മലയാളത്തിന്റെ പ്രിയതാരമാണ് മഞ്ജു വാര്യര്‍. മോഡേണ്‍ വേഷവും നാടന്‍ വേഷവും ഒരുപോലെ ചേരുന്ന മഞ്ജുവിനെ എന്നും മലയാളികള്‍ക്ക് ഇഷ്ടമാണ്.മേക്കപ്പിന്റെ അതിഭാവുകത്വങ്ങള്‍ ഒന്നുമില്ലാതെ നാട്ടുമ്പുറത്തെ സുന്ദരിയായി മഞ്ജു പ്രത്യക്ഷപ്പെട്ട സല്ലാപവും ആറാം തമ്പുരാനും തൂവല്‍ക്കൊട്ടാരവുമെല്ലാം ഇന്നും മലയാളികളുടെ മനസിലുണ്ട്.തിരിച്ചു വന്നതോടെ നാടന്‍ കഥാപാത്രങ്ങള്‍ക്കൊപ്പം മോഡേണ്‍ സുന്ദരിയായും മഞ്ജു പ്രത്യക്ഷപ്പെട്ടു. ഇപ്പോഴത്തെ വിശേഷം മറ്റൊന്നുമല്ല സെറ്റുമുണ്ടുടുത്ത് കണ്ണെഴുതി പൊട്ടുംതൊട്ട് മലയാളിയുടെ നാടന്‍ സുന്ദരിയായി മഞ്ജു വീണ്ടും വന്നിരിക്കുകയാണ്.കല്ല്യാണിന്റെ വിഷു ആഘോഷത്തിനു വേണ്ടിയാണ് മഞ്ജു നല്ല നാടന്‍ സുന്ദരിയായി തിളങ്ങിയത്. കല്ല്യാണ്‍ ദുബായില്‍ സംഘടിപ്പിച്ച വിഷു ആഘോഷത്തിന്റെ ചിത്രങ്ങള്‍ പങ്കുവച്ച മഞ്ജു ഒപ്പം വൈലോപ്പിള്ളിയുടെ കവിതയില്‍ നിന്നും നാലുവരിയും പോസ്റ്റ് ചെയ്തു.
ഏതു ധൂസര സങ്കല്‍പ്പങ്ങളില്‍ വളര്‍ന്നാലും
ഏതു യന്ത്രവല്‍കൃത ലോകത്തില്‍ പുലര്‍ന്നാലും
മനസ്സിലുണ്ടാകട്ടെ ഗ്രാമത്തിന്‍ വെളിച്ചവും
മണവും മമതയും ഇത്തിരി കൊന്നപ്പൂവും!
കടുത്ത കാപ്പിപ്പൊടി കരയുള്ള സെറ്റുമുണ്ടിനൊപ്പം പരമ്പരാഗത ശൈലിയിലുള്ള ജിമുക്കിയും മാലയും കറുത്ത പൊട്ടും ചന്ദനക്കുറിയുമണിഞ്ഞാണ് മഞ്ജു എത്തിയത്. മഞ്ജുവിനെ കണ്ടതോടെ ആരാധകരുടെ തിങ്ങികൂടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha