മലയാളത്തില്‍ സ്ത്രീകള്‍ക്ക് ഏറ്റവും ഇഷ്ടപ്പെട്ട നടനാരാണെന്ന് ചോദിച്ചാല്‍ പറയുന്ന ഉത്തരം ഒരാളുടെതായിരിക്കും.വെറെ ആരുമല്ല നടന്‍ മോഹന്‍ലാലിനെ തന്നെ.എന്ത് കൊണ്ടാണ് സ്ത്രീകള്‍ മോഹന്‍ലാലിനെ ഇത്രയും അധികം ഇഷ്ടപ്പെടാന്‍ കാരണം. തീര്‍ച്ചയായും മോഹന്‍ലാലിന്റെ ഗ്ലാമറാകാം. അതുമല്ലെങ്കില്‍ പൗരഷമാകാം.

ഒരു പുരുഷന്‍ എങ്ങനെയായിരിക്കണമെന്ന് മോഹന്‍ലാലിനെയാണ് പല സ്ത്രീകളും ചൂണ്ടിക്കാട്ടുന്നത്. മോഹന്‍ലാലിന്റെ പെരുമാറ്റ രീതിയെയും വിനയത്വവും തന്നെയാണ് പ്രധാനമായി പറയേണ്ടത്.ജോലി ചെയ്യുന്നവരുടെ വലുപ്പ ചെറുപ്പം നോക്കാതെ പെരുമാറുന്ന നടനാണ് മോഹന്‍ലാല്‍ എന്നും പല നടിമാരും ഇതിന് മുമ്പ് പറഞ്ഞിട്ടുണ്ട്.

ഏതൊരു സ്ത്രീയും ഒരു പുരുഷനില്‍ നിന്ന് ആഗ്രഹിക്കുന്ന ബഹുമാനവും സംരക്ഷണവും ലാല്‍ നല്‍കുമെന്ന് നടി ശ്വേത പറയുകയുണ്ടായി. സ്ത്രീ ആഗ്രഹിക്കുന്നത് ഒരു പുരുഷനില്‍ നിന്ന് ഏതൊരു സ്ത്രീയും ആഗ്രഹിക്കുന്നത് രണ്ട് കാര്യങ്ങളാണ്.

ബഹുമാനവും സംരക്ഷണവും. ഈ രണ്ട് കാര്യങ്ങളും മോഹന്‍ലാലില്‍ നിന്നും ലഭിക്കുമെന്നാണ് നടി ശ്വേതാ മേനോന്‍ പറയുന്നത്. എല്ലാവരും ഒരുപോലെ പത്ത് പേരുണ്ടെങ്കില്‍ അവരെയെല്ലാം കെയര്‍ ചെയ്യാന്‍ അദ്ദേഹത്തിനറിയാമെന്ന് ശ്വേത പറയുന്നു. എല്ലാവരെയും തുല്യരായി പരിഗണിക്കുകയും ചെയ്യുമെന്നും ശ്വേതാ അടുത്തിടെ പറഞ്ഞിരുന്നു.മോഹന്‍ലാലിനെന്താ ഇത്രയേറെ സ്ത്രീ ആരാധകരെന്ന് സുരാജ് വെഞ്ഞാറമൂട് അടുത്തിടെ ലാലിനോട് ചോദിച്ചിരുന്നു.

മോഹന്‍ലാല്‍ എന്ത് വിചാരിക്കും എന്ന് കരുതി പലരും ഈ ചോദ്യം ലാലിനോട് ചോദിച്ചിട്ടില്ല. എന്നാല്‍ മോഹന്‍ലാലിന് സുരാജിന്റെ ചോദ്യം നന്നേ ബോധിച്ചു. പ്രായഭേദമെന്യേയാണ് എല്ലാവരും ലാലേട്ടനെ ഇഷ്ടപ്പെടുന്നത്. അതില്‍ കൂടുതലും സ്ത്രീകളാണ്. എല്ലാവരും ഇത്രത്തോളം തീവ്രമായി ചേട്ടനെ സ്‌നേഹിയ്ക്കുന്നത് എന്തുകൊണ്ടാണെന്ന് എപ്പോഴെങ്കിലും ചിന്തിച്ചിട്ടുണ്ടോ എന്നാണ് സുരാജിന്റെ ചോദ്യം.

സുരാജിനോട് നന്ദി പറഞ്ഞുകൊണ്ടാണ് ലാല്‍ ഉത്തരം തുടങ്ങിയത്. അഭിനയിച്ച സിനിമകള്‍ അല്ലെങ്കില്‍ കഥാപാത്രങ്ങള്‍ തന്നെയാണ് അതിനുള്ള കാരണമെന്ന് മോഹന്‍ലാല്‍ മറുപടി നല്‍കിയിരുന്നു.ഒറ്റപ്പാലത്ത് ഷൂട്ടിംഗ് ഉള്ളപ്പോള്‍ പ്രായമായ ഒരമ്മ പതിവായി മോഹന്‍ലാലിനെ കാണാന്‍ വരുമായിരുന്നു. ഉപ്പേരിയും മറ്റും ഉണ്ടാക്കിയാണ് അവര്‍ വരിക. അവരുടെ മകന്‍ ഗള്‍ഫിലാണ്. വര്‍ഷങ്ങള്‍ കൂടുമ്പോഴേ വരൂ.

അവന് ഉപ്പേരി വലിയ ഇഷ്ടമാണ്. അതുകൊണ്ടാണ് മകനെപ്പോലെ സ്‌നേഹിക്കുന്ന മോഹന്‍ലാലിന് ആ അമ്മ ഉപ്പേരി ഉണ്ടാക്കി കൊണ്ടുവന്നിരുന്നത്.ഇതുപോലെ എത്രയെത്ര അമ്മമാര്‍ മോഹന്‍ലാലിനെ സ്‌നേഹിക്കുന്നു.

കല്‍പ്പനയും ഉര്‍വശിയും എല്ലാം മോഹന്‍ലാലിനെ ആരാധിക്കുന്നു. മറ്റേത് നടനില്‍ നിന്ന് ലഭിക്കുന്നതിലും സ്‌നേഹവും കരുതലും മോഹന്‍ലാല്‍ തരുന്നെന്നാണ് അവര്‍ പറയുന്നത്. ഒരു പക്ഷെ, മോഹന്‍ലാലിന് സഹോദരിമാരില്ലാത്തതു കൊണ്ടായിരിക്കാം.