ഞാന്‍ ഇന്നത്തെ സിനിമാ സങ്കല്‍പങ്ങളെ മനസിലാക്കുന്നതിന് വൈകിപ്പോയയെന്നാണ് നടനും സംവിധായകനുമായ രഞ്ജിപണിക്കര്‍ പറയുന്നത്. ഓംശാന്തി ഓശാനയുടേയും പ്രേമത്തിന്റേയും തിരക്കഥ വായിച്ചപ്പോള്‍ ഇതൊക്കെ സിനിമയാണോ എന്ന് തോന്നിയിട്ടുണ്ട്. എന്നാല്‍ ഇരു സിനിമകളും വമ്പന്‍ ഹിറ്റുകളായിരുന്നു.

തിരക്കഥയിലൂടെ വെറുപ്പിച്ചിട്ടുള്ള പല രാഷ്ട്രീയക്കാരും തിരികെ നല്‍കിയിട്ടുള്ള സ്‌നേഹം ഒരുപാട് വിസ്മയിപ്പിച്ചിട്ടുണ്ടെന്നും ഏറ്റവും അധികം പരിഹാസ പാത്രമാക്കാന്‍ ശ്രമിച്ചിട്ടുള്ളതും വിമര്‍ശിച്ചിട്ടുള്ളതും കെ കരുണാകരനെയാണെങ്കിലും ഏറ്റവും കൂടുതല്‍ വ്യക്തിബന്ധമുള്ള രാഷ്ട്രീയക്കാരനും അദ്ദേഹമായിരുന്നു എന്നും രഞ്ജി പണിക്കര്‍. അഭിനയം വളരെ സന്തോഷം നല്‍കുന്ന ഒന്നാണെങ്കിലും, ഒരു തിരക്കഥയെഴുതുന്നതിലും കൂടുതല്‍ സാമ്പത്തികം ഇതില്‍ നിന്നും ലഭിക്കില്ലെന്ന് രഞ്ജി പണിക്കര്‍ വിലയിരുത്തുന്നു.

ആളുകള്‍ക്ക് വിമര്‍ശിക്കാനുള്ള അധികാരമുണ്ട്. എന്റെ ഒരു ചിത്രത്തിലും സ്ത്രീകളെ അധിക്ഷേപിച്ചിട്ടില്ലെന്നും പക്ഷെ ഒരു കഥാപാത്രത്തെ പരുഷമായി അഭിസംബോധന ചെയുന്ന രംഗങ്ങള്‍ ഉണ്ടാകും എന്നാല്‍ അത് ആ കഥാപാത്രത്തെ മാത്രമാണ് ഉദ്ദേശിക്കുന്നതെന്നും രഞ്ജി പണിക്കര്‍ പറയുന്നു. അത് പൊതുവില്‍ സ്ത്രീകളെ മുഴുവന്‍ ആക്ഷേപിക്കുന്ന എന്ന നിലക്ക് വ്യാഖ്യാനിക്കുമ്പോള്‍ അത് ഏറ്റെടുക്കുവാനും, അതാണ് ശരി എന്ന് വിശ്വസിക്കുവാനും ഒരുപറ്റം ആളുകള്‍ ഉണ്ടാകാം. അവരാണ് അത് സ്ത്രീകളെ എന്ന നിലയിലേക്ക് എത്തിക്കുന്നത്.