ഒക്ടോബര്‍ 7-ന് പുലിമുരുകന്‍ എന്ന ബ്രഹ്മാണ്ഡ ചിത്രത്തിനൊപ്പമാണ് മമ്മൂട്ടിയുടെ തോപ്പില്‍ ജോപ്പനും റിലീസായത്. നിര്‍മ്മാണച്ചെലവുകൊണ്ട് പുലിമുരുകന്റെ അടുത്ത് പോലും എത്തില്ല എങ്കിലും, തോപ്പില്‍ ജോപ്പനിലും പ്രേക്ഷകര്‍ക്ക് വലിയ പ്രതീക്ഷയുണ്ടായിരുന്നു. ആ പ്രതീക്ഷ നിലനിര്‍ത്തുന്ന തരത്തിലാണ് ബോക്‌സോഫീസ് റിപ്പോര്‍ട്ടുകളും വന്നത്.

എന്നാല്‍ ആ കേട്ട കഥകളൊക്കെ ഇല്ലാക്കഥയായിരുന്നു എന്നാണ് ഇപ്പോള്‍ വരുന്ന റിപ്പോര്‍ട്ടുകള്‍. തോപ്പില്‍ ജോപ്പന്‍ എന്ന ചിത്രം വമ്പന്‍ പരാജയമാണ് എന്ന് ചില പ്രമുഖ ഓണ്‍ലൈന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. പുലിമുരുകനോട് മത്സരിച്ച തോപ്പില്‍ ജോപ്പന്‍ മോശമല്ലാത്ത കലക്ഷന്‍ നേടി എന്നായിരുന്നു റിപ്പോര്‍ട്ടുകള്‍. 25 കോടിയ്ക്ക് മുകളില്‍ ജോപ്പന്‍ കലക്ഷന്‍ നേടി എന്നാണ് ഒടുവില്‍ വന്ന വാര്‍ത്ത.

എന്നാല്‍ ചിത്രം ചിത്രം നിര്‍മാതാവിന് രണ്ട് കോടിയുടെ നഷ്ടം ഉണ്ടാക്കി എന്നാണ് പുതിയ വാര്‍ത്ത. ഗ്രാന്റ് ഫിലിം കോര്‍പറേഷന്റെ ബാനറില്‍ നൗഷാദ് ആലത്തൂറാണ് ചിത്രം നിര്‍മിച്ചത്. ചിത്രത്തിന് പിന്നില്‍ പ്രവൃത്തിച്ച പല സാങ്കേതിക പ്രവര്‍ത്തകര്‍ക്കും പ്രതിഫലം കിട്ടിയില്ല എന്ന റിപ്പോര്‍ട്ടുകളുമുണ്ട്.നിര്‍മാതാവിനെ ഫോണില്‍ വിളിച്ചിട്ട് കിട്ടുന്നില്ല എന്ന പരാതിയുമായി പലരും രംഗത്ത് എത്തി എന്നാണ് കേള്‍ക്കുന്നത്. ജോണി ആന്റണിയും മമ്മൂട്ടിയും ഒന്നിയ്ക്കുന്ന നാലാമത്തെ ചിത്രമാണ് തോപ്പില്‍ ജോപ്പന്‍. നൗഷാദ് കോയ തിരക്കഥ എഴുതിയ ചിത്രത്തില്‍ മമ്മൂട്ടിയുടെ എന്റര്‍ടൈന്‍മെന്റ് പ്രകടനം തന്നെയായിരുന്നു ആകര്‍ഷണം.