പാര്‍ക്കിങിനെ ചൊല്ലിയുണ്ടായ തര്‍ക്കത്തിനൊടുവില്‍ തല്ലുകിട്ടിയെന്ന വാര്‍ത്ത നിഷേധിച്ച് നടന്‍ ബാല. സംഭവ സ്ഥലത്ത് താന്‍ ഉണ്ടായിരുന്നെന്നും, എന്നാല്‍ മറ്റ് രണ്ടുപേര്‍ തര്‍ക്കത്തില്‍ ഏര്‍പ്പെടുന്നത് നോക്കിനില്‍ക്കുകയാണ് ചെയ്തതെന്നും ബാല പ്രമുഖ മാധ്യമത്തിന് നല്‍കിയ അഭിമുഖത്തില്‍ വ്യക്തമാക്കി. മര്‍ദനമേറ്റ് ബാലയുടെ മുന്‍നിരയിലെ പല്ല് പോയെന്നും റിപ്പോര്‍ട്ടുകളുണ്ടായിരുന്നു. ബാലക്ക് തര്‍ക്കത്തിനിടയില്‍ തല്ല് കിട്ടിയെന്ന വാര്‍ത്തകള്‍ പ്രചരിക്കുന്നതിനിടെയാണ് ബാല പ്രതികരണവുമായി രംഗത്തെത്തിയിരിക്കുന്നത്.
ഓര്‍മ ശരിയാണെങ്കില്‍ 20 ദിവസം മുമ്പ് എറണാകുളത്താണ് സംഭവമെന്ന് ബാല പറയുന്നു. കാര്‍ പാര്‍ക്ക് ചെയ്യാന്‍ പോകുന്നതിന് ഇടയില്‍ രണ്ടുപേര്‍ തര്‍ക്കത്തില്‍ ഏര്‍പ്പെടുന്നത് കണ്ടിരുന്നു. കുറച്ചുനേരം താനത് നോക്കിനിന്നശേഷം പോവുകയും ചെയ്തു. ആള്‍ക്കുട്ടത്തിന് ഇടയില്‍ താന്‍ പെട്ടെന്ന് ശ്രദ്ധിക്കപ്പെട്ടിരുന്നതിനാല്‍ താന്‍ കാരണമാണ് അങ്ങനെയൊരു തര്‍ക്കം ഉണ്ടായതെന്ന് ആരെങ്കിലും തെറ്റിദ്ധരിച്ചുകാണുമെന്നും ബാല പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha