സിനിമാ മേഖലയിലെ സ്ത്രീകളുടെ സംഘടനയായ 'വുമണ്‍ കളക്ടീവ് ഇന്‍ സിനിമ' യില്‍ തന്നെ ഉള്‍പ്പെടുത്താത്തതില്‍ ദുഖമുണ്ടെന്ന് ഡബ്ബിംഗ് ആര്‍ട്ടിസ്റ്റും നടിയുമായ ഭാഗ്യലക്ഷ്മി.

സംഘടനയുടെ രൂപീകരണം സംബന്ധിച്ച പ്രാഥമിക യോഗങ്ങളില്‍ താനും ഉള്‍പ്പെട്ടിരുന്നു. എന്നാല്‍ ബുധനാഴ്ച തിരുവനന്തപുരത്ത് ചേര്‍ന്ന യോഗം സംബന്ധിച്ചോ വ്യാഴാഴ്ച മുഖ്യമന്ത്രിയെ സന്ദര്‍ശിക്കുന്നത് സംബന്ധിച്ചോ തന്നെ ആരും ഒന്നും അറിയിച്ചില്ലന്ന് അവര്‍ വ്യക്തമാക്കി.എന്താണ് ഇതിനു കാരണമെന്ന് തനിക്കറിയില്ലെന്നും ഇത്തരത്തിലൊരു സംഘടന രൂപംകൊണ്ടതില്‍ സന്തോഷമേ ഉള്ളൂവെന്നും ഭാഗ്യലക്ഷ്മി അറിയിച്ചു. സിനിമാ മേഖലയിൽ പുതിയ സംഘടന വരുന്നത് എന്തുകൊണ്ടും നല്ലത് തന്നെയാണ് . സ്ത്രീകൾക്ക് കൂടുതൽ പ്രാധാന്യം നൽകാൻ ആ സംഘടനയ്ക്ക് കഴിയും. എന്നാൽ സംഘടനയുടെ പ്രാഥമിക ചർച്ചകളിൽ പങ്കെടുത്തിരുന്ന തന്നെ തുടർ നടപടികളിൽ തഴഞ്ഞതിൽ എന്തെങ്കിലും കാര്യം കാണും . എന്നാൽ തന്നെ എന്തുകൊണ്ടാണ് ഈ വിവരങ്ങൾ സംഘടനാ അറിയിക്കാതിരുന്നതെന്ന ചോദ്യം മറ്റുള്ളവർ ചോദിക്കുമ്പോളാണ് തനിക്ക് വിഷമം വരുന്നതെന്നും അവർ പറയുന്നു.