സിനിമ താരങ്ങള്‍ തെരഞ്ഞെടുപ്പില്‍ മത്സരിക്കുന്നതാണ് ഇപ്പോള്‍ ഏറെ ചര്‍ച്ചാ വിഷയമായിരിക്കുന്നത്. താരങ്ങള്‍ തെരഞ്ഞെടുപ്പില്‍ മത്സരിക്കണമെന്നും വേണ്ടെന്നും വാദങ്ങള്‍ ഉയരുമ്പോള്‍ ഇക്കാര്യത്തില്‍ വ്യക്തമായ കാഴ്ച്ചപ്പാടാണ് ബാബു ആന്റണിക്കുള്ളത്. നായകനായും വില്ലനായും ആരാധകരുടെ മനസ്സില്‍ താരമായി മാറിയ ബാബു ആന്റണി സിനിമ താരങ്ങള്‍ സ്ഥാനാര്‍ത്ഥിയാകുന്നതിന് നല്ലതാണെന്ന് പറയുന്നു.സിനിമതാരങ്ങളായി എന്നത് തെരഞ്ഞെടുപ്പില്‍ സ്ഥാനാര്‍ത്ഥിയാകുന്നതിന് ഒരു വിലക്കല്ലെന്നാണ് ബാബു ആന്റണിയുടെ പക്ഷം. തന്റെ സുഹൃത്തുക്കള്‍ പലരും മത്സരിക്കുന്നുണ്ടെങ്കിലും ആര്‍ക്കുവേണ്ടിയും വോട്ട് തേടുവാന്‍ ഇറങ്ങില്ലെന്നും ബാബു ആന്റണി വ്യക്തമാക്കുന്നു. ഒരു ദൃശ്യ മാധ്യമത്തോട് സംസാരിക്കുകയായിരുന്നു അദ്ദേഹം.ഇത്തവണത്തെ തെരഞ്ഞെടുപ്പ് താരപോരാട്ടങ്ങള്‍ക്ക് വഴിയൊരുക്കുമെന്നാണ് കരുതുന്നത്. പത്തനാപുരത്താണ് പ്രധാനമായും താരപോരാട്ടം നടക്കുക. എല്‍.ഡി.എഫിനു വേണ്ടി ഗണേഷ് കുമാറും യു.ഡി.എഫിന് വേണ്ടി ജഗദീഷും ബി.ജെ.പിക്കുവേണ്ടി ഭീമന്‍ രഘുവും മത്സരിക്കാനിറങ്ങും. ആലപ്പുഴയില്‍ സിദ്ദിക്കും മത്സരത്തിനുണ്ടാകും.ഭരതന്‍ കണ്ടെത്തിയ അഭിനേതാവാണ് ബാബു ആന്റണി. ഭരതന്‍ സംവിധാനം ചെയ്ത ചിലമ്പ് എന്ന ചിത്രത്തിലൂടെയാണ് ബാബു ആന്റണിയുടെ അരങ്ങേറ്റം. പിന്നീട് മലയാളത്തില്‍ ആക്ഷന്‍ ഹീറോയായി തിളങ്ങിയ ബാബു ആന്റണി തൊണ്ണൂറുകളില്‍ നിരവധി ഹിറ്റ് സിനിമകളുടെ ഭാഗമായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha