പ്രേമത്തിലെ മേരിയുടെ മുടി മറന്നോ. തേനിച്ച കൂടുപോലെയുള്ള ചുരുണ്ടമുടി ഒരു വശത്തേയ്ക്ക് ഇട്ട് ചിരിക്കുന്ന മേരിയെ മറക്കാന്‍ പെട്ടന്നൊന്നും ആര്‍ക്കും പറ്റില്ല. പ്രേമത്തിനു ശേഷം മേരി മലയാളത്തില്‍ നിന്ന് അല്‍പ്പം മാറി തമിഴിലും തെലുങ്കിലും സജീവമായി. എന്നാല്‍ ഇപ്പോള്‍ അനുപമയുടെ ആ പഴയ മനോഹരമായ ചുരുണ്ട മുടി കാണാനില്ലെന്നാണ് ആരാധകര്‍ പറയുന്നത്. 
പ്രേമത്തിന്റെ ഓഡിഷന്‍ സമയത്ത് അല്‍ഫോന്‍സ് പുത്രന്‍ തന്റെ മുടിയൊന്നു അഴിച്ചിടുമോ എന്നു ചോദിച്ചു. അഴിച്ചിട്ട അനുപമയുടെ മുടി കണ്ട് അല്‍ഫോണ്‍സ് തലയില്‍ കൈവച്ചുപോയത്രെ. സ്‌ട്രെയിറ്റ് ചെയ്യാനും അയണ്‍ ചെയ്യാനുമൊക്കെ നോക്കി എങ്കിലും ഇതാണു മേരിക്കു പറ്റിയ മുടി എന്ന് അല്‍ഫോണ്‍സ് പറയുകയായിരുന്നു. എന്തായാലും മേരിയുടെ മുടിക്ക് ഇത് എന്തുപറ്റി എന്ന ചിന്തയിലാണ് ആരാധകര്‍.
താന്‍ ഈ ചുരുണ്ട മുടി ഏറെ ഇഷ്ടപ്പെടുന്നുണ്ടെന്നും അതുകൊണ്ടു തന്നെ ഈ മുടിയില്‍ സ്ഥിരമായി ഒരു മാറ്റവും വരുത്താന്‍ ഉദ്ദേശിക്കുന്നില്ലെന്നും ഇവര്‍ പറഞ്ഞിരുന്നു. എന്നിട്ടു പിന്നെ ഇത് എന്തുപറ്റി എന്നാണ് ആരാധകര്‍ ചോദിക്കുന്നത്. സുഹൃത്തുക്കള്‍ തന്റെ മുടിയെ തേനിച്ചക്കൂട്, കടന്നല്‍ കൂട് എന്നൊക്കെയാണു വിളിക്കുന്നത്. എന്നാല്‍ പ്രേമത്തില്‍ കാണുന്നത്ര മനോഹരമല്ലെന്നും പ്രേമം സിനിമയില്‍ പിക്ചറൈസ് ചെയ്തതിന്റെ ഭംഗികൊണ്ടാണ് അതിത്ര ശ്രദ്ധിക്കപ്പെട്ടതെന്നും അനുപമ പറഞ്ഞിരുന്നു.