തമിഴകത്തിന്റെ സ്‌റ്റൈല്‍ മന്നന്‍ രജനീകാന്തിന്റെ കബാലി കേരളത്തിലും സൂപ്പര്‍ഹിറ്റായിരുന്നു. നാലരക്കോടിയാണ് ചിത്രത്തിന്റെ കേരളത്തിലെ കളക്ഷന്‍.

ചെന്നായക്കൂട്ടത്തില്‍ വളര്‍ന്ന മൗഗ്ലിയുടെ കഥ വായിക്കാത്തവരായി ആരുമുണ്ടാവില്ല. മൗഗ്ലിയുടെ ത്രീഡി സിനമ പുറത്തിറങ്ങിയത് 2016 ഏപ്രിലില്‍. വെക്കേഷന്‍ സമയത്ത് ഇറങ്ങിയതിനാല്‍ത്തന്നെ ചിത്രം കുട്ടികളെ കാണിക്കുന്നതിനായി കുടുംബംഗങ്ങള്‍ക്ക് കഴിഞ്ഞു. 3.8 കോടിയാണ് ചിത്രം നേടിയത്.

ബോളിവുഡിന്റെ സ്വന്തം നായകനായ സല്‍മാന്‍ ഖാന്റെ സുല്‍ത്താന് മികച്ച പ്രതികരണമാണ് കേരളത്തില്‍ നിന്നും ലഭിച്ചത്. പെരുന്നാളിനായിരുന്നു ചിത്രം റിലീസ് ചെയ്തത്. അതേ സമയത്തിറങ്ങിയ മലയാള ചിത്രങ്ങള്‍ക്ക് വെല്ലുവിളി ഉയര്‍ത്താന്‍ ഈ ഹിന്ദി ചിത്രത്തിന് കഴിഞ്ഞിരുന്നു.

ഇളയദളപതി ചിത്രങ്ങള്‍ റിലീസ് ചെയ്യാനായി കാത്തിരിക്കുന്ന കോടിക്കണക്കിന് പ്രേക്ഷകര്‍ കേരളത്തിലുണ്ട്. വിജയ് നായകനായി പുറത്തിറങ്ങുന്ന ചിത്രങ്ങള്‍ കേരളത്തിലും വിജയിക്കാറുണ്ട്. പതിവുപോലെ തന്നെ ഇതും. 15 കോടിയാണ് ചിത്രം നേടിയത്.

റൊമാന്റിക് ഹീറോയായ സൂര്യയുടെ 24 ന് മികച്ച പ്രതികരണമാണ് മലയാളി പ്രേക്ഷകരില്‍ നിന്നും ലഭിച്ചത്. മുന്‍ ചിത്രങ്ങളെക്കാള്‍ മികച്ച കളക്ഷനാണ് ചിത്രം നേടിയത്

വിക്രമിനോട് മലയാളിക്കെപ്പോഴും ഒരു പ്രത്യേക ഇഷ്ടമുണ്ട്. താരത്തിന്റെ കഴിവ് വേണ്ടത്ര ഉപയോഗിക്കാന്‍ മലയാള സംവിധായകര്‍ക്ക് ഇതുവരെയും കഴിഞ്ഞിട്ടുമില്ല. കേരളത്തിലെ 100 തിയേറ്ററുകളിലാണ് ഇരുമുഖന്‍ റിലീസ് ചെയ്തത്. മോഹന്‍ലാലിന്റെ ഒപ്പത്തിനോട് ഒപ്പം നില്‍ക്കാന്‍ ഈ ചിത്രത്തിന് സാധിച്ചു. 9 കോടിയാണ് ചിത്രത്തിന്റെ കളക്ഷന്‍.

ഇന്ത്യന്‍ ക്രിക്കറ്റ് ടീം ക്യാപ്റ്റനായ ധോണിയുടെ ജീവിതം വരച്ചുകാട്ടിയ ഹിന്ദി ചിത്രമായ എംഎസ് ധോണി ദി അണ്‍ടോള്‍ഡ് സ്‌റ്റോറിയെയും കേരളക്കര ഏറ്റെടുത്തിരുന്നു.