മാധ്യമപ്രവര്‍ത്തക സിന്ധു സൂര്യകുമാറിനെതിരേ നടത്തിയ പരാമര്‍ശത്തില്‍ ദുഖമില്ലെന്ന് സംവിധായകന്‍ മേജര്‍ രവി.നിലപാടില്‍ ഉറച്ച് നില്‍ക്കുന്നതായും തരിമ്പും ഖേദമില്ലെന്ന് മേജര്‍ രവി പറഞ്ഞു. ദൈവത്തെ നിന്ദിച്ചാല്‍ ഏത് മാധ്യമപ്രവര്‍ത്തകയാണെങ്കിലും ഇനിയും തുപ്പുക തന്നെ ചെയ്യുമെന്ന് അദ്ദേഹം പറഞ്ഞു. ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലാണ് രവി നിലപാട് വ്യക്തമാക്കിയത്.

ഹിന്ദു ദൈവമെന്നോ, ക്രിസ്ത്യന്‍, മുസ്ലിം ദൈവമെന്നോ ഇല്ലെന്നും ഇത്തരം പ്രസ്താവന നടത്തിയാല്‍ അത് പുരുഷനായാലും സ്ത്രീയായാലും താന്‍ ഇപ്പോഴും അങ്ങനെ തന്നെ ചെയ്യുമെന്നും അദ്ദേഹം കൂട്ടിച്ചേര്‍ത്തു. ദൈവത്തിനെതിരേ ലൈംഗികത്തൊഴിലാളി എന്ന രീതിയിലുള്ള പരാമര്‍ശം നടത്തുന്നതിന് മുമ്പായി താന്‍ എന്തിനാണ് മറ്റുള്ളവരെ വേദനിപ്പിക്കുന്നതെന്ന് അവര്‍ ചിന്തിക്കണമായിരുന്നു.

ഇക്കാര്യത്തില്‍ ആരെങ്കിലും പ്രതികരിച്ചില്ലെങ്കില്‍ നാളെ മുതല്‍ വാര്‍ത്താചര്‍ച്ചകളില്‍ ഇത്തരം കമന്റുകള്‍ കൂടും. ദൈവത്തിന്റെ കാര്യം ചര്‍ച്ച ചെയ്യേണ്ട കാര്യം ഒരു മാധ്യമപ്രവര്‍ത്തകയ്ക്കുമില്ല. വാര്‍ത്തകള്‍ അവതരിപ്പിക്കുമ്പോള്‍ ഇനിയെങ്കിലും ശ്രദ്ധിക്കണമെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha