരപുത്രന്‍മാര്‍ കയ്യടക്കുമ്പോള്‍ താരപുത്രിയായ വിസ്മയയുടെ വരവും ഉടന്‍ ഉണ്ടാകുമോ എന്നാണ് ആരാധകരുടെ ചോദ്യം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha