സിനിമയിലും ജീവിതത്തിലും ഈ നടന് വില്ലന്
ഭീഷണിപ്പെടുത്തിയും പ്രലോഭിപ്പിച്ചും അശ്ലീലചിത്രം പകര്ത്തി ബ്ലാക്ക്മെയില് ചെയ്യുന്ന ചിലര് സിനിമാമേഖലയില് സജീവമാണ്. ഈയിടെ കൊച്ചിയിലെ ഒരു പൊലീസ് ഉദ്യോഗസ്ഥനെ ചലച്ചിത്ര പ്രവര്ത്തകയായ സുഹൃത്ത് സമീപിച്ചു. മലയാള സിനിമയില് വില്ലന് വേഷങ്ങള് കൈകാര്യം ചെയ്യുന്ന പ്രമുഖ യുവനടനെക്കുറിച്ചായിരുന്നു പരാതി. ചെയ്യുന്നതു വില്ലന് വേഷമാണെങ്കിലും സുമുഖനും നല്ല പേശീബലമുള്ളയാളുമായ നടന് ആരാധികമാര് ഏറെയുണ്ട്. സമൂഹ മാധ്യമങ്ങളില് സജീവമായ നടന് സിനിമയില് അവസരം ലഭിക്കാന് സഹായിക്കാമെന്നു പ്രലോഭിപ്പിച്ചു പലരുമായും രാത്രി വൈകി ടെക്സ്റ്റ് ചാറ്റിങ്ങില് ഏര്പ്പെടും.
ബന്ധം ദൃഢമാകുന്നതോടെ വിഡിയോ ചാറ്റിങ് തുടങ്ങും. ഇയാളുടെ പ്രലോഭനത്തിനു വഴങ്ങി പലരും നഗ്നതയും അര്ധനഗ്നതയുമൊക്കെ പ്രദര്ശിപ്പിക്കാന് തയാറാകും. ഈ ദൃശ്യങ്ങള് റെക്കോര്ഡ് ചെയ്തു സൂക്ഷിച്ചശേഷമാണു പണം ആവശ്യപ്പെട്ടു ഭീഷണിപ്പെടുത്തല്. തനിക്ക് അറിയാവുന്ന പെണ്കുട്ടിക്ക് ഈ അനുഭവമുണ്ടായെന്ന പരാതിയുമായാണു ചലച്ചിത്ര പ്രവര്ത്തക പൊലീസ് ഉദ്യോഗസ്ഥനെ സമീപിച്ചത്. എന്നാല്, പരാതി എഴുതി നല്കാന് ആവശ്യപ്പെട്ടതോടെ അതിനു ഭയമാണെന്നു പറഞ്ഞ് ഇവര് പിന്വാങ്ങി.
ചില ന്യൂജനറേഷന് സിനിമക്കാരാണു മലയാള സിനിമയില് അധോലോകത്തെ വളമിട്ടു വെള്ളമൊഴിച്ചു വളര്ത്തുന്നതില് മുന്നില്. ലഹരിയുണ്ടെങ്കിലേ ചിത്രം ഹിറ്റാകൂ എന്ന് ഇവരില് ചിലര് ചിന്തിക്കുന്നു. ഇത്തരക്കാരുടെ സിനിമകളില് അഭിനയിക്കാനെത്തുന്ന പലരും പഴയ ക്വട്ടേഷന് സംഘാംഗങ്ങളാണ്. ചിലര് അധോലോകത്തില് നിന്നു വന്നവര്. നടന്മാരാകാന് കഴിയാത്ത ക്വട്ടേഷന് സംഘാംഗങ്ങള് പ്രൊഡക്ഷന് സംഘത്തില് കയറിപ്പറ്റുന്നു. നടികളെ വിളിക്കാന് വണ്ടിയുമായി പോകുന്നവരില് ഇത്തരക്കാരുമുണ്ട്.
കൊച്ചിയിലെ ലഹരിമരുന്നു പാര്ട്ടികളില് പങ്കെടുക്കുന്നവരില് സിനിമാക്കാരുമുണ്ട്. വലിക്കാനും കുത്തിവയ്ക്കാനുമെല്ലാമുള്ള സാധനങ്ങള് ഇവര്ക്ക് എത്തിച്ചു കൊടുക്കുന്നത് അധോലോകമാണ്. ഇവര് പിന്നീട് അവരുടെ സിനിമയില് പിടിമുറുക്കുന്നു. കുറച്ചുകാലം മുമ്പ് ഒരു ചലച്ചിത്ര പ്രവര്ത്തകന് കഞ്ചാവ് അടിച്ചു ലഹരി മൂത്തപ്പോള് നഗ്നനായി തൊട്ടടുത്ത ഫ്ലാറ്റില് കയറി വീട്ടമ്മയെ അപമാനിക്കാന് ശ്രമിച്ചിരുന്നു.
കുറച്ചു കാലം മുമ്പു കൊച്ചിയില് താരങ്ങള് പങ്കെടുത്ത മെഗാഷോയുടെ റിഹേഴ്സല് ക്യാംപില് വിദേശമദ്യവുമായി ഒരു അധോലോക സംഘത്തലവന് എത്തി. താരങ്ങള്ക്കൊപ്പം ഏതാനും ദിവസം ചെലവഴിച്ചതോടെ ഷോയുടെ സംവിധായകന് അയാളെ ഇറക്കിവിട്ടു. പക്ഷേ, സിനിമാക്കാരില് ചിലര് പിന്നീട് അയാളുടെ ഹോട്ടല്മുറിയില് പോയി സല്ക്കാരം ആസ്വദിച്ചു.
https://www.facebook.com/Malayalivartha
