മലയാള സിനിമയിലെ താരദമ്പതികളായ ദിലീപും കാവ്യ മാധവനും കേരള അന്താരാഷ്ട്ര ചലച്ചിത്രമേളയ്ക്ക് എത്തുന്നു. ചലച്ചിത്ര രംഗത്ത് 50 വര്‍ഷം പൂര്‍ത്തിയാക്കിയ അടൂര്‍ ഗോപാലകൃഷ്ണനെ ആദരിക്കുന്ന ചടങ്ങില്‍ ദിലീപും കാവ്യയും പങ്കെടുക്കും.

ഇന്ന് വൈകിട്ട് 6.30ന് ശ്രീ തീയറ്ററിലാണ് ചടങ്ങ്. ചടങ്ങിന് ശേഷം ദിലീപും കാവ്യയും അഭിനയിച്ച അടൂര്‍ ചിത്രം പിന്നെയും പ്രദര്‍ശിപ്പിക്കും. വിവാഹത്തിന് ശേഷം ദിലീപും കാവ്യയും പങ്കെടുക്കുന്ന ആദ്യ പൊതുപരിപാടിയാണ് അന്താരാഷ്ട്ര ചലച്ചിത്രമേള.

അടൂരിന്റെ ചലച്ചിത്ര ജീവിതത്തെ വിലയിരുത്തുന്ന പ്രത്യേക പരിപാടി ഇന്ന് രാവിലെ 11.30ന് അപ്പോളോ ഡിമോറയില്‍ നടക്കും. ചലച്ചിത്ര നിരൂപകരായ എം.കെ രാഘവേന്ദ്ര, യുമ, ദാകന്‍ഹം സെമ്പല്‍ ചാറ്റര്‍ജി, മെഹല്ലി, മീന ടി. പിള്ള തുടങ്ങിയവര്‍ പങ്കെടുക്കും