ഞാന് അഭിനയിക്കില്ല, തിരികെ പോവുകയാണ്... ആദം ജോണ് ചിത്രീകരണത്തിനിടെ ഭാവന പല തവണ പറഞ്ഞിരുന്നതായി ജിനു പറയുന്നു
പൃഥ്വിരാജ് നായകനായ ചിത്രമാണ് ആദം ജോണ്. ജീനു എബ്രഹാം സംവിധാനം ചെയ്ത ചിത്രത്തില് നരേന്, ഭാവന തുടങ്ങിയ താരങ്ങള് പ്രധാന കഥാപാത്രത്തെ അവതരിപ്പിച്ചിരുന്നു. തിയേറ്ററുകളില് സമ്മിശ്ര പ്രതികരണമായിരുന്നു ചിത്രത്തിനെങ്കിലും ആരും പരീക്ഷിക്കാത്തൊരു തീം ആയിരുന്നു ആദം ജോണിന്റേത്.
ചിത്രീകരണത്തിനിടെ പല തവണ താന് അഭിനയിക്കില്ല, തിരികെ പോവുകയാണെന്ന് ഭാവന പറഞ്ഞിരുന്നതായി സംവിധായകന് ഒരു മാധ്യമത്തിനു നല്കിയ അഭിമുഖത്തില് വ്യക്തമാക്കി. ചിത്രത്തിനായി ഭാവനയെ കാസ്റ്റ് ചെയ്തപ്പോള് ആദ്യമൊന്നും വരാന് തയ്യാറായിരുന്നില്ല, പക്ഷേ ഭാവന തന്നെ അഭിനയിക്കണമെന്നത് തന്റെ ഒരു വാശിയായിരുന്നുവെന്ന് ജീനു പറയുന്നു.
ഏകദേശം 50ഓളം ജൂനിയര് ആര്ട്ടിസ്റ്റുകള് അഭിനയിക്കുന്ന ഒരു സീന് ചിത്രീകരിക്കുന്നതിനിടെ പെട്ടന്ന് ഭാവന 'ഞാന് അഭിനയിക്കില്ല, തിരികെ പോവുകയാണ്, എനിക്ക് കഥാപാത്രം ആകാന് കഴിയുന്നില്ല' എന്ന് പറഞ്ഞു. സത്യത്തില് ഞാന് ഞെട്ടി.
എന്റെ കണ്ണെല്ലാം നിറഞ്ഞു. സംഭവം അറിഞ്ഞപ്പോള് പൃഥ്വിയും ടെന്ഷനിലായി. പിന്നീട് ഒരു സംവിധായകന് അനുഭവിക്കുന്ന പ്രതിസന്ധി മനസ്സിലാക്കിയ ഭാവന ആ തീരുമാനം മാറ്റുകയും അവസാനം വരെ കൂടെ നില്ക്കുകയും ചെയ്തു' ജീനു പറയുന്നു.
https://www.facebook.com/Malayalivartha