ആ ഹിറ്റ് ചിത്രങ്ങളുടെ എഡിറ്റര്‍ ഇന്ന് വെറുമൊരു ഓട്ടോഡ്രൈവര്‍, പ്രിയദര്‍ശന്റെ ഹിറ്റ് ചിത്രങ്ങളുടെ എഡിറ്ററായിരുന്ന നാരായണന്റെ ജീവിത കഥ ഇങ്ങനെ...
മിഥുനം, വന്ദനം,ചിത്രം തുടങ്ങിയ ചിത്രങ്ങള്‍ ഓര്‍മ്മയില്ലേ.പ്രിയദര്‍ശന്റെ ഹിറ്റ് ചിത്രങ്ങളില്‍ ചിലതാണ് ഇതല്ലൊം.എന്നാല്‍ ഈ ഹിറ്റ് ചിത്രങ്ങളുടെ എഡിറ്റിംഗ് നിര്‍വഹിച്ച നാരായണനെ ആരും ഓര്‍ക്കില്ല.90കളില്‍ പണംവാരി കൂട്ടിയ ചിത്രങ്ങളുടെ എഡിറ്ററായിരുന്നു ഇദ്ദേഹം.എന്നാല്‍ ഇദ്ദേഹം ഇപ്പോള്‍ ഓട്ടോറിക്ഷ ഓടിക്കുകയാണെന്ന് പറഞ്ഞാല്‍ ആരെങ്കിലും വിശ്വാസിക്കുമോ.
പൊന്നമ്പാറാ ഓട്ടോ സ്റ്റാന്റില്‍ കിടന്നോടുന്ന ദര്ശന് എന്ന ഓട്ടോയും അതിന്റെ അമരക്കാരനും ഫിലിം എഡിറ്ററില്‍ നിന്നും ഓട്ടോയുടെ ഹാന്‍ഡിലിലേക്ക് ജീവിതം എത്തിച്ച നാരായണനാണ്.
മദിരാശിയില്‍ നാരായണന്റെ കൈകള്‍ക്കിടയിലൂടെ സ്‌ക്രീനില്‍ വെളിച്ചമായവയില്‍ ഭരതന്റെ ഒരു മിന്നാമിനുങ്ങിന്റെ നുറുങ്ങുവെട്ടവും വൈശാലിയും വേണുനാഗവള്ളിയുടെ ഏയ് ഓട്ടോയും ആയിരപ്പറയും ലാല്‍സലാമും ടി വി ചന്ദ്രന്റെ പൊന്തന്‍മാടയും ഡാനിയും പ്രിയദര്‍ശന്റെ ഏതാനും ഹിന്ദി ചിത്രങ്ങള്‍ വരെയുണ്ട്.
ഡിജിറ്റല്‍ എഡിറ്റിംഗിന് തൊട്ടുമുമ്പുള്ള മാനുവല്‍ എഡിറ്റിംഗിന്റെ കാലത്ത് ഇഷ്ടം പോലെ പണിയുള്ള ഒരു അസോസിയേറ്റ് എഡിറ്ററായിരുന്നു നാരായണന്‍. തിരക്ക് പിടിച്ച് ഓടുന്നതിനിടയില്‍ 1995 ല്‍ ബന്ധുവായ ബാലാമണിയുമായുള്ള വിവാഹത്തില്‍ മകന്‍ ദര്‍ശന്റെ ജനനത്തോടെ ജീവിതം മറ്റൊരു പാതയിലേക്ക് നാരായണനെ തള്ളിവിട്ടു.
ശരീരകോശങ്ങളുടെ ക്രമരഹിതമായ വളര്‍ച്ച എന്ന അസാധാരണ സാഹചര്യങ്ങളുമായി പിറന്ന മകന്‍ ദര്ശന് എല്ലാറ്റിനും സഹായം വേണ്ടി വന്നു. സംസാര ശേഷിയില്ലാത്ത മകനുമായി നാട്ടിലേക്ക് മടങ്ങി.1998 ല്‍ തിരുവനന്തപുരത്ത് ചിത്രാഞ്ജലി സ്റ്റുഡിയോയില്‍ ചേര്‍ന്ന് ഡിജിറ്റല്‍ എഡിറ്റിംഗും വശമാക്കിയെങ്കിലും മകന്റെ ചികിത്സാര്‍ത്ഥം നാട്ടില്‍ നില്‍ക്കേണ്ട സ്ഥിതിയില്‍ 2001 ല്‍ സിനിമ താല്‍ക്കാലികമായി ഉപേക്ഷിക്കേണ്ടി വന്നു.
വീട്ടില്‍ നിന്നും ഇരുപത് കിലോമീറ്റര്‍ ദൂരത്തിലുള്ള പയ്യന്നൂരിലെ എംആര്‍സിഎച്ച് സ്‌പെഷല്‍ സ്‌കൂളിലാണ് ദര്ശന് പഠിക്കുന്നത്. മകനെ കൊണ്ടുപോകാനും കൊണ്ടുവരാനുമായി ഓട്ടോറിക്ഷ വാങ്ങി. ഇടയ്ക്കിടെ പയ്യന്നൂരിലെ സ്റ്റുഡിയോകളില്‍ ചില്ലറ എഡിറ്റിംഗ്. ബാബു തിരുവല്ലയുടെ തനിയെ എന്ന സിനിമയുടെ എഡിറ്റിംഗാണ് അദ്ദേഹം അവസാനമായി നിര്‍വഹിച്ചത്.
https://www.facebook.com/Malayalivartha
