സൗബിന്‍ ഷാഹിര്‍ ആദ്യമായി സംവിധാനം ചെയ്യുന്ന സിനിമയിലേക്ക് അഭിനേതാക്കളെ തേടുന്നു. 13നും 26നുമിടയില്‍ പ്രായമുള്ള ആണ്‍കുട്ടികളെയും പെണ്‍കുട്ടികളെയുമാണ് തേടുന്നത്. താല്‍പര്യമുള്ളവര്‍ ഫോട്ടോസും വീഡിയോസും paravamovie@gmal.com എന്ന വിലാസത്തിലേക്ക് അയയ്ക്കണം. 8137053069 എന്ന നമ്പരില്‍ ബന്ധപ്പെടാം. കൊച്ചിയിലും പരിസരത്തുമുള്ളവര്‍ക്ക് തെരഞ്ഞെടുപ്പില്‍ മുന്‍ഗണനയുണ്ടായിരിക്കുമെന്ന് അണിയറക്കാര്‍ അറിയിച്ചു. ഒരു വീഡിയോയിലൂടെയാണ് പുതുമയാര്‍ന്ന രീതിയില്‍ സൗബിന്‍ പുതുമുഖങ്ങളെ തേടിയിരിക്കുന്നത്.
ദീര്‍ഘകാലം സഹസംവിധായകനായി പ്രവര്‍ത്തിച്ച് പിന്നീട് നടന്‍ എന്ന നിലയിലും തിളങ്ങിയ സൗബിന്‍ ആദ്യമായി സംവിധാനം ചെയ്യുന്ന സിനിമയുടെ പേര് 'പറവ' എന്നാണ്. അന്‍വര്‍ റഷീദ് എന്റര്‍ടെയ്ന്‍മെന്റിന്റെ ബാനറില്‍ അന്‍വര്‍ റഷീദും ദി മൂവി ക്ലബ്ബിന്റെ ബാനറില്‍ ഷൈജു ഉണ്ണിയും ചേര്‍ന്നാണ് നിര്‍മ്മാണം. പുതുമുഖങ്ങളാവും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുക. സൗബിനൊപ്പം മുനീര്‍ അലി, നിസാം ബഷീര്‍ എന്നിവര്‍ ചേര്‍ന്നാണ് തിരക്കഥ തയ്യാറാക്കുന്നത്. പരസ്യ സംവിധായകനും സിനിമാറ്റോഗ്രാഫറുമായ ലിറ്റില്‍ സ്വയാമ്പ് പോള്‍ ആള്‍ ഛായാഗ്രഹണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha