മലയാളസിനിമയക്ക് ഒരു പുതിയതുടക്കം കുറിച്ച് കൊണ്ടാണ് ലീലയെന്ന ചിത്രം പുറത്തിറങ്ങിയത്. നിരവധി പ്രശ്‌നങ്ങളെ തരണം ചെയ്താണ് ലീല പ്രദര്‍ശനത്തിയെത് തന്നെ. ചിത്രത്തിന് മികച്ച പ്രികരണം ലഭിച്ച് വരുന്ന സാഹചര്യത്തിലാണ് ചിത്രത്തിന്റെ വ്യാജ വീഡിയോയും പുറത്തെറങ്ങിയത്. ചിത്രത്തെ തകര്‍ക്കാന്‍ ശ്രമിമിക്കുന്നവരാണ് ഇതിന് പിന്നിലെന്നും സംവീധായകനും നിര്‍മ്മാതാവുമായ രഞ്ജിത് കുറ്റപ്പെടുത്തി.
ലീലയുടെ വ്യാജപ്രിന്റ് ഇറക്കിയതിന് പിന്നിലും സിനിമയെ തകര്‍ക്കാന്‍ ശ്രമിക്കുന്ന കറുത്ത കൈകളാണെന്നും അതിന് പിന്നില്‍ ആരൊക്കെയാണെന്ന് തനിക്കറിയാമെന്നും സംവിധായകന്‍ രഞ്ജിത് പറയുന്നു. ലീല തിയറ്ററുകളിലെത്തി ഒരാഴ്ച പിന്നിടുന്നതിന് മുന്‍പേ ചിത്രത്തിന്റെ വ്യാജപ്രിന്റ് ഇന്റര്‍നെറ്റിലൂടെ പുറത്തുവന്നിരുന്നു. ഇതിനെതിരെ സൈബര്‍സെല്ലില്‍ പരാതി നല്‍കിയെന്നും ശക്തമായ നിയമനടപടികളുമായി മുന്നോട്ട് പോകുമെന്നും രഞ്ജിത് പറയുന്നു.
'കേരളത്തിലും ഇന്ത്യയ്ക്ക് പുറത്തും ജീവിക്കുന്ന വലിയ പ്രവാസി സമൂഹത്തിന് മുന്നിലും ഈ സിനിമ റിലീസ് ചെയ്യാന്‍ സാധിച്ചതിന്റെ സന്തോഷത്തിലായിരുന്നു ഞാനും എന്റെ സഹപ്രവര്‍ത്തകരും. എന്നാല്‍ ഇന്നലെ രാത്രിയാണ് ഈ ആഹ്ലാദത്തെ മുറിവേല്‍പ്പിക്കുന്ന രീതിയില്‍ ചിലരുടെ ശ്രമമുണ്ടായത്.
ഏതെല്ലാമോ മാര്‍ഗങ്ങള്‍ ഉപയോഗിച്ച് അവര്‍ ഇന്റര്‍നെറ്റില്‍ അപ്‌ലോഡ് ചെയ്തു. ഈ പൈറസി മലയാളസിനിമ എന്നും നേരിടുന്നതാണ്. ഈ അവസരത്തില്‍ പ്രത്യേകിച്ചും. സിനിമ ദേശം കടന്ന് കടലും കടന്ന് മറ്റ് ഭൂഖണ്ഡങ്ങളിലെ പ്രേക്ഷകരിലെത്തുന്ന സമയത്ത് അത് തകര്‍ക്കാന്‍ ശ്രമിക്കുന്ന കറുത്ത കൈകള്‍ ആരൊക്കെയാണെന്ന് വളരെ വ്യക്തമായി മനസ്സിലാക്കാന്‍ കഴിയും. അവര്‍ക്കെതിരെ നിയമനടപടി ഉണ്ടാകും.
ആഭ്യന്തരമന്ത്രി രമേശ് ചെന്നിത്തലയും തന്നോട് നേരിട്ട് ഇക്കാര്യം പറഞ്ഞു. നിമയത്തിന്റെ വഴിയില്‍ അവര്‍ അര്‍ഹിക്കുന്ന ശിക്ഷ ലഭിക്കും. ദയവ് ചെയ്ത് ഈ ശ്രമത്തിന് ഒപ്പം നിങ്ങള്‍ ചേരാന്‍ പാടില്ല. സിനിമയെ സ്‌നേഹിക്കുന്നവര്‍ അതിന് മുതിരരുത്. ലോകത്തിന്റെ വലിയൊരു വാതിലാണ് ഇതിലൂടെ തുറന്നിരിക്കുന്നത്. അത് അടച്ചുകളയാനാണ് ഇത്തരം ശക്തികള്‍ ശ്രമിക്കുന്നത്. മറ്റ് മാര്‍ഗങ്ങളിലൂടെ ഇതിനെ തകര്‍ക്കാന്‍ ശ്രമിക്കുന്ന ശക്തികളോട് ഒന്നും പറയാനില്ല. ഏറെ തടസങ്ങളും യുദ്ധങ്ങളും കടന്നാണ് ഈ സിനിമ പ്രേക്ഷകന് മുന്നില്‍ എത്തിച്ചത്. നിങ്ങള്‍ എല്ലാവരും തിയറ്ററിലും ഓണ്‍ലൈനിലൂടെയും സിനിമകാണുക. വിലയിരുത്തുക. നല്ല സിനിമാശ്രമങ്ങള്‍ക്കൊപ്പം പ്രേക്ഷകര്‍ നില്‍ക്കുക. രഞ്ജിത് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha