ഈ വര്‍ഷം പ്രേക്ഷകരെ പൊട്ടി ചിരിപ്പിക്കാന്‍ ഏറെ പ്രതീക്ഷയോടെ കാത്തിരിക്കുന്ന കിംഗ് ലയറിന്റെ ട്രെയിലര്‍ പുറത്തിറങ്ങി. 22 വര്‍ഷങ്ങള്‍ക്ക് ശേഷം സിദ്ദിഖ്‌ലാല്‍ ടീം വീണ്ടും ഒന്നിക്കുന്ന ചിത്രം കൂടിയാണ്. സിദ്ദിഖ് ലാല്‍ കൂട്ടുകെട്ടില്‍ നിന്നുള്ള പതിവ് ചേരുവകളില്‍ നിന്ന് വ്യത്യസ്തമായിരിക്കും കിങ് ലയര്‍. ഫാഷന്‍ ലോകത്തിന്റെ പശ്ചാത്തലത്തിലാണ് സിനിമയുടെ കഥ പറയുന്നത്. മലയാള സിനിമയില്‍ പുതുമയുള്ള മറ്റൊരു പ്രണയകഥ കൂടി ചിത്രത്തിലൂടെ കാണാം.
ജീവിതം മൊത്തം നുണയില്‍ പൊതിഞ്ഞ് നടക്കുന്ന നരേന്‍ എന്ന കഥാപാത്രത്തെ ചുറ്റിപ്പറ്റിയാണ് സിനിമ. അഞ്ജലി എന്ന കഥാപാത്രമായി പ്രേമം സിനിമയിലൂടെ തിളങ്ങിയ മഡോണ എത്തുന്നു. ദിലീപും-മഡോണയും ഒന്നിക്കുന്ന ആദ്യ ചിത്രം എന്ന പ്രത്യേകത കൂടിയുണ്ട് ഈ ചിത്രത്തിന്. മഡോണയുടെ രണ്ടാമത്തെ മലയാള ചിത്രമാണ് കിംഗ് ലയര്‍.
സിദ്ദിഖ് തിരക്കഥയെഴുതി ലാല്‍ സംവിധാനം ചെയ്യുന്ന ചിത്രത്തില്‍ ബാലു വര്‍ഗീസ്, ആശ ശരത്ത്, ജോയ് മാത്യു തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. ദുബായ് ആണ് സിനിമയുടെ പ്രധാന ലൊക്കേഷന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha