തന്റെ പുതിയ ചിത്രത്തിലെ നായകനായി പൃഥ്വിരാജിനെ ഉറപ്പിച്ചു കഴിഞ്ഞതായി സംവിധായകന്‍ കമല്‍ പറയുന്നു. മാധവികുട്ടിയുടെ ജീവിതത്തെ ആസ്പദമാക്കി കമല്‍ സംവിധാനം ചെയ്യുന്ന പുതിയ ചിത്രത്തില്‍ പൃഥ്വിരാജ് കേന്ദ്ര കഥാപാത്രത്തെ അവതരിപ്പിക്കുമെന്ന് വാര്‍ത്തകള്‍ വന്നിരുന്നു. പക്ഷേ ചിത്രത്തില്‍ പൃഥ്വിരാജ് അഭിനയിക്കുമോ എന്ന കാര്യത്തില്‍ ഉറപ്പുണ്ടായിരുന്നില്ല. എന്നാല്‍ ചിത്രത്തില്‍ നായകനാക്കാന്‍ പൃഥ്വിരാജിനെ ഉറപ്പിച്ചതായി കമല്‍ പറഞ്ഞു.മാധവികുട്ടിയുടെ ജീവിതത്തിലെ ഒരു പ്രധാനപ്പെട്ട വ്യക്തിയുടെ വേഷമാണ് പൃഥ്വിരാജ് അവതരിപ്പിക്കുകയെന്നും കമല്‍ പറയുന്നു.

മനോരമ ഓണ്‍ലൈന് നല്‍കിയ അഭിമുഖത്തിലാണ് കമല്‍ ഇക്കാര്യം പറയുന്നത്. ഇപ്പോള്‍ പൃഥ്വിരാജ് പുതിയ ചിത്രത്തിന്റെ തിരക്കിലാണ്. ശേഷം ചിത്രത്തെ കുറിച്ച് കൂടുതല്‍ സംസാരിക്കുവാനുണ്ടെന്നും കമല്‍ പറയുന്നു. ഫിക്ഷണലായിട്ടുള്ള കഥാപാത്രമാണ് ചിത്രത്തില്‍ പൃഥ്വിരാജിനുള്ളതെന്ന് കമല്‍ പറയുന്നു.മാധവികുട്ടിയുടെ വേഷം അവതരിപ്പിക്കുന്നത് വിദ്യാ ബാലനാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha